飯戲攻心
飯戲攻心

飯戲攻心|內地版狠Cut兩分鐘上畫 港式笑話、戲名等三大改動感可惜

影視娛樂

廣告

由陳詠燊執導,黃子華、鄧麗欣、張繼聰、王菀之、陳湛文、林明禎主演的《飯戲攻心》,香港上映一星期票房已超過$1,500萬,單日票房更達$400萬,叫好叫座。該戲在9號同樣在內地上畫,除了戲名被改之外,更有網民懷疑,片商為了能通過內地的審查,令部分內容被刪減,而且一些笑位更加要改走,就連戲名都唔同,但改完之後就連內地觀眾都有意見。

以下內容含嚴重劇透–慎入

飯戲攻心 電影原本是安排今年賀歲檔上映,但受疫情影響延至中秋檔。
電影原本是安排今年賀歲檔上映,但受疫情影響延至中秋檔。(圖片來源:《飯戲攻心》宣傳海報)

1)「Double May」要變「九頭身」

《飯戲攻心》香港版其中一幕,講到林明禎與子華一家食飯時,稱讚子華好有文采,陳湛文便跟張繼聰笑指她果然是個「天真的Double May」(台式普通話中暗指兩丘豐滿的少女),但鄧麗欣不明當中意思,便問張繼聰是甚麼意思,張繼聰扮作不理解,亂講做「閏五月」,這段劇情就疑似因為涉及審查不獲通過,要將「Double May」改為「九頭身」,更要將張繼聰誤導鄧麗欣的對白變成「狗頭身」,指是「史努比的同類」再通過。

飯戲攻心
(圖片來源:內地宣傳片截圖)

2)傳子華Stephy「閃片」全刪

此部分含劇透位:在故事後期的高潮部份,戲中三佬陳湛文贏得電競比賽後,在家中吃飯時希望以一條溫情短片挽回瀕臨破裂的家人關係,結果後來因為林明禎「幫忙」反成大禍,導致黃子華與鄧麗欣的「閃片」在全家人面前「流出」,更因此觸發全家大戰,據指含有「閃片」的情節和鏡頭會被徹底刪走,至於導演陳詠燊如何可以修改劇情從而達到相同戲劇效果,就要看內地版才會有答案,而《飯戲攻心》日前在內地上畫5日後,票房暫收$3,000萬,表現不過不失。

飯戲攻心 原本呢一段涉及黃子華同鄧麗欣的「運動」
原本呢一段涉及黃子華同鄧麗欣「相撲運動」流出(圖片來源:安樂影片截圖)

3)片名轉做學友歌名內地觀眾唔收貨

內地有網民見到內地版《飯氣攻心》片名被改做《還是覺得你最好》,反而覺得唔夾,指新名失去原本港式幽默味道不文不類,並表示好難令人記住,趕客味濃。

飯戲攻心 內地網民唔撐
內地網民唔撐(圖片來源:豆瓣截圖)

《飯戲攻心》7大必睇原因

繼小品作岑珈其《情路山旮旯》、古天樂科幻大製作《明日戰記》跑出後,9月初上映的《 飯戲攻心》網上討論度極高!網民更指這套才是「真正的港產片」,難得不是合拍片、又非內地投資,直言當中不少細節有心思,「導演陳詠燊擺明係拍畀香港人睇」。

飯戲攻心 《飯戲攻心 》上映6天票房已破1,500萬
《飯戲攻心 》上映6天票房已破1,500萬(圖片來源:FB@飯戲攻心)

必睇原因1.笑點大眾化唔尷尬

網民大讚套戲好笑,對白搞笑又貼地,更精心安排首尾呼應,「睇咗兩個鐘都唔覺,無悶場!」,更用吳君如、呂爵安Edan套《闔家辣》比較指「唔似《闔家辣》嗰啲尷尬笑話,《飯戲攻心》啲笑點到位又大眾化,會睇到笑出聲!」、「睇早場八成滿,大家一齊笑到哈哈聲」,又指電影連配樂與鏡頭都出色,是近十年難得的笑片,而且提起「油壓床」相信大家都會笑出聲。

飯戲攻心 黃子華、張繼聰和陳湛文演三兄弟。
黃子華、張繼聰和陳湛文演三兄弟。(圖片來源:相關機構)

必睇原因2. 補拍街景戲有誠意 有訊息袋走

網民大讚《飯戲攻心》好笑有溫情又放甜,成套戲簡單一個場景五餐飯,睇完仲有訊息袋走,返到屋企仲會回味!「本來係賀歲片,但完全無賀歲片嗰種胡鬧」、「將本身老土講一家故事,講得唔老土又完整」、「以為佢係賀歲片好多做節氣氛,點知唔係,得一場街景講中秋!」據導演所講,原本《飯戲攻心》係賀歲片,但新年上映因疫情關係延至中秋,但最估唔到為了貼市,竟願意為此重拍了一場街景戲!

