陶大宇
陶大宇

陶大宇驚喜現身apm商場清唱《倒轉地球》!回港現身各大商場屢次被「野生捕獲」!

影視娛樂

陶大宇在2021年尾憑大陸登台翻唱《倒轉地球》紅到返香港,觀塘商場apm為了農曆年吸客,舉行「apm x 陶大宇倒數地球迎虎年」活動,宣傳廣告已於鬧市廣告牌登場,有市民見到仲以為係「惡搞應援」,雖然聚會因為疫情關係要延期,但原來apm商場並無放棄過與「陶老師」合作!

文:東方新地|圖片:apm圖片、周柏豪IG、傭仔日記 Maid’s diary

市民apm直擊陶大宇!關注組有片!

陶大宇的商場活動本擬於1月22日 ( 星期六) 於觀塘apm商場舉行,因為防疫拱施及限聚關係,商場曾經宣布將演出延期,不過有市民發現,陶大宇本人在1月22日如期現身商場,在中庭進行拍攝,更清唱了幾句《倒轉地球》,似乎要透過影片向大家拜年!這場無預告的「apm x 陶大宇倒數地球迎虎年」現場反應雖然有少少冷清,但直擊的市民都畀足反應:


影片來源:陶大宇關注組

陶大宇提早回港過年 各區商場頻顏被捕獲

其實陶大宇本人早已於上星期提早回港,對於商場演出活動要延期,他就大方表示「來日方長」,在星期六(1月15日)更有網絡KOL在尖沙咀另一商場巧遇陶大宇,即使戴住口罩都認得出並合照:

陶大宇在apm商場的活動要延期,不過真身已回港。(圖片來源:facebook@傭仔日記 Maid
陶大宇在apm商場的活動要延期,不過真身已回港。(圖片來源:[email protected]傭仔日記 Maid’s diary)


影片來源:齊齊推過氣師奶殺手陶大宇上返神台關注組

吳若希野生捕獲陶大宇開心些牙 點知嚴重變樣成為網民焦點

繼之前被網紅傭仔日記野生捕獲之後,呢日又到吳若希撞到呢位「樂壇紅人」,當然要把握機會合照一張再開心Share啦!

能夠同陶大宇合照,網民當然會羨慕啦!
能夠同陶大宇合照,網民當然會羨慕啦!(圖片來源:[email protected]

吳若希搶Fo-陶大宇慘變陪襯品

正當大家都以為陶大宇會係主角嘅時候,網民發現相入面嘅吳若希原來比大宇更加耀眼!事關有唔少網友都留言表示吳若希個樣有啲唔同,仲有好多留言話「差啲認你唔到」、「點解你塊面變咗樣」之類。不過眼利嘅網民就認為吳若希其實係玩濾鏡出事,太過重手唔止皮膚質地怪異,就連眼、耳、口、鼻都有啲走樣!今次真係失手喇!

陶大宇 呢張都怪怪哋。
呢張都怪怪哋。(圖片來源:[email protected]
陶大宇 呢個角度真係認唔到。
呢個角度真係認唔到。(圖片來源:[email protected]

吳若希親自回應變樣疑惑

網友對吳若希能成功爭取與陶大宇合照表示羡慕,同時對吳的五官變化感到神奇,有人說「以為係何依婷」、更多人表示係「完全唔認得你」,吳若希自己都無否認相中自己係有所突變,留言回應網友:

陶大宇 吳若希自知面腫,回應表示只係偶然發生的事似。
吳若希自知面腫,回應表示只係偶然發生的事似。(圖片來源:吳若希專頁@facebook)
陶大宇 有網友在留言貼上吳若希的「經典留言」,笑問相片有沒有經陶大宇授權發布。
有網友在留言貼上吳若希的「經典留言」,笑問相片有沒有經陶大宇授權發布。(圖片來源:吳若希專頁@facebook)

陶大宇:想野生捕獲我,一齊倒轉地球?

陶大宇本來將會現身的活動,原定於2022年1月22日 ( 星期六) 於觀塘apm商場舉行,主辦單位曾經推出預告,以「熱爆陶大宇」作為介紹,預告片中大宇仲親自拍片叫大家嚟同佢一齊倒轉地球:「最近有唔少朋友都好關注我嘅歌唱事業,話樂壇欠我一個交代喎!其實我唱歌跳舞都係為咗搞氣氛嘅啫,最近要就係你哋開心!如果想野生捕獲我,一齊倒轉地球?又唔係話冇機會㗎喎!」結果網民一面倒期待陶大宇回歸香港,仲話一定要去睇現場版《倒轉地球》添!

陶大宇
(圖片來源:apm圖片)
陶大宇 仲同觀眾單眼添!
仲同觀眾單眼添!(圖片來源:apm圖片)
陶大宇
(圖片來源:apm圖片)
陶大宇
(圖片來源:apm圖片)
陶大宇
(圖片來源:apm圖片)

相關文章:陶大宇網上直播演唱會只唱3首歌 揚言敢同宇宙G.E.M.對唱

陶大宇的魔性版本〈倒轉地球〉網民反應兩極,有人大讚他是以真功夫上陣,不是假唱咪嘴,而且七情上面,娛樂性高,認為愈聽愈開心。
陶大宇的魔音版本《倒轉地球》網民反應兩極,有人大讚他是以真功夫上陣,不是假唱咪嘴,而且七情上面,娛樂性高,認為愈聽愈開心。(圖片來源:微博影片截圖)
陶大宇 無綫在錄影廠找來一班藝員跨景合唱!
《歡樂滿東華》做特別嘉賓。(圖片來源:《歡樂滿東華》截圖)

上年同一個場地年中搞周柏豪的online粉絲見面會勁吸嬲!

