香港小姐2023︱麥美恩胸口發紅令人憂心當事人6字解釋兼爆「元兇」

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

影視娛樂

Keith

Aug 28 2023

《2023香港小姐競選》總決賽於今晚（27日）舉行，其中麥美恩和C君現身擔任泳衣問答環節司儀。雖然一眾佳麗身穿泳衣非常養眼，但網民的焦點卻落在麥美恩心口上的紅疹，網民紛紛留言指好擔心！

麥美恩疑似敏感發作胸口佈滿紅疹

有份主持泳裝環節的麥美恩原本好地地，但到第二位佳麗開始，麥美恩胸口前突然出現多多噠紅印同紅疹，網民話睇落都覺得痕。不過麥美恩依然非常專業，一啲都冇表現出不適神情！

香港小姐2023 麥美恩麥美恩 2023香港小姐心口紅曬。 — 心口紅曬。（圖片來源：TVB截圖）

香港小姐2023 麥美恩麥美恩 2023香港小姐睇到網民好擔心。 — 睇到網民好擔心。（圖片來源：TVB截圖）

香港小姐2023 麥美恩麥美恩 2023香港小姐播完廣告之後有好啲，但依然都係好紅。 — 播完廣告之後有好啲，但依然都係好紅。（圖片來源：TVB截圖）

麥美恩事後親自解畫：我笑得太興奮

事後麥美恩接受傳媒訪問時，解釋指因為廠內溫度太高，加上自己太興奮，所以胸口才變紅：「我其實開始第一個環節嘅時候，已經覺得個人好熱。因為一廠嗰冷氣比我平時習慣嘅唔夠凍，因為我係冬天人嚟嘅。我一完咗第一個牧童笛訪問之後，我笑得太興奮，搞到個血氣同興奮程度飆得好快，加上個人又熱。某程度上其實都唔係第一次發生，好多謝大家喺廣告時間嘅時候即刻提我，我都即刻用Cue Card同隻手去Cool Down。」麥美恩又解釋當時時間緊迫，未有時間多理自己身體狀況：「因為問答環節時間太Tight，我盡量就唔好理嗰感覺住，就一路深呼吸，希望興奮嗰程度可以平復。」

香港小姐2023 麥美恩麥美恩事後麥美恩解釋因為太興奮，所以胸口才發紅。 — 事後麥美恩解釋因為太興奮，所以胸口才發紅。（圖片來源：東方新地）

香港小姐2023 麥美恩麥美恩麥美恩指對唔住大會時裝設計師，令大家未能將焦點放在裙子上。 — 麥美恩指對唔住大會時裝設計師，令大家未能將焦點放在裙子上。（圖片來源：東方新地）

2號黃泳嘉表演牧童笛係「元兇」 ?

今次之所以會令麥美恩胸口發紅，搞到個血氣同興奮程度飆得咁快，全因為2號黃泳嘉（Jessica）再次表演牧童笛。Jessica早前在才藝表演中選擇表演小學時經常吹的牧童笛，但技術卻非常一般，甚至吹《 My Heart Will Go On 》吹到嚴重走音，該段片段更獲得超過1萬個Like。今日到泳衣環節，Jessica又再表演牧童笛，不過都係繼續走音，笑爆全場。