麥玲玲瘦身唔瘦胸 plt
麥玲玲瘦身唔瘦胸 plt

Mayanne小喇叭|麥玲玲瘦身唔瘦胸 月減15磅40G巨胸屹立不倒

影視娛樂

廣告

《Mayanne小喇叭》第一集討論身材,嘉賓竟然搵嚟麥玲玲分享「乳腺發達」心得!樣貌身材同樣好有福氣的麥玲玲,其實都曾經做過纖形廣告代言人,玄學家走去做瘦身代言人,坊間大多反應是:「唔係啩?」麥師傅以行動話你知「真係」,而且仲非常成功,瘦身唔瘦胸,即刻同大家回帶!

邊個估到第一集「身材研討會」,竟然搵嚟麥玲玲坐C位?!
邊個估到《Mayanne小喇叭》第一集「乳腺發達研討會」,竟然搵嚟麥玲玲坐C位?!

麥玲玲減肥增名氣成功瘦身唔瘦胸

麥師傅原本重130磅,其圓碌碌的身形配合永遠燦爛的笑容,開心親民的形象深入民心,但突然接拍纖體廣告,不怕減得太瘦,會影響其面相運程嗎?財運嚟講,的確肥少少容易賺錢啲,所以做生意嘅人肥啲會好啲,不過名氣方面,瘦啲又會好啲喎,所以啲明星個個都咁瘦囉!唉!就算我減,都唔會瘦到條藤咁啦,以前over 咗啫,依家要適中啲,財運、名氣咪均勻啲囉!其實我關心健康多啲,我入行10年,每年肥1磅,由120磅肥到130磅,再咁落去唔掂,其實之前好多纖體公司搵過我,但我擔心破壞專業形象,呢間最好係唔使我著泳衣出嚟見人,如果話明要著,阿德(老公)都唔會畀啦,佢哋話著套裝已經OK,咁好容易啫!」那老公對其瘦身成果滿意嗎?「佢都話我條腰瘦咗,背肌冇咁厚,仲好奇怪點解對胸冇細到,不過佢話『點解個籮仲係咁大嘅?』真係畀佢激死!」可能阿德只是想激勵老婆繼續努力啫!

0
圓碌碌向來是師傅的標誌,予人可愛親切的感覺,其實大家應該不會太介意她肥少少,只是她眼見自己一年肥過一年,變成梯形身材,終於抵唔住頸,始終瘦啲,上鏡靚啲吖嘛!
0
努力一個月,上圍不變,依然屬40G重量級,不過巨胸以下明顯縮曬水,腰圍減4吋,手臂各減1.5吋,大髀各減2吋,整體感覺輕盈得多,以後唔使着西裝褸遮肥肉喇!
0
瘦人唔瘦胸,最開心係我老公!(設計對白)

經典倒奶大字馬 酬金全數做善事好心有好波

講真,麥師傅今次減肥真的毅力十足,除了每星期去纖體公司做兩次機,自己亦不停做運動,每朝 7 點半落街跑步或者在屋企跳完 funky dance 先返工,每星期又上兩堂泰拳,四管齊下,不少街坊都盛讚麥師傅瘦咗又靚咗,她笑言:「好彩登晒廣告話自己減肥,唔係啲人仲以爲我有病,家陣真係瘦過結婚嗰陣(15年前)。」經過一個月的瘦身療程,成功減去15磅肥肉,腰圍勁減4吋,麥師傅成功瘦身不瘦胸,招牌波罅仍然養眼,40G 龐然巨胸屹立不倒,連老公阿德都嘖嘖稱奇,不過最奇還是麥師傅要身材唔要錢,將全數50萬酬金捐給東華三院做善事,可能真係好心有好波!

0
每周師傅都會去灣仔的Force One跟女泰拳教練Jaguar To上堂,初初只是做warm up已經嗌曬救命,其實師傅,你着到咁sexy去做掌上壓,我哋都頂唔順啦!
0
不要以爲師傅只是擺甫士給我們影相,佢堅做!
0
師傅自稱柔軟度高,但冇體力,做多兩做已經「啤」曬。
0
師傅上圍重成咁,又的確幾難平衡,教練真係要幫幫手。
0
終於扭埋一嚿,大功告成!

天生「肥底」未瘦過 後生激似松田聖子

麥玲玲自稱小五後體重未試過低於100磅,絕對是天生「肥底」,不過看回15年前的結婚相,當時24歲的師傅雖然塊面圓圓地,但仲見到條腰,無論樣貌髮型都有七成似年輕的松田聖子,真係好驚喜!

0
老公阿德都斯文白淨,仲有啲似黎明,絕配!絕配!
0
松田聖子

關鍵詞
麥玲玲
圖片來源:東方新地