馮德倫 爆谷一周
馮德倫 爆谷一周

爆谷一周|48歲馮德倫被逼供爆性感老婆舒淇甜蜜婚姻生活 紅都面晒咁話…….

影視娛樂

廣告

48歲的馮德倫日前擔任ViuTV節目《爆谷一周》嘉賓,大談近年專注做導演,在美國執導的奮鬥史及所見所聞,其間主持人谷德昭重提2016年他突然宣布與舒淇結婚,形容是當年一件大事,馮德倫只笑不答,仲話在場觀眾根本冇人想知,貫徹其低調作風。

馮德倫 爆谷一周 馮德倫 馮德倫上谷德昭主持的ViuV節目《爆谷一周》做嘉賓。
馮德倫上谷德昭主持的ViuV節目《爆谷一周》做嘉賓。(圖片來源:爆谷一周影片截圖)

馮德倫大談轉型經過

48歲的馮德倫在節目中一開始就被谷德昭重提當年曾以歌手身份出道,與雷頌德組成「Dry﹞」,與Kelly陳慧琳合唱一曲《紀念日》更唱到街知巷聞,之後他成為演員拍過不少港產片,當年的美少男不知幾受女粉絲歡迎,近年他轉型成功,曾拍美劇《荒原》(Into the Badlands)與《五行刺客》(Wu Assassins),去年馮德倫再度進軍荷里活,任美劇《基度山恩仇記》(The Count of Monte Cristo)監製兼編劇。

馮德倫 爆谷一周 馮德倫 馮德倫被谷德昭形容為「被靚仔耽誤的導演」,即場露出這個表情。
馮德倫被谷德昭形容為「被靚仔耽誤的導演」,即場露出這個表情。(圖片來源:爆谷一周影片截圖)
馮德倫 爆谷一周 馮德倫 早前馮德倫離港赴美出席時裝騷與史泰龍合照,48歲的馮德倫竟與年長28年的史泰龍一樣,鬍鬚近乎全白,散發陣陣型佬味道。
早前馮德倫離港赴美出席時裝騷與史泰龍合照,48歲的馮德倫竟與年長28年的史泰龍一樣,鬍鬚近乎全白,散發陣陣型佬味道。(圖片來源:IG@stephenfungible)

被踢爆曾拍過不少戇居片

谷德昭與馮德倫認識多年,見證住對方踏上導演之路,谷德昭笑言當年馮德倫在片場拍戲經常爭住揸cam,還不時與好友何超儀、謝霆鋒、陳奕迅等玩拍片同剪片,馮德倫笑說:「當年同佢哋拍埋好多戇居片,大把黑材料,所以佢哋唔敢惹我。」馮德倫表示因為自己喜歡控制成件事,又有自己的故事想講,所以才會由演員轉去做幕後。

馮德倫 爆谷一周 馮德倫 20年前的馮德倫,是個愛夾Band的美少男。
20年前的馮德倫,是個愛夾Band的美少男。(圖片來源:IG@stephenfungible)
馮德倫 爆谷一周 馮德倫 馮德倫成功打入美國市場,去年出任《基度山恩仇記》的監製及編劇,劇集改編自法國古典名著,並由《雪花高離奇命案》Fargo)劇集版英國男星Jack Huston演出。
馮德倫成功打入美國市場,去年出任《基度山恩仇記》的監製及編劇,劇集改編自法國古典名著,並由《雪花高離奇命案》(Fargo)劇集版英國男星Jack Huston演出。(圖片來源:IG@stephenfungible)

婚姻生活一概唔回應

馮德倫在節目中講完2015年開始打入美國市場,谷德昭就話2016年發生了一件大事,就是馮德倫宣布與舒淇結婚,一聽到「舒淇」兩字,馮德倫即時有點不知所措,笑住話現場觀眾根本不想知道這些事,亦唔知佢係邊個,谷德昭即問大家想唔想知,現場觀眾起哄答「想」,不過馮德倫依然隻字不提,以笑帶過,谷德昭惟有轉話題,問馮德倫為何會在ViuTV劇集《I.T狗》出現,馮德倫表示如果開續集有機會參與。

馮德倫 爆谷一周 馮德倫 谷德昭突然重提6年前與舒淇結婚一事,馮德倫笑得好尷尬。
谷德昭突然重提6年前與舒淇結婚一事,馮德倫笑得好尷尬。(圖片來源:爆谷一周影片截圖)
馮德倫 爆谷一周 馮德倫 馮德倫以觀眾根本唔想知道佢嘅家庭生活為由,拒絕繼續呢個話題。
馮德倫以觀眾根本唔想知道佢嘅家庭生活為由,拒絕繼續呢個話題。(圖片來源:爆谷一周影片截圖)
馮德倫 爆谷一周 馮德倫 馮德倫親口回應為何自己的靚仔海報會在《I.T狗》出現,仲話有機會想再拍劇。
馮德倫親口回應為何自己的靚仔海報會在《I.T狗》出現,仲話有機會想再拍劇。(圖片來源:IG@stephenfungible)
馮德倫 爆谷一周 馮德倫 馮德倫當年由朋友變仍戀人,16年結婚至今依然恩愛。
馮德倫當年由朋友變仍戀人,2016年結婚至今依然恩愛。(圖片來源:IG@sqwhat)

相關文章:馮德倫罕有發布閃光彈 舒淇甜蜜發相回禮

藝人舒淇同老公馮德倫結婚6年,生活一向好低調,唔會成日都放閃光彈。馮德倫Instagram一向都發布黑白主題嘅相,不過之前馮德倫罕有Post出同老婆甜蜜合照,從相中見到馮德倫負責揸機自拍,而舒淇就喺後面,用一張疑似係餐牌嘅紙遮住半塊臉,兩人對眼都好似甜到有蜜糖流出嚟咁!之後舒淇都唔執輸決定回禮,大家都就快畀佢哋閃盲喇!

有好多網民都馬上留言,畀晒心心Emoji,仲叫佢哋Post多啲合照添! (圖片來源: IG@stephenfungible)

老婆舒淇應該都覺得好Sweet喇! 所以都喺自己Instagram到「回禮」。

二人戴上鴨嘴帽,著住綠色情侶衛衣,雖然兩個人無身體接觸,不過都令到粉絲們大叫:「等了好多年啦!」

馮德倫與舒淇2016年秘婚震驚娛樂圈

2016年,當時40歲的舒淇與42歲的馮德倫(Stephen)在9月3日宣布結婚,並向傳媒發出結婚啟事,震驚整個娛樂圈!兩人在布拉格為新片《俠盜聯盟》開工,更即興拍下多張甜蜜婚照,隨即在網上瘋傳,在各大平台洗版,人人都替佢哋高興!之後Stephen更在網上大晒婚戒,而且兩人打算築新婚愛巢,睇中淺水灣一個近二千呎的豪宅!

馮德倫 爆谷一周 馮德倫
2016年,當時40歲的舒淇與42歲的馮德倫(Stephen)宣布結婚, 並發放婚照。(圖片來源:新傳媒資料庫)
馮德倫 爆谷一周 馮德倫 舒淇表示婚紗係H&M 2014年送俾佢的,而頭紗係在一家婚紗店隨意挑選。
舒淇表示婚紗係H&M 2014年送俾佢的,而頭紗係在一家婚紗店隨意挑選。(圖片來源:新傳媒資料庫)

當年舒淇表示婚紗係H&M 2014年送俾佢的,而頭紗係在一家婚紗店隨意挑選。而新郎另一套西裝同舒淇粉紅色裙,係臨拍照前兩天在街邊買,認真隨意!舒淇更表示婚照由台灣知名攝影師林炳存操刀,對方一周前收到舒淇柯打,即掉低手上工作陪一對新人飛去布拉格拍攝!

馮德倫 爆谷一周 馮德倫 舒淇表示婚照由台灣知名攝影師林炳存操刀。
舒淇表示婚照由台灣知名攝影師林炳存操刀。(圖片來源:新傳媒資料庫)
馮德倫 爆谷一周 馮德倫
(圖片來源:新傳媒資料庫)
馮德倫 爆谷一周 馮德倫
(圖片來源:新傳媒資料庫)

二人更發表結婚啟事,跟大家分享喜悅!文中提到,今次結婚雖然係好突然,但其實只想簡簡單單辦婚事,所以唔會有結婚派對,而Stephen笑言係毫無反顧娶舒淇,決定相互糾纏一輩子,所以「我們結婚了」!簡單幾句,已令人好感動!最後,舒淇同Stephen補充多句,目前尚未懷孕,想先享受二人世界!

馮德倫 爆谷一周 馮德倫
(圖片來源:微博@馮德倫)
馮德倫 爆谷一周 馮德倫
(圖片來源:微博@馮德倫)

馮德倫微博晒婚戒

兩人宣布結婚後,男主角Stephen一直未有現身,不過在微博上水,上載咗兩張在布拉格的開工照並留言︰「謝謝媒體和朋友們的祝福。正在森林裏趕拍戲。Thank you all so much!」相中見到戴上黑超的Stephen型爆咁倚着一棵樹,手持對講機似係落緊Order,不過亮點其實係佢手上的婚戒!

馮德倫 爆谷一周 馮德倫 img_7171-1024x682
據知當年婚後二人更在淺水灣買豪宅築愛巢。(圖片來源:新傳媒資料庫)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:爆谷一周影片截圖、IG@sqwhat、IG@stephenfungible、新傳媒資料庫資料或影片來源:原文刊於東方新地