香港小姐
香港小姐

香港小姐|冠軍事業反而一般? 盤點高成就亞、季軍 佘詩曼兩奪視后

影視娛樂

廣告

《2022香港小姐競選》即將來臨!參選得嘅當然希望攞到愈高名次愈好,之不過唔講未必知歷年嚟拎亞軍同季軍嘅佳麗嘅演藝事業,都未必比冠軍遜色,甚至高幾班!

張曼玉憑演技成為國際級影后

張曼玉喺18歲時參選港姐,贏咗1983年港姐亞軍及「最上鏡小姐」,之後開始咗佢嘅演藝人生。由於美麗嘅外表,喺演戲上曾被批評係花瓶。

直至1988年憑演出王家衛嘅《旺角卡門》首獲提名金像獎影后,實力開始被大眾肯定。翌年就憑關錦鵬嘅《三個女人的故事》成為金馬最佳女主角,首嚐影后滋味。1990年再憑《不脫襪的人》獲得佢首個金像獎最佳女主角獎,張曼玉更加係香港影壇嘅第一位柏林影后。張曼玉演出嘅經典作多不勝數,包括《阮玲玉》同《花樣年華》等等,從影期間獲獎無數,喺圈中發展絕對將同屆港姐冠軍楊雪儀比下去。

香港小姐 曼玉於83年獲港姐亞軍及「最上鏡小姐」,開始佢嘅演藝人生
張曼玉於83年獲港姐亞軍及「最上鏡小姐」,開始佢嘅演藝人生(圖片來源:新傳媒資料庫)
香港小姐 曼玉曾被批評為花瓶,憑努力最終演技獲得肯定
曼玉曾被批評為花瓶,演技最終憑努力獲得肯定(圖片來源:《不脫襪的人》劇照)
香港小姐 曼玉憑《不脫襪的人》獲頒金像獎影后
張曼玉憑《不脫襪的人》獲頒金像獎影后(圖片來源:新傳媒資料庫)
1990年度《香港小姐競選》: 張曼玉、楊雪儀與李月芙
當年的冠軍楊雪儀於1986年與周潤發合作的《夢中人》,戲中出演了裸露胸部的鏡頭,她憑該片獲得1987年香港電影金像獎最佳女配角提名。不過到大約1990年代已大幅減產並息影。(圖片來源:新傳媒資料庫)

蔡少芬最後生嘅視后

蔡少芬奪得1991年港姐季軍,1998年憑《天地豪情》以25歲之齡封后,成為TVB最後生嘅視后。近年全家北上發展,非常受內地製作組嘅歡迎,工作密密接,名利雙收,演藝路明顯比同屆港姐冠軍郭藹明豐富。

郭藹明於1991年以美國南加州大學機械工程學碩士生身份參選港姐,學歷之高可謂歷屆中數一數二,當年除咗獲得冠軍寶座,仲贏得國際親善小姐及最佳談吐幽默獎。郭藹明參演嘅電視劇戲路亦都好闊,喺《大時代》憑演成邦之女龍紀文成功入屋,可惜1998年嫁劉青雲後就專心做賢內助,逐漸淡銀幕。

香港小姐 91年冠軍郭藹明係90年代少數高學歷嘅港姐之一
91年冠軍郭藹明係90年代少數高學歷嘅港姐之一!郭藹明自從與劉青雲結婚後幾乎絕跡幕前,只是偶爾夫妻二人出席公開活動或拍攝廣告。(圖片來源:新傳媒資料庫)
香港小姐 郭藹明婚後淡出娛圈
郭藹明婚後淡出娛圈。(圖片來源:新傳媒資料庫)
香港小姐 一家五口非常幸福,事業家庭兩得意
蔡少芬一家五口非常幸福,事業家庭兩得意(圖片來源:蔡少芬@微博)
香港小姐 蔡少芬近年在內地發展,成績唔錯
蔡少芬近年在內地發展,成績甚佳(圖片來源:蔡少芬@微博)
香港小姐 蔡少芬曾參演多部無綫劇
蔡少芬曾參演多部無綫劇(圖片來源:無綫《珠光寶氣》劇照)
香港小姐
(圖片來源:無綫《珠光寶氣》劇照)

