香港金像獎2019
香港金像獎2019

【香港金像獎2019】38年大回顧 細數歷屆金像獎之「最」

影視娛樂

廣告

第38屆香港電影金像獎2019,將於4月14日(星期日) 舉行,今年的競爭十分激烈,到底各奬項會花落誰家?當晚自有分曉!歷年金像獎中,邊個有最多影帝提名?邊套戲攞過最多獎?邊個攞得最多次影后……等等,今日就嚟個金像獎38年大回顧啦!

編輯:Evita|圖片:新傳媒圖片庫、金像獎FB|原文:新Monday

【香港金像獎2019 前傳】- 細數38屆之「最」

歷屆金像獎 攞「最佳女主角」最多次嘅演員

曾喺9次提名中有5次封后嘅張曼玉,成為最多次數嘅金像獎影后,當中《甜蜜蜜》、《阮玲玉》等更是其經典代表作。

入圍「最佳女主角」最多但從未獲獎嘅演員

鄭秀文曾經7次提名金像獎「最佳女主角」,而喺第21屆中更試過憑《鍾無艷》、《同居蜜友》同《瘦身男女》有3個提名,不過嗰年最後由張艾嘉(《地久天長》)攞咗。

入圍「最佳女主角」最多次嘅演員

張艾嘉都曾11次獲提名金像獎「最佳女主角」,包括今屆《相親相愛》,當中曾2次得獎。

最年輕嘅「最佳女主角」

1983年,只有17歲嘅林碧琪,就係憑《o靚妹仔》封后。

最年長嘅「最佳女主角」

羅蘭喺2000年憑《爆裂刑警》封后,當年66歲,係最年長嘅金像獎「最佳女主角」。

攞「最佳男主角」最多次嘅演員

有11次提名過影帝嘅梁朝偉,曾憑《花樣年華》、《重慶森林》、《春光乍洩》、《無間道》、《2046》呢五套電影5次封帝。

入圍「最佳男主角」最多次嘅演員

近年多產嘅劉青雲,37年嚟曾16次提名金像獎「最佳男主角」,但只係憑07年《我要成名》同15年《竊聽風雲3》攞過兩次影帝。

最年長嘅 「最佳男主角」

1996年,已故嘅喬宏憑《女人四十》封帝,當年69歲嘅佢,成為最年長提名同攞獎嘅金像獎影帝。

攞「最佳導演」最多次嘅導演

導演許鞍華咁多年嚟共有12次提名,當中憑《投奔怒海》、《女人四十》、《天水圍的日與夜》、《桃姐》同《黃金時代》共攞過5次金像獎「最佳導演」。

入圍「最佳導演」最多次嘅導演

不過講到提名得最多嘅就係杜琪峯,37年嚟共有18次提名,當中亦憑《槍火》、《PTU》、《黑社會》3次得獎。

入圍「最佳導演」最多但從未獲獎嘅導演

陳木勝曾憑《衝鋒隊怒火街頭》、《雙雄》、《新警察故事》、《保持通話》、《掃毒》等電影提名過共5次金像獎「最佳導演」;其中《掃毒》喺該屆共有8個提名,但都全軍覆沒,陰功!

首部大滿貫電影

大滿貫即係同一部電影同時包下金像獎「最佳電影」、「最佳導演」、「最佳編劇」同「最佳男、女主角」獎項,而第1次出現大滿貫係喺第15屆香港電影金像獎,由許鞍華執導嘅《女人四十》;相隔16年後,同樣由許鞍華執導嘅《桃姐》,則於第31屆香港電影金像獎再次大滿貫。

首部演技獎大滿貫電影

2016年由翁子光執導嘅《踏血尋梅》同時獲得「最佳男、女主角」、「最佳男、女配角」和「最佳新演員」獎,實現金像獎史上首次演技獎大滿貫。

獲獎最多嘅電影

王家衛拍咗十幾年嘅《一代宗師》,梁朝偉、章子怡主演,喺第33屆香港電影金像獎中共有14項提名,包括「最佳電影」、「最佳導演」、「最佳編劇」、「最佳女主角」等等,埋單一共攞咗12個獎,係歷年嚟獲獎最多嘅電影。

最多提名但全軍覆沒嘅電影

由黎明、甄子丹主演嘅《七劍》,喺第25屆香港電影金像獎上,獲「最佳電影」、「最佳導演」、「最佳女配角」等11項提名,可惜無一獲獎。

最多提名嘅電影

2001年《卧虎藏龍》、2003年《無間道》、2005年《功夫》同2010年《十月圍城》,分別都喺該年得到金像獎16個獎項提名。

同場加映:

【金像獎2019】完整候選名單 發哥城城同片爭影帝 阿Sa問鼎影后

香港電影界一年一度的盛事,第38屆香港電影金像獎頒獎典禮將於4月14日假香港文化中心舉行,屆時於ViuTV 99台直播盛況,今午大會邀請去年影帝古天樂和影后毛舜筠擔任嘉賓,揭曉公佈19項入圍名單,當中電影《無雙》獲17項提名,而《逆流大叔》獲11項提名,《翠絲》有9項提名,《淪落人》及《紅海行動》各得8項提名,莊文強執導、周潤發及郭富城主演的《無雙》有望成為大贏家!

