香港金像獎2019
香港金像獎2019

【香港金像獎2019】 回顧歷屆金像獎女星性感造型 紅地毯上個個出盡法寶 | 影視娛樂

影視娛樂

廣告

第38屆香港電影金像獎2019 將於今個星期日(4月14號)晚上舉行頒獎典禮,每到 金像獎 舉行前夕,眾多女星都會準備好最搶鏡嘅戰衣,務必要喺紅地毯上成為全場最矚目嘅焦點,歷屆金像獎頒獎禮上就有唔少女星性感現身,令人留下深刻印象!

撰文:東方新地|圖片:新傳媒圖片庫 | 編輯:Evita

香港電影金像獎 紅地毯大戰

1. 周秀娜

周秀娜 (娜姐) 過往出席金像獎頒獎禮經常真空上陣大騷身材,娜姐幾乎次次都以性感造型登場,次次都殺唔少菲林!

娜姐上年榮獲提名最佳女主角就以金色超低胸兼大露背晚裝登場,再次成為紅地氈焦點之一!

2. 文詠珊

文詠珊Janice Man(JM)喺前年第35屆金像獎首度入圍最佳女配角,JM以非常性感嘅Versus Versace黑裙上陣,仲自爆上下都真空,不過就慘被網友批評其身材!

有網友搵出越南模特兒Ngoc Trinh著同一款裙嘅照片,喺比拼之下擁有S形身材嘅Ngoc Trinh即刻贏晒!

3. 熊黛林

熊黛林09年以超低胸晚裝出席金像獎,一身超低胸黑色拖尾長裙上陣,非常吸睛!

4. 陳靜

陳靜(DaDa)2013年憑《低俗喜劇》攞到最佳女配角,當年佢以開到近肚臍嘅Deep V戰衣上陣,不過上圍好像相比往日有啲「縮水」。

5. 黃婉曼

前天氣女郎黃婉曼亦係金像獎紅地毯嘅常客,擁有32F豐滿上圍嘅佢輕輕一夾就現出五吋事業線,吸引全場男士嘅目光!

6. 謝安琪

同一屆金像獎謝安琪都有性感現身,為頒獎禮上台獻唱,但因為暴雨關係,亦都逃唔過濕身嘅命運。

7. 陳嘉桓

當年陳嘉桓著上Dorian Ho設計背心裙亮相,眼利嘅網友就話佢出現高低胸情況。

8. 劉美君

劉美君喺09年金像獎穿著價值超過20萬的Jean Paul Gaultier戰衣,但裡面配襯黑色喱士bra谷胸,被彈打扮不倫不類。

9.賈曉晨

賈曉晨(JJ)喺2011年香港電影金像獎以粉紅低胸裝爆乳現身,上上落落都勁吸睛!

10. 林志玲

09年林志玲憑《赤壁》入圍「最佳新人獎」,當年以Marchesa金色低胸晚裝上陣,令人眼前一亮。

11. 林熙蕾

林熙蕾2010年金像獎以Dolce& Gabbana低胸裝現身,輕易成為全場焦點。

12. Sammi

鄭秀文(Sammi)每次行金像獎紅地毯時都打扮得大方高貴,原來佢曾經7次提名金像獎「最佳女主角」,而喺第21屆中,更試過憑《鍾無艷》、《同居蜜友》同《瘦身男女》有3個提名,係入圍「最佳女主角」最多但從未獲獎嘅演員。

13. 劉嘉玲

2011年憑《狄仁傑之通天帝國》成為金像影后嘅劉嘉玲以高衩長裙大晒美腿,佢每次出席金像獎時都打扮高貴迷人,keep得勁好。

14. 舒淇

2010年舒淇以Elie Saab晚裝配襯逾千萬Cartier首飾,貴氣逼人。

15. 郭藹明

劉青雲係入圍金像獎「最佳男主角」最多次嘅演員,38年嚟曾16次提名金像獎「最佳男主角」,但只係憑07年《我要成名》同15年《竊聽風雲3》攞過2次影帝。郭藹明每年都陪老公劉青雲出席頒獎禮,老公可以年年都著一樣嘅衫 ,但郭藹明就年年都要轉款,不過難得佢永無失手,年年都一樣咁大方得體,偶爾性感,仲好有驚喜㖭!

16. 余安安

上年,余安安著上純白色女神風長裙,配以簡約鑽飾,高貴大方登場!

未知香港金像獎2019,各位女星又會點樣出擊呢?

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..