佘詩曼入行無耐就成為一線花旦

佘詩曼早前喺社交網貼素顏相,年屆46嘅佢被網民大讚保養得非常好,其實唔好唔記得阿佘係1997年港姐季軍,顏值一定有番咁上下高分。至於演技方面亦都好有天份,出道不久就成為TVB一線花旦,憑2006年《鳳凰四重奏》及2014年《使徒行者》做過兩次TVB視后。

同屆港姐冠軍翁嘉穗,卸任港姐翌年就嫁富商鄔友正,亞軍李明慧就於2003年成為人妻,淡出娛圈,喺幕前均未有好突出嘅作品。

香港小姐 1997年港姐季軍佘詩曼、冠軍翁嘉穗、亞軍翁嘉穗
1997年港姐季軍佘詩曼、冠軍翁嘉穗、亞軍翁嘉穗(圖片來源:新傳媒資料庫)
香港小姐
(圖片來源:新傳媒資料庫)
香港小姐 佘詩曼出道不久就成為TVB花旦
佘詩曼出道不久就成為TVB花旦(圖片來源:《鳳凰四重奏》劇照)
香港小姐 佘詩曼保養得宜
佘詩曼保養得宜,獲網民大讚(圖片來源:佘詩曼@微博)

胡杏兒醉心演藝事業

現年47歲嘅郭羨妮係1999年港姐冠軍,但2011年嫁內地武指朱少杰就專心相夫教女,淡出幕前,直至最近復出拍港台劇《我們的開學禮》。佢同屆嘅季軍胡杏兒而家同樣係人妻人母,但杏兒就從來都冇停落嚟,唔止演出多部TVB劇集,拎過由「飛躍進步女藝員」至「最佳女主角」多個大大小小嘅獎項。

胡杏兒近年專注喺內地發展,為事業甚至忍受同囝囝長時間兩地分離,交由老公照顧。最近備戰綜藝節目《乘風破浪3》時,重遇當年選港姐評判之一嘅葉蒨文,葉蒨文透露當日有份投胡杏兒一票。

香港小姐 郭羨妮與同屆季軍胡杏兒都係人妻人母
郭羨妮與同屆季軍胡杏兒都係人妻人母(圖片來源:新傳媒資料庫)
香港小姐 郭羨妮和老公朱少杰育有一名女兒
郭羨妮和老公朱少杰育有一女(圖片來源:郭羨妮@微博)
香港小姐 胡杏兒經常忙裡偷閒同囝囝相處
胡杏兒經常忙裡偷閒享受親子樂(圖片來源:myoliemyolie@IG)
香港小姐 最新郭羨妮復出和馬浚偉合作
最新郭羨妮復出和馬浚偉合作(圖片來源:郭羨妮@微博)
香港小姐 胡杏兒拍劇與綜藝演出從無間斷
胡杏兒多年嚟喺拍劇與綜藝演工作出從無間斷(圖片來源:《熟女強人》劇照)

黃心穎曾被封「提名王」

雖然黃心穎同朱千雪喺2012年度港姐競選輸咗俾張名雅,只係分別拎到亞軍及季軍,不過佢哋嘅演藝路絕到比張名雅好。事關張名雅並沒有太多機會參演劇集,即使有份演出亦並無重要角色,反觀黃心穎同朱千雪發揮都好多。

香港小姐 黃心穎、張名雅及朱千雪係2012年度港姐三甲
黃心穎、張名雅及朱千雪係2012年度港姐三甲(圖片來源:新傳媒資料庫)

黃心穎喺《為食神探》演「周晴」一角令唔少人開始留意佢,《深宮計》更被視為係佢同前度馬國明嘅定情劇。心穎喺2015年台慶頒獎禮更成為「提名王」,總共有4個提名,可惜2019年因安心事件「絕迹」TVB。

香港小姐 《深宮計》被視為係黃心穎同前度馬國明嘅定情劇
《深宮計》被視為係黃心穎同前度馬國明嘅定情劇(圖片來源:無綫《深宮計》劇照)
香港小姐 朱千雪曾演出多部電視劇
朱千雪曾演出多部電視劇(圖片來源:新傳媒資料庫)
香港小姐 黃心穎原本事業發展得唔錯,但2019年因安心事件跌落谷底「
黃心穎原本事業發展得唔錯,但2019年因安心事件跌落谷底「(圖片來源:jacquelinebwong@IG)

呂慧儀演處境場深入民心

講起2006年嘅港姐冠軍陳茵媺同亞軍周家蔚,好多人都會諗起佢哋人妻同人母嘅身份,兩人經常喺社交網晒幸福家庭生活,但問到佢哋曾經演過過咩戲就未必有好深刻嘅印象!