最佳電影

《三夫》
《紅海行動》
《淪落人》
《逆流大叔》
《無雙》

最佳導演

陳果《三夫》
林超賢《紅海行動》
陳詠燊《逆流大叔》
陳小娟《淪落人》
莊文強《無雙》

最佳男主角

吳鎮宇《逆流大叔》
黃秋生《淪落人》
周潤發《無雙》
郭富城《無雙》
姜皓文《翠絲》

最佳女主角

曾美慧孜《三夫》
蔡卓妍《非分熟女》
余香凝《非同凡響》
Crisel Consunji《淪落人》
張靜初《無雙》

最佳男配角

黃德斌《逆流大叔》
潘燦良《逆流大叔》
李璨琛《淪落人》
廖啟智《無雙》
袁富華《翠絲》

最佳女配角

黃璐《G殺》
蔣璐霞《紅海行動》
余香凝《逆流大叔》
周家怡《無雙》
惠英紅《翠絲》

最佳新演員

林善《G殺》
栢天男《L風暴》
陳湛文《三夫》
胡定欣《逆流大叔》
Crisel Consunji《淪落人》

入行16年,首次拍電影《逆流大叔》的視后胡定欣角逐「最佳新演員」,對手還有《三夫》陳湛文及《淪落人》Crisel Consunji。

新晉導演

李卓斌《G殺》
陳詠燊《逆流大叔》
陳小娟《淪落人》
張家傑《棟篤特工》
李駿碩《翠絲》

最佳編劇

陳慧、三三、應亮《自由行》
陳詠燊《逆流大叔》
陳小娟《淪落人》
莊文強《無雙》
舒琪、李敏、李駿碩《翠絲》

最佳攝影

譚家豪《G殺》
蔡崇輝《狄仁傑之四大天王》
馮遠文、黃永恆《紅海行動》
潘耀明《捉妖記2》
關智耀《無雙》

最佳剪接

許文傑《G殺》
徐克、李林《狄仁傑之四大天王》
蔡志雄、林志恆《紅海行動》
譚國明、雪蓮《逆向誘拐》
彭正熙《無雙》

最佳美術指導

曹和成《西遊記女兒國》
赤塚佳仁、李景文《狄仁傑之四大天王》
李健威、Guillaume Aretos、種田陽平《捉妖記2》
林子僑《無雙》
張蚊《翠絲》

最佳服裝造型設計

余家安、利碧君《西遊記女兒國》
余家安、利碧君《狄仁傑之四大天王》
奚仲文《捉妖記2》
文念中《無雙》
張蚊《翠絲》

最佳動作設計

林峰《狄仁傑之四大天王》
林超賢《紅海行動》
李忠志《無雙》
錢嘉樂、吳永倫、鄧瑞華《黃金兄弟》
袁信義《葉問外傳:張天志》

最佳原創電影音樂

泰迪羅賓、鄧志和《八部半喜怒哀樂》
RubberBand《逆流大叔》
戴偉《無雙》
陳光榮《黃金兄弟》
大友良英《翠絲》

最佳原創電影歌曲

陽光普照《非同凡響》作曲:劉宇軒/填詞:陳心遙/主唱:余香凝
逆流之歌《逆流大叔》作曲、填詞、主唱:RubberBand
Let Us Be The One《無雙》作曲:戴偉/填詞:陳心遙/主唱:Jan Curious
一起衝一起闖《黃金兄弟》 作曲:陳光榮/填詞:馮曦妤、陳光榮、朱雋言/主唱:鄭伊健、陳小春、謝天華、錢嘉樂、林曉峰

最佳音響效果

杜篤之、吳書瑤《G殺》

Steve Burgess《狄仁傑之四大天王》
Nopawat Likitwong, Sarunyu Nurnsai《紅海行動》
李耀強、姚俊軒《捉妖記2》
Dhanarat Dhitirojana, Kaikangwol Rungsakorn, Sarunyu Nurnsai《無雙》

最佳視覺效果

Jay Seung Jaegal, SungJin Jung, Branden Juwon Lee, 徐建《西遊記女兒國》
蔡洙應、朴英修、前川英章、池明求《狄仁傑之四大天王》
李仁浩、姜泰均《紅海行動》

潘國瑜《捉妖記2》
林洪峯《無雙》

最佳兩岸華語電影

《江湖兒女》
《你好,之華》
《我不是藥神》
《邪不壓正》
《嘉年華》

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..