陳豪2,200呎南灣豪宅避疫 月租10萬匿50呎露台生活 與妻兒隔離

影視娛樂

廣告

因為胡定欣確診(詳見相關報導),令同劇男主角陳豪極度恐慌,疫情期間在家堅持戴口罩的他,防疫行動再度升級,除了與老婆陳茵媺分房瞓外,一日三餐及活動範圍亦只限於家中約50呎的露台。陳豪與陳茵媺一家五口所住的南灣豪宅屋企有成2,200呎,陳豪寧願屈就自己,都要安全至上。

 陳豪 從陳茵媺放上社交網的照片可見,陳豪在露台的小枱上用餐。
從陳茵媺放上社交網的照片可見,陳豪在露台的小枱上用餐。(圖片來源:[email protected]_official)

陳豪露台孤獨食

香港受到第五波疫情影響,確診人數有增無減,無綫電視城亦爆疫,多位藝員先後確診,日前有《愛回家》的周嘉洛與羅樂林,再有花旦群組胡定欣、馮盈盈及戴祖儀。至於與胡定劇合作拍新劇《破毒強人》的陳豪,受到胡定欣確診後表明非常擔心,謹慎起見更加強防備,除24小時戴口罩外,更限制自己在家中的活動範圍,食飯都要在露台。

 陳豪 陳豪細女好乖,為爸爸傳送食物。
陳豪細女好乖,為爸爸傳送食物。(圖片來源:[email protected]_official)
 陳豪 陳豪二仔Nathan日前7歲生日,囝囝隔住玻璃睇陳豪食飯,真係好無奈。
陳豪二仔Nathan日前7歲生日,囝囝隔住玻璃睇陳豪食飯,真係好無奈。(圖片來源:[email protected]_official)

一家五口住2,200呎南灣豪宅

 陳豪 陳豪陳茵媺日前上載全家賀年照上社交網,新居的大廳放了一棵大桃花,地方非常闊落。
陳豪陳茵媺去年上載全家賀年照上社交網,豪宅的大廳放了一棵大桃花,地方非常闊落。(圖片來源:[email protected]_official)
 陳豪 陳茵媺親自下廚一家過節,飯廳放了一張大雲石圓枱。
陳茵媺親自下廚一家過節,飯廳放了一張大雲石圓枱。(圖片來源:[email protected]_official)

陳豪進駐海景大單位

陳豪與陳茵媺(Aimee)婚後三年抱三,一家五口不時公開晒幸福,前年陳茵媺在社交網狂po新居照,原來為方便三個仔女在港島區返學,陳豪一家搬去南灣嘉麟閣住,有感仔女開始長大需要更多活動空間,陳豪去年底在同一屋苑隔籬座搵到同樣擁無敵大海景的2,200呎單位,一於細屋搬大屋,據聞以月租10萬元租住。

 陳豪 陳豪難得新年有假放,在新居廚房表演拋鑊。
陳豪難得新年有假放,在新居廚房表演拋鑊。(圖片來源:[email protected]_official)
 陳豪 陳豪新居露台有無敵大海景,更放了一個大燒烤爐,方便開party。
陳豪新居露台有無敵大海景,更放了一個大燒烤爐,方便開party。(圖片來源:[email protected]_official)
 陳豪 陳豪日前在新居內幫大仔剪髮,另一角度看到全個大廳都望到無敵海景。
陳豪日前在新居內幫大仔剪髮,另一角度看到全個大廳都望到無敵海景。(圖片來源:[email protected]_official)

陳茵媺女主內

陳豪身為一線小生,吸金力特強,老婆陳茵媺可以印印腳留家湊仔女,之前屋企裝修及搬屋適逢陳豪工作事忙,大小事宜都由陳茵媺話事,除了要照顧三個仔女之外,陳茵媺還做埋電工,親手用錘仔同電鑽組裝電視櫃,被指唔靠老公一樣得。過年期間,陳茵媺更加充分表現出自己入得廚房的一面,做冬過節都由她下廚主理,好老婆好媽媽攞滿分。

 陳豪 在陳茵媺的IG影片內,看到主人房內的大床SIZE非常大,分分鐘夠一家五口一齊瞓,床頭更掛了陳豪陳茵媺的結婚照。
在陳茵媺的IG影片內,看到主人房內的大床SIZE非常大,分分鐘夠一家五口一齊瞓,床頭更掛了陳豪陳茵媺的結婚照。(圖片來源:[email protected]_official)
 陳豪 雖然是搬去隔籬座,但一樣唔見一籮穀,陳茵媺親自出馬打點一切。
雖然是搬去隔籬座,但一樣唔見一籮穀,陳茵媺親自出馬打點一切。(圖片來源:[email protected]_official)

陳太帶你參觀豪宅

近年陳茵媺專心相夫教子,把頭家照顧得非常企理,更不時公開家居生活,帶大家參觀豪宅。

 陳豪 家中的衣帽間,有一排入牆衣櫃。
家中的衣帽間,有一排入牆衣櫃。(圖片來源:[email protected]_official)
 陳豪 過年全家圍住大桃花跑圈。
過年全家圍住大桃花跑圈。(圖片來源:[email protected]_official)
 陳豪 聖誕節又可以放巨型聖誕樹,仲有小朋