周柏豪的online粉絲見面會在2021年6月8日在觀塘某商場舉行,主辦單位最近推出預告,以「人氣歌手」隆重介紹周柏豪,不過卻獲得網民瘋狂派嬲出,網民洗版直斥主辦單位冇市場觸覺,竟然請「人棄歌手」周柏豪,更紛紛提出最佳人選及方案,絕核又有創意﹗吸過萬嬲後商場疑似跪低突刪post,不過仍未平息民怨﹗

陶大宇 周柏豪 派嬲 人棄歌手
周柏豪亦有在IG預告見面會,不過已關閉留言功能,令網民不能派嬲及暢所欲言。(圖片來源:apm圖片)

周柏豪被稱「人棄歌手」商場邀請後刪帖

去年6月觀塘apm商場以「人氣歌手」介紹周柏豪,並預告舉行「周柏豪的online粉絲見面會」,可惜該post卻在一日內獲派嬲,而且過萬個嬲嬲﹗群情激憤洗版留言指主辦單位冇市場觸角,竟然搵「超級人棄歌手」,又指會罷去該商場。

陶大宇 周柏豪 派嬲 人棄歌手
商場預告周柏豪活動,卻獲網民派嬲,以萬個嬲嬲遠遠拋離不到三百個like﹗(圖片來源:apm圖片)

網民提議搵人氣偶像MIRROR

網民不滿商場搵周柏豪,更紛紛提議搵人氣偶像MIRROR及ERROR,甚至是ViuTV的二三線藝人都好過周柏豪,又建議「如果唔夠budget可以放十二個MIRROR成員紙牌」,都足以塞滿商場,不用找周柏豪如此趕客﹗

陶大宇 周柏豪 派嬲 人棄歌手
網民指周柏豪是人棄歌手。
陶大宇 星夢一哥周柏豪備受重用,擔任《聲夢傳奇》導師,不過暫時未見有建樹。
星夢一哥周柏豪備受重用,擔任《聲夢傳奇》導師,不過暫時未見有建樹。(圖片來源:周柏豪IG)
陶大宇 周柏豪 派嬲 人棄歌手
網民指罷去該商場。

周柏豪與粉絲網上見面

周柏豪的粉絲見面會原來是商場會員消費一定金額,便可以參加該日的粉絲見面會,與周柏豪在網上「深情對話」,而並非見真人﹗此外該活動以父親節為主題,預告指升呢爸爸的周柏豪會親自帶領遊商場內的態貓數碼博物館,但未有詳細說明是否在6月20日父親節當日舉行。

陶大宇 周柏豪 派嬲 人棄歌手
周柏豪雖然被粉絲公開割席後,早前宣傳電影出動歌迷會全力撐場。(圖片來源:周柏豪IG)

商場突然刪post

吸過萬嬲後,商場突然刪post,不過未有另行通知有關周柏豪的online見面會,會如期舉行還是取消。不過商場此舉明顯撲火不成,網民怒氣未消,在該商場的社交網不同post派嬲及留言質問,群情繼續洶湧,令每個post在短短數小時內過千個嬲,周柏豪「人氣」果然勁﹗

周柏豪商場預告見面會獲瘋狂派嬲 網民:搵「人棄歌手」真係冇市場觸覺 商場刪post「跪低」?

網民質問:取消周柏豪個活動未?

周柏豪商場預告見面會獲瘋狂派嬲 網民:搵「人棄歌手」真係冇市場觸覺 商場刪post「跪低」?

網民:搵MIRROR或ERROR就話啫

商場預告周柏豪見面會獲瘋狂派嬲 網民:搵人棄歌手真係冇市場觸覺

網民:可惜〈一事無成〉無國語版

陶大宇 商場預告周柏豪見面會獲瘋狂派嬲 網民:搵人棄歌手真係冇市場觸覺
網民建議唱櫻花樹下國語版。

陶大宇爆紅FAQ

問:陶大宇的「首本金曲」是否只得《倒轉地球》?

答:不是!陶大宇的登台金曲除了《倒轉地球》還有郭富城以下呢首⋯⋯詳情按此「陶大宇繼〈倒轉地球〉再挑戰郭富城舊歌 新招『打樁式加油』:Come On!」

問:觀塘apm商場對上一次邀請周柏豪最後結果如何?
答:apm商場曾預告於2021年6月為周柏豪舉行Online粉絲見面會,可惜不受網民歡迎,在強烈反應下,當時商場有以下決定⋯⋯詳情按此收看「周柏豪商場預告見面會獲瘋狂派嬲」

常見問題

陶大宇的「首本金曲」是否只得《倒轉地球》?

不是!陶大宇的登台金曲除了《倒轉地球》還有郭富城以下呢首⋯⋯詳情按此「陶大宇繼〈倒轉地球〉再挑戰郭富城舊歌 新招『打樁式加油』:Come On!」

觀塘apm商場對上一次邀請周柏豪最後結果如何?

apm商場曾預告於2021年6月為周柏豪舉行Online粉絲見面會,可惜不受網民歡迎,在強烈反應下,當時商場有以下決定⋯⋯詳情按此收看「周柏豪商場預告見面會獲瘋狂派嬲」

關鍵詞
apm陶大宇
撰文:東方新地圖片來源:apm圖片、周柏豪IG

最新吃喝玩樂資訊