香港小姐湘遇記｜馮盈盈透視旗袍仙氣登場！竟出手幫佳麗作弊 母愛爆發獲激讚？

馮盈盈陪玩漂流變驚青鬼 奪命狂呼嚇親黃嘉雯

在節目其中一個「漂流考驗」環節，陪同佳麗挑戰的馮盈盈竟全程表現驚慌，與師姐的穩重形象大相逕庭。她不時張大嘴巴「奪命狂呼」，叫聲「震耳欲聾」，誇張的反應讓觀眾忍俊不禁，更令人擔心坐在她身旁的另一位師姐黃嘉雯（Carmaney）的耳膜健康。事後她更向製作組「投訴」，搞笑地表示：「佢哋好貼心叫我哋帶多條褲換，但又唔同我哋講要帶多條內褲換咯。」盡顯其鬼馬又玩得的一面。

馮盈盈仙氣旗袍look登場 出手救駕被讚母愛爆棚

不過轉個頭，馮盈盈又展現出完全不同的一面，化身「貼心之母」！在她率領B組佳麗3號李澄晴（Chorie）、5號魏欣（Etherine）、9號周芳姿（Gracia）及10號陳梓穎（Cecilia）接受「湘繡考驗」時，由於四位佳麗只有五分鐘學習時間，正式落場時均顯得有點迷惘。眼見組員陷入困境，FYY不但出心出力為她們打氣，更數度親自出手幫拖，相當暖心。值得一提的是，為了配合湘繡主題，FYY換上一襲純白透視古裝風旗袍，配上古色古香的髮簪，造型被大讚「靚爆鏡」，仙氣十足。

網民大讚馮盈盈反差萌：又靚又玩得！

節目播出後，網民對馮盈盈的反差形象反應熱烈，尤其對其古裝造型讚不絕口。不少網民留言大讚：「一時係驚青鬼，一時又變慈母，FYY好有反差萌！」、「出手幫組員真係好warm，睇得出佢好錫啲師妹。」、「玩遊戲又放得開，做師姐又識照顧人，好感度大增！」另外，其仙氣造型亦成為焦點：「個古裝look真係仙氣迫人，靚到癲！」、「呢套透視旗袍好蝦人著，但佢carry得好好睇！」