香港人在北京｜莫文蔚神級客串火雞姐？呢位女藝人神還原獲網民激讚

傅嘉莉神還原火雞姐獲網民激讚

洪永城和傅嘉莉則齊齊玩轉《食神》，洪永城穿上金黃色廚師衫化身食神，傅嘉莉戴假哨牙兼在臉上畫刀疤神還原火雞姐經典造型，與「本尊」莫文蔚相似度直達99%！網民激讚：「以為莫文蔚客串！」、「今次好過蔡思貝！」、「傅嘉莉扮得好似」、「真心似喎」。

傅嘉莉做Model時曾被指似莫文蔚

Kelly受訪時透露由入行做Model開始，已有不少人指她似莫文蔚，她笑言：

「冇諗過拍劇可以扮佢（莫文蔚）其中一個經典角色，拍攝時我覺得好似樣，戴埋假牙之後直頭係火雞姐，見到還原度咁高，我自己都好開心！」

提到該場戲要戴著 假哨牙講對白，Kelly坦言一點都不簡單：

「個假牙只係Halloween嘅道具，好闊 同好大，所以好難戴，後尾諗到擺啲Blu Tack入去黐住原本啲牙，同埋盡量飲少 啲水減少口水，怕一講對白會甩出嚟搞到NG。」

講到今次搣甩女神光環化身男仔頭，Kelly笑言：

「好開心監製畀咗呢個角色我，Funny係打破咗我以往角色嘅 框框，我完全唔介意演男仔頭，愈唔似我我就愈開心！身為演員就要貢獻身體畀 個角色，所以變成點樣都冇所謂。」

戴祖儀扮大鼻窿包租婆犧牲靚樣

劇中處於愛情錯摸的「石磊」吳業坤、「寶怡」戴祖儀（Joey）則以周星馳電影 《功夫》的包租公、包租婆造型上陣。外形甜美的Joey戴上爆炸頭假髮和油黑鼻子扮大鼻哥窿，成功「減甜」滲出師奶味，坤哥則黐上假鬍鬚及電鬈髮還原元華 造型。

陳星妤化身柳飄飄好省鏡

另邊廂，陳星妤同樣以周星馳電影造型登場。星妤穿上水手裝校服兼鬢孖辮， 化身《喜劇之王》張栢芝飾演的柳飄飄，初戀味濃！

陳展鵬吳若希《倩女幽魂》造型上陣

陳展鵬和吳若希（Jinny）分別 以張國榮、王祖賢主演的電影《倩女幽魂》造型上陣，展鵬戴U形假髮化身黑山老妖大晒喜感，Jinny則穿上白色古裝化身聶小倩，仙氣滿瀉。蔡潔則穿 上旗袍以《花樣年華》造型上陣，加上一頭懷舊波浪頭，女人味十足。