飯戲攻心 導演陳詠燊同林明禎謝票!
導演陳詠燊同林明禎謝票!(圖片來源:相關機構)
飯戲攻心 林明禎
林明禎(圖片來源:IG@minchen333)

必睇原因3.黃子華演出有驚喜「唔似黃子華」

有網民指黃子華令人最有驚喜,因為「黃子華喺套戲入面唔似黃子華!」、「黃子華做棟篤笑係好,但搞套戲出嚟就唔得囉,次次都伏,難得今次唔係做自己」、「終於唔係見到平日嘅子華神,佢係演緊另一個人」、「套戲唔係子華一個擔晒大旗,有幾他人幫手好好多」等。而其實根據導演之前係ViuTV受訪時所講,他寫劇本時其中一個角色一寫就有輪廓,就決定好邊個做演員,就係黃子華。

飯戲攻心 網民指黃子華還是專心做棟篤笑同舞台劇,電影交番畀導演、編劇,唔好自己攬上身!
網民指黃子華還是專心做棟篤笑同舞台劇,電影交番畀導演、編劇,唔好自己攬上身!(圖片來源:相關機構)

必睇原因4. 六位演員有默契唔勉強

網民大讚六位演員有默契,好有火花,令人相信六人的戲中關係,「佢哋應該第一次合作,但可以咁有化學作用?」、「60歲子華神配鄧麗欣、林明禎,以為勉強,之前仲笑佢玩『爺孫戀』,但出嚟效果好正」、「睇到好投入,當咗佢哋成家人嘅關係係真」、「佢哋好似《真情》拍咗幾百集咁!真係好似一家人」。

飯戲攻心 六位演員仲唱埋電影主題曲。
六位演員仲唱埋電影主題曲。(圖片來源:相關機構)

必睇原因5. Stephy竟然識搞笑

Stephy近年演技備受讚賞,但都是內心戲,對於第一次拍笑片,網民指無諗過Stephy拍笑片都得,「竟然可以搞笑」、「唔知係咪拍住張繼聰,Stephy拍笑片節奏做得好準」、「套戲入面個MV,鄧麗欣做到嗰陣膠味,笑到痲!」

飯戲攻心 Stephy卻在IG留言指好緊張又預告謝票日期。
Stephy卻在IG留言指好緊張又預告謝票日期。(圖片來源:IG@stboo)
飯戲攻心 Stephy在戲中演黃子華前度,張繼聰現任女友!
Stephy在戲中演黃子華前度,張繼聰現任女友!(圖片來源:相關機構)

有片!睇吓有幾膠!

必睇原因6.林明禎唔係花瓶!全程真女神演繹

大馬女神林明禎飾演子華的後生索女友,大家都諗住睇靚女,結果觀眾反應係原來唔係花瓶作用咁簡單,她為子華所付出的各種行動令唔少男觀眾完全被俘虜。就好似網民咁講:「林明禎拍住子華令劇情大推進,係成套戲關鍵,係化解全家人嘅工具人」。更有網民話「唔知係咪比子華神調教過,竟然林明禎啲戲又唔差喎」。

飯戲攻心 林明禎在戲中飾演黃子華女友﹗
林明禎在戲中飾演黃子華女友﹗(圖片來源:相關機構)
飯戲攻心
(圖片來源:相關機構)

必睇原因7.客串角色意猶未盡

除了六位主要演員,網民又指客串演員安排好有心機,例如在《梅艷芳》中演姊妹的廖子妤,竟然係最後一幕以子華「媽媽」形式來一場意識流對話,網民指出場時好有驚喜,估唔到電影尾聲仍然可以再鋪一個位去令成個故事增加了洋蔥位。

飯戲攻心 廖子妤與子華神《毒舌大狀》再合作
廖子妤與子華神《毒舌大狀》再合作(圖片來源:ig@fish331)
飯戲攻心
(圖片來源:相關機構)

《飯戲攻心》故事大網

一個家,最緊要齊人開餐。深信此道的大佬(黃子華 飾)廚藝麻麻,唯有長期用心靈雞湯式金句「餵大」兩個細佬,但異父異母的二佬(張繼聰 飾)及同父異母的三弟(陳湛文 飾)其實覺得大佬有點老土。幸好大佬請來三弟的廚神級女友(王菀之 飾)為三兄弟包伙食,一家人終於有啖好食,每晚8時的飯局亦令兄弟更添和睦。但隨著二佬女友(鄧麗欣 飾)的加入,飯桌氣氛即時變得燶味十足,皆因二佬女友竟是大佬最念念不忘的前度﹔為免以後餐餐背脊骨落,大佬唯有臨時揾個哎吔女友(林明禎 飾)一齊撐枱腳。從此,每晚6人同枱,味蕾滿足,閒話家常,卻舌尖有伏,總之嗒落就知味道…《逆流大叔》導演陳詠燊笑聲主理,今個中秋約定你齊人開飯啦!

《飯戲攻心》內地版剪走了那部分?

在內地上畫,除了戲名被改之外,更有網民懷疑,片商為了能通過內地的審查,令部分內容被刪減,而且一些笑位更加要改走,就連戲名都唔同⋯⋯詳情請看

《飯戲攻心》有什麼必睇理由?

9月初上映的《 飯戲攻心》網上討論度極高,有網民更指這套才是「真正的港產片」,難得不是合拍片、又非內地投資,直言當中不少細節有心思,小編為大家整理了7大必睇理由

撰文:東方新地(部分內容轉載自NewMonday)圖片來源: 豆瓣、安樂影片、IG@minchen333、IG@stboo、ig@fish331