吳業坤35歲圓夢入港隊 征戰空手道亞錦賽為1個原因：我係香港運動員

吳業坤分享空手道賽事點滴

坤哥在社交媒體上分享了他參賽的多張照片，並透露了他的心路歷程：「有一日問師傅你估我三字頭仲有冇機會可以入到港隊呢？除了考黑帶我哋亦都向著呢個目標進發，上年年尾第一次打公開賽攞到成績，終於可以入到香港空手道初級代表隊到今次烏茲別克舉辦嘅AKF有選拔賽，師傅叫我去打多啲本地比賽攞多啲經驗，就膽粗粗去參加+84個人男子組手選拔賽。而好彩地比我合乎咗資格，雖然明知自己嘅水平未夠而大家都話呢個級別好有可能會受傷，但如果唔去唔知仲有冇機會可以代表香港出賽所以決定再任性一次。」

首戰國際賽事感受

在AKF選拔賽中，坤哥首圈對戰來自越南的選手LE MINH THUAN，雖然以0：8的比分落敗，但他對此次經歷感到無悔：「感謝各位大老比我唔錄歌住拍劇請假去左9日，亦都多謝隨團教練同隊友嘅接納，今次去到見識到世界級嘅選手知道自己有幾渺小，雖然輸了但果種痛快是無可取代的，一日仲鬱得我都會練得再好啲下次再打得好啲。估唔到我都可以講一聲我係香港運動員。（兼職）」

一眾圈中好友送上鼓勵，洪永城表示：「👏👏👏good on you man !」、吳若希大讚：「proud of you！👏👏」、鄧智堅亦表示：「好型」

《刑偵12》演睿智人格演技獲讚

在《刑偵12》中飾演張振朗次人格「阿賢」的吳業坤，在造型及演技上亦同樣吸獲大量好評。對於坤哥換了長髮造型、及以西裝上陣演繹溫柔又知情的阿賢，大部份網民極為受落，並大讚坤哥很多場口中的眼神溫柔得嚟又熾熱，演技亦絕對沒有被視帝張振朗蓋過，更有網民笑指坤哥結了婚後更加有型靚仔！

網民：「坤哥今次演出令人眼前一亮，角色有發揮」、「最斯文靚仔又分析力強的角色，做得好好」、「演戲有潛質，不要放棄」、「今齣勁靚仔，西裝好型」、「成熟咗、Man 咗」、「嘩！結咗婚後靚仔咗咁多」。

臨時獲加喊戲依然揮灑自如

坤哥是次角色絕對是演技大考驗，除了扮演「似有還無」的次人格，還要扮演刑凱（張振朗飾）智慧與感性兼備的幕後軍師，二人雖然在多方面均抱對立立場，但由於是由同一個人分裂出來，故亦有不少同步場面，絕對考驗二人默契。據知，在第一集目擊曾嘉儀母親（吳香倫飾）被撞場口，感性的阿賢淚如雨下哭個不停，據巢導透露，該場喊戲其實是臨場才決定要加，但坤哥依然能在事前毫無心理準備的情況下順利完成使命，演技躍進度可想而知。