馬國明、湯洛雯趕今年結婚 進駐未來岳父湯鎮宗近半億別墅愛巢

影視娛樂

廣告

「湯馬戀」公開半年,46歲馬國明與33歲湯洛雯全天候甜蜜晒愛放閃,馬明唔止有家唔想返,長駐靚湯紅磡屋企,仲講明以結婚為終極目標,派定心丸畀靚湯,馬國明湯洛雯戀愛大過天,疫情期間照樣拍拖,早前更被影到齊齊研究淺水灣豪宅,似是為未來結婚打算﹗今日有報導指馬明和靚湯趕在2021年拉埋天窗,更會以未來岳父湯鎮宗送的別墅做新婚愛巢!

原文刊於《東方新地》

馬國明、湯洛雯趕今年結婚

馬國明、湯洛雯愛得高調又甜蜜,二人一早表明以結婚為大前提,而靚湯早前放聲氣指唔會閃婚,因為婚前亦要先買樓,而馬明亦明言會努力賺錢。今日有報導指馬國明順利過了靚湯父母嗰關,婚期為2021年初,更指去年湯父湯鎮宗以靚湯之名購4,581萬元的馬鞍山雲海別墅中的Lily Avenue逾2,000呎別墅單位,本來打算湯家四口搬去住,不過現在湯鎮宗順利成章送給女兒當嫁妝。更有指馬國明和湯洛雯已向公司匯報婚事,而TVB亦為二人找來婚禮贊助,可喜可賀﹗

傳馬國明湯洛雯明年結婚 岳父湯鎮宗送愛巢

湯洛雯、馬國明婚事望在疫情後

早前馬明與靚湯一直被懷疑已婚及即將會閃婚,搞到二人要連番澄清,靚湯出席公開活動時強調堅拒閃婚,她說:「我們都是有計劃的人,之前受訪話不排除會閃婚都是講笑,結婚要計劃好多,起碼父母要知道,又要買樓,暫時我們想儲錢,當初拍拖都講過以結婚為前提,都幾多歲啦,不會玩了。」現在父母肯定是知道了,雙方都非常接納,成為一家人指日可待。

靚湯與馬明相戀後,放鬆心情不再刻意滅磅,肉肉身形更有睇頭。
靚湯與馬明相戀後,放鬆心情不再刻意滅磅,肉肉身形更有睇頭。

 

對於被稱呼為 「馬太」 ,靚湯堅稱不會閃婚,不過就認定了馬明,還指馬明不介意她肥或瘦,兩樣都會喜歡。
對於被稱呼為 「馬太」 ,靚湯堅稱不會閃婚,不過就認定了馬明,還指馬明不介意她肥或瘦,兩樣都會喜歡。
馬明正孭飛拍兩套新劇《兒科醫生》和《白色強人 II》,日前他表示結婚生仔是下一步,更透露母親對靚湯好滿意:「媽媽都幾鍾意佢。我每一次拍拖都會諗下一步,我唔係會拍散拖嘅人,從來都唔係。」
馬明正拍完兩套新劇《兒科醫生》和《白色強人 II》,日前他表示結婚生仔是下一步,更透露母親對靚湯好滿意:「媽媽都幾鍾意佢。我每一次拍拖都會諗下一步,我唔係會拍散拖嘅人,從來都唔係。」

馬明與靚湯愛得坦蕩蕩,拍拖唔夠一年已承認曾商討婚姻大事,二人見過雙方家長,關係穩定有共同目標,看來好事不遠,據知情者透露:「馬明就快50歲喇,唔結等幾時,難得靚湯都對佢死心塌地,仲話結婚生仔係下一步,唔好夜長夢多喇!佢哋都想疫情後先大搞,有計劃出年成事!靚湯有家底,佢爸爸湯鎮宗亦手持過億物業,但靚湯想婚後同馬明有屬於自己嘅安樂窩,最近佢哋都睇緊樓,揀定心水地區,等個市稍為回落就去馬,錢嗰方面都唔大問題,靚湯屋企大把,馬明亦搵到。」

愛得高調的「湯馬戀」,去到多人的公眾地方一樣癡纏,二人勾住手指表現甜蜜。
愛得高調的「湯馬戀」,去到多人的公眾地方一樣癡纏,二人勾住手指表現甜蜜。

為老爺奶奶肯讓步 港島區築愛巢

圈中不少情侶成家立室後,都搬去港島區名校網,方便日後子女返學,好像陳豪陳茵媺一家,由大埔比華利山別墅搬去港島南灣豪宅,不過住開九龍區的靚湯竟為了未來奶奶與老爺,有意在港島區築愛巢。

行到去淺水灣地產舖,靚湯拉住馬明停步一齊研究。
行到去淺水灣地產舖,靚湯拉住馬明停步一齊研究。
現場所見,靚湯睇豪宅盤睇到好入神,托晒頭仲手指指,馬明雖然反應一般,不過仍細心聽女友發表意見。
現場所見,靚湯睇豪宅盤睇到好入神,托晒頭仲手指指,馬明雖然反應一般,不過仍細心聽女友發表意見。

馬明 靚湯齊齊地産門外研究豪宅

自小在馬鞍山長大的靚湯,近年搬到紅磡住,她深知馬明與家人同住在太古城多年,再加上馬明侍母至孝,不想婚後離家太遠,所以她亦作出讓步,知情者說:「靚湯同馬明有晒共識,知道佢住開港島唔想離屋企太遠,得閒可以成日返去探兩老,所以最近特別留意港島區啲樓。」早前本刊見靚湯路過地產舖亦駐足研究淺水灣一帶的樓盤,現場所 見, 她 對 住 全 部 億 億 聲 的 賣 盤 單位,不停手指指意見多多,馬明就細心聆聽間中回應一兩句,看來靚湯對淺水灣的豪宅頗有興趣,不過馬明睇到個銀碼個心應該怯一怯。未來老婆想住淺水灣,馬明要再加把勁喇!

46歲馬明終於有啖靚湯飲,今年6月被爆與33歲當紅花旦湯洛雯撻著,展開甜如初戀的拍拖生活。
46歲馬明終於有啖靚湯飲,今年6月被爆與33歲當紅花旦湯洛雯撻著,展開甜如初戀的拍拖生活。
拍拖半年如膠似漆,馬明頻頻出入靚湯屋企,靚湯直認給了住戶證馬明方便他出入,她也知道男友太古城屋企的大廈密碼,但沒有屋企鎖匙。
拍拖半年如膠似漆,馬明頻頻出入靚湯屋企,靚湯直認給了住戶證馬明方便他出入,她也知道男友太古城屋企的大廈密碼,但沒有屋企鎖匙。
馬明主演的《 C9特工》正熱播,日前他在 IG晒劇照與劇中老婆高海寧宣傳,附上心心,竟惹來靚湯打翻醋埕,留言貼上喊樣表情符號,馬明急解釋:「高大勁咋……佢唔係呷醋,講吓笑啫!」
馬明主演的《 C9特工》正熱播,日前他在 IG晒劇照與劇中老婆高海寧宣傳,附上心心,竟惹來靚湯打翻醋埕,留言貼上喊樣表情符號,馬明急解釋:「高大勁咋……佢唔係呷醋,講吓笑啫!」

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..