香港小姐 陳茵媺同周家蔚現時以家庭為重,甚少幕前演出
陳茵媺同周家蔚現時以家庭為重,甚少幕前演出(圖片來源:新傳媒資料庫)

至於同屆港組季軍呂慧儀由2017年開始就參演處境劇《愛·回家之開心速遞》中「熊若水」一角,所以形象比陳茵媺及周家蔚更入屋,同劇中拍檔張景淳更成為觀眾最喜歡嘅劇集CP之一。呂慧儀由於天生修長嘅美腿,被封「長腿蟹」,俘虜唔少宅男心。

香港小姐 呂慧儀由2017年開始就參演處境劇《愛·回家之開心速遞》
呂慧儀由2017年開始就參演處境劇《愛·回家之開心速遞》(圖片來源:konniecrab@IG)
香港小姐 與張景淳喺劇中演夫妻
與張景淳喺劇中演夫妻(圖片來源:konniecrab@IG)

陳倩揚由司儀變身媽媽級KOL

家境富裕嘅張舒雅係2008年香港小姐冠軍,但佢賽後無耐就向公司請病假,之後甚少履行港姐職責,仲退選世界小姐競選及國際中華小姐競選,引起TVB不滿將佢雪藏,卸任後無耐仲淡出埋娛圈,被封為「最hea港姐」。而同屆嘅亞軍陳倩揚唔止頂替張舒雅代表香港參加國際中華小姐,仲獲得亞軍及友誼小姐殊榮。佢最為人熟悉係擔任《東張西望》主持,2016約滿TVB後主力做司儀工作,近年更係一個好成功嘅媽媽級KOL。平日分享健康飲食秘方,吸引有唔少人追看。

家境富裕嘅張舒雅當選2008年香港小姐冠軍
家境富裕嘅張舒雅當選2008年香港小姐冠軍(圖片來源:新傳媒照片庫)
香港小姐 陳倩揚曾擔任《東張西望》主持
陳倩揚曾擔任《東張西望》主持(圖片來源:《東張西望》截圖)
香港小姐 2016約滿TVB後主力做司儀工作
2016約滿TVB後主力做司儀工作(圖片來源:chansinyeung@IG)
香港小姐 陳倩揚同老公育有兩子一女
陳倩揚同老公育有兩子一女(圖片來源:chansinyeung@IG)

蔡思貝範範掂 被封人肉發電機

2013年港姐三甲相信係喺圈中發展算係最平均同成績突出嘅一屆,冠軍陳凱琳、亞軍蔡思貝和季軍劉佩玥,三人都有涉足司儀、演戲、廣告多個範疇嘅發展,不過就只有蔡思貝曾喺TVB台慶頒獎禮中獲獎。

香港小姐 冠軍陳凱琳、亞軍蔡思貝和季軍劉佩玥都有涉足司儀、演戲、廣告嘅工作
冠軍陳凱琳、亞軍蔡思貝和季軍劉佩玥都有涉足司儀、演戲、廣告嘅工作(圖片來源:新傳媒資料庫)

蔡思貝初出道曾被指撞樣KOL達哥,但樣貌標青嘅佢反而好快被觀眾認識,同時被公司力捧嘅佢得到唔少演出機會,成績算唔錯,2017年獲TVB「最受歡迎電視女角色」獎及2020年TVB「最佳女主角」獎,不過人紅就是非多,最轟動的莫過於外界對其學歷嘅質疑,而佢嘅緋聞亦都好多,入行9嘅年就有10個緋聞男友,被網民稱為「人肉發電機」。

