《愛.回家》初代3大回顧! 馬家堅離地身家過億?!
廣告
之前第一代《愛.回家》大結局播出,唔少人睇呢套劇都係為咗睇「馬家」,由一開始講馬家,到之後轉咗「愛瑜珈」,再叫返馬家返嚟救下收視,馬家都可謂功不可沒。除咗因為角色盞鬼之外,唔少網民留意嘅更加係呢個馬虎所講「基層家庭」嘅身家。劇中不時出現一啲涉及數萬甚至數百萬嘅劇情,即使有時因為某原因損失咗錢,大家亦只係一笑置之好似跌咗幾毫子咁;另一方面,佢哋又不時會拾到啲價值不菲嘅古董或者中下六合彩咁,究竟呢個馬家有幾多身家?一齊逐一數數。
1. 馬家身家究竟有幾多?
係第959集《愛‧回家》,講到馬壯唔小心拎咗曾超人嘅碗做禮物,然後又唔小心被阿嫦送咗畀Johnson。轉轉折折嘅關係之後馬壯誤以為要賠返隻碗畀超人,仲以為隻碗價值2億4千萬,導致係呢一集大家一齊數身家夾錢救亡。
馬強:古董店「執到寶」、物業 —— 超過五千萬
馬子妮:股票、格仔鋪 —— 十幾萬
一開始就有係格仔鋪賣野,賺到下錢。啲飾物仲會賣比明星好似朋友酸妹咁,之後再做咗年幾OL,儲儲埋埋都唔少錢架!
馬子仁:形象指導、慢活工房 —— 一百幾萬
一開始做形象指導,後來開咗間「慢活工房」,做埋老闆
阿嫦(勞麗嫦):終極富婆 —— 六千萬
講到馬家最有錢,一定係阿嫦。除咗有私己錢,仲有自己嘅生意、物業,早排仲要收到遺產。有一集講到馬壯向馬柔拎返十萬蚊租,佢竟然笑馬壯追「婆仔數」,十萬蚊嘅婆仔數真係唔係個個都講得出。
咁樣加加埋埋,馬家嘅身家都真係過億!
2. 最強馬虎
馬虎:屢破「拐子佬」事件
3. 神之馬壯
自稱「最接近神嘅男人」,喺「查李施律師事務所」做,仲同尹德如發展出一條感情線,但今次想講嘅馬壯嘅客兼老友——曹總。
曹總:盞鬼角色,帶普通話口音嘅廣東話
「阿壯Wa,禾剛才嘅嬴技梨慢唔慢意,有你哩註說話,禾就放鮮啦」
曹總憑住佢呢個盞鬼角色同果種半鹹半淡嘅廣東話,成功係套劇出位,演技一流。
圖片來源:Mytv 截圖 (Mytv觀看連結)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!