高海寧 謠言
高海寧 謠言

高海寧賣命養家卻被指爛蒲媾仔 自爆曾因壓力現輕生念頭!

影視娛樂

廣告

現年35歲的高海寧,近日現身由蝦頭和連詩雅主持的節目《絲打圍爐》,大談過去曾經困擾三人的情緒問題。高海寧在節目中激動回應有關困擾自己多年的負面報道,並大爆自己曾經因種種壓力而產生過輕生的念頭。

高海寧激動回應「爛蒲、媾仔」謠言

高海寧在節目中提到,自己在30歲前曾經非常介意別人對自己的看法,經常希望用行動去證明給外界睇。她亦激動回應到有關多年來雜誌無中生有的謠言:「當時嗰啲雜誌會寫我爛蒲、成日出去玩、媾仔,有好多呢啲新聞,但我又唔出街,我又唔蒲,點解要咁寫我呢?」

高海寧 謠言 高海寧 高海寧提到雜誌經常會話自己「爛蒲」、「溝仔」,但根本一切都係無中生有的謠言。
高海寧提到雜誌經常會話自己「爛蒲」、「溝仔」,但根本一切都係無中生有的謠言。(圖片來源:Youtube@ChillGOOD TV 截圖)

高海寧表示後來終於從記者口中得知事情的來龍去脈:「後尾我知道點解喇,啲記者同我講返,『佢話唔好意思寫咗你啊』,我問佢『點解你要咁對我呢』,佢話『因為寫你,啲書賣得好啊,銷量第一。』我當時心諗,咁你地有冇考慮過我感受啊,一個女仔嘅聲譽掌控喺你地支筆到㗎!」

高海寧 謠言 高海寧 高海寧超激動回應謠言!
高海寧超激動回應謠言!(圖片來源:Youtube@ChillGOOD TV 截圖)

心情大受打擊 自爆封胸原因

高海寧續指原來記者早已知道「愛夜蒲」的真正主人公,但卻因為「真嘅唔敢寫」,所以才令高海寧被逼「食死貓」,她亦因此心情大受打擊,決定封胸:「後來我係好唔開心,所以有段時間我又封胸,又做其他,係因為唔想人地再focus喺我嘅身材上面。」直到30歲之後,高海寧開始覺悟,決定與其討好外人,倒不如好好為自己而活,所以毅然剪短頭髮,一改以往性感造型。

高海寧 謠言 高海寧 經過「食死貓」一事之後,高海寧開始剪短頭髮、封胸
經過「食死貓」一事之後,高海寧開始剪短頭髮、封胸(圖片來源:IG@sammkoling)
高海寧 謠言 高海寧 近年嘅高海寧經常都以密實造型示人
近年嘅高海寧經常都以密實造型示人(圖片來源:IG@sammkoling)

賣命養家賺錢 壓力爆煲產輕生念頭

此外,高海寧在節目中亦透露曾經為了養家賺錢而壓力爆煲:「人生目標就係賺錢、買樓,我仲要養家,所以我會有好多責任背負咗喺我自己身上。」高海寧表示因為以上種種壓力,令自己曾經產生過輕生念頭:「直至到我遇上咗一啲事情之後,我成個世界崩潰咗,即係我有啲情緒上嘅問題,我記得有一日喺馬路,有架貨車好快喺我面前飛過,我個腦pop咗一樣嘢,如果行出去會點,嗰下下意識反應係向後退咗一步,跟住第二日去睇醫生。」幸好在得到醫生的協助和一趟背包旅行之後,生活和健康才開始重回正軌,令高海寧學會更加愛惜自己。

高海寧 謠言 高海寧 高海寧表示至少家庭都會灌輸「人生的目標就是賺錢」的觀念
高海寧表示至少家庭都會灌輸「人生的目標就是賺錢」的觀念(圖片來源:Youtube@ChillGOOD TV 截圖)
高海寧 謠言 高海寧 因為種種壓力,令高海寧終於承受唔住
因為種種壓力,令高海寧終於承受唔住(圖片來源:Youtube@ChillGOOD TV 截圖)
高海寧 謠言 高海寧 更曾經有過輕生的念頭
更曾經有過輕生的念頭(圖片來源:Youtube@ChillGOOD TV 截圖)
高海寧 謠言 高海寧
(圖片來源:Youtube@ChillGOOD TV 截圖)

曾兩度鬼剃頭

高海寧有份演出2018年播出的《BB來了》,當時她曾於IG上載咗一張用手揭起後尾枕頭髮嘅相片,見到佢頭皮出現一個大約五蚊銀咁大嘅「空洞」,高Ling就留言:「當身體已向你發出警報…要怎樣學習放鬆。」呢個就係俗稱「鬼剃頭」的斑禿嘅情況,好多網民都叫佢好好保重同休息,甚至提供治療方法。

高海寧 謠言 2018年播出的《BB來了》,當時她曾於IG上載咗一張用手揭起後尾枕頭髮嘅相片
2018年播出的《BB來了》,當時她曾於IG上載咗一張用手揭起後尾枕頭髮嘅相片(圖片來源:IG@sammkoling)

高Ling當時接受訪問話嗰排都覺得身體有啲唔舒服,成日出手汗。而佢多年前都試過出現「鬼剃頭」,那是第二次出現,所以都唔太驚:「後尾枕有兩個地方有五蚊銀咁大嘅位置甩頭髮,睇咗醫生話我壓力大,叫我放鬆心情,今次冇理,反正身體好番就會生番頭髮。」佢仲話媽媽、爸爸知道後即刻停工陪佢,又煮飯畀我食,仲話只可以為個女做呢啲,令高Ling好感動。

高海寧2008年選港姐入行 作風大膽

南京姑娘高海寧是於2008年參選港姐競選出道,由於身材實在太突出,高Ling入圍不久已經備受關注,並被外間視為大熱。最後高Ling三甲不入 (三甲為張舒雅、陳倩揚及馬賽),不過隨即成為無綫旗下藝人,踏入娛樂圈。

高海寧 謠言 高海寧
(圖片來源:東方新地)
高海寧 謠言 高海寧
(圖片來源:東方新地)
高海寧 謠言 高海寧
(圖片來源:東方新地)

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧 謠言 高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」(圖片來源:東方新地)
高海寧 謠言 高海寧 高Ling將台灣代表瑤瑤比下去!
高Ling將台灣代表瑤瑤比下去!(圖片來源:東方新地)

與「咪神」、「性感女神」劃上等號

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

高海寧 謠言 高海寧
(圖片來源:新傳媒資料庫)
高海寧 謠言 高海寧
(圖片來源:東方新地)
高海寧 謠言 高海寧 同陳庭欣浸泥漿溫泉一幕又係經典!
同陳庭欣浸泥漿溫泉一幕又係經典!(圖片來源:東方新地)
高海寧 謠言 高海寧 近年高Ling都有參演王晶導演作品。
近年高Ling都有參演王晶導演作品。(圖片來源:東方新地)
高海寧 謠言 高海寧
(圖片來源:東方新地)

防止自殺求助熱線
生命熱線:2382 0000
撒瑪利亞防止自殺會:2389 2222
社會福利署:2343 2255
明愛向晴軒 向晴熱線:18288
香港輔導及心理學會:WhatsApp熱線 6218 1084
生命熱線:青少年生命專線 2382 0777

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:Youtube@ChillGOOD TV 截圖、IG@sammkoling資料或影片來源:原文刊於東方新地