香港小姐 《萬千星輝頒獎典禮2017》王晶頒「最受歡迎電視女角色」俾蔡思貝
《萬千星輝頒獎典禮2017》王晶頒「最受歡迎電視女角色」俾蔡思貝(圖片來源:新傳媒資料庫)
香港小姐
(圖片來源:新傳媒資料庫)
香港小姐
(圖片來源:無綫《鐵馬戰車》截圖)

何依婷黑馬成新一代女神

何依婷2017年參選獲亞軍,佢就唔止學歷高,畢業美國史丹福大學,卸任冇耐被安排加入《學是學非》,成功入屋。2020年喺劇集《機場特警》嘅演出更獲提名台慶頒獎禮嘅「最受歡迎電視女角色」,劇中豪放坐楊明大髀談情,成功引起網民討論之餘,仲成為新一代女神,備受力捧。

同冠軍雷莊𠒇卸任後就冇同TVB續約,返咗加拿大生活,早前更被TVB高層樂易玲封「最跌眼鏡港姐」。

香港小姐 雷莊𠒇被TVB高層樂易玲封「最跌眼鏡港姐」
雷莊𠒇被TVB高層樂易玲封「最跌眼鏡港姐」(圖片來源:新傳媒資料庫)
香港小姐 何依婷喺《機場特警》豪放坐楊明大髀談情,引起網民熱話
何依婷喺《機場特警》豪放坐楊明大髀談情,引起網民熱話(圖片來源:《機場特警》截圖)
香港小姐
(圖片來源:《機場特警》截圖)

黃嘉雯獲馮盈盈鼓勵入行圓夢

黃嘉雯入行前任職模特兒,因為受師姐馮盈盈鼓勵,毅然參選港姐圓演藝夢,2019年以大熱姿態奪港姐冠軍。可惜當選後曾經零工作,比起馮盈盈接商演接到手軟,真係令人擔心佢嘅前途。直至卸住後除咗擔任《流行都巿》等綜藝節目嘅主持,亦開始有劇拍,當中包括《把關者們》、《十月初五的月光》、《青春不要臉》、《廉政行動2022》,以及新劇《法言人》,但成績卻唔及同屆嘅季軍古佩玲和亞軍王菲,古佩玲同王菲舊年均獲提名《萬千星輝頒獎典禮2021》「飛躍進步女藝員」,兩人嘅表現比黃嘉雯率先獲得公司肯定。

香港小姐 黃嘉雯2019年以大熱姿態奪港姐冠軍
黃嘉雯2019年以大熱姿態奪港姐冠軍(圖片來源:新傳媒資料庫)
香港小姐 黃嘉雯曾被傳媒喻為「黃金比例身材」
黃嘉雯曾被傳媒喻為「黃金比例身材」(圖片來源:carmaneysantiago@IG)

入行3年嘅古佩玲曾經講過參選港姐係圓婆婆心願,而佢亦係同屆港姐工作最多嘅一位。初時以客串加入《愛·回家之開心速遞》劇組,憑住樣貌、聲線及身材吸引唔少觀眾亦都係TVB「女神」之一。

香港小姐 古佩玲都有演《愛·回家之開心速遞》
古佩玲都有演《愛·回家之開心速遞》(圖片來源:《愛·回家之開心速遞》劇照)
香港小姐 古佩玲雖然只獲季軍,但都有好多曝光機會
古佩玲雖然只獲季軍,但都有好多曝光機會(圖片來源:新傳媒資料庫)
香港小姐 亞軍王菲都有份演出新劇《法言人》
亞軍王菲都有份演出新劇《法言人》(圖片來源:wongfeiiiiii@IG)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:《鐵馬戰車》截圖,《愛·回家之開心速遞》劇照,wongfeiiiiii@IG,《機場特警》截圖,郭羨妮@微博,《熟女強人》劇照,jacquelinebwong@IG,konniecrab@IG,chansinyeung@IG,《鐵拳英雄》劇照,《不脫襪的人》劇照,蔡少芬@微博,《珠光寶氣》劇照,佘詩曼@微博,myoliemyolie@IG,郭羨妮@微博,《熟女強人》劇照,《鳳凰四重奏》劇照,新傳媒資料庫資料或影片來源:原文刊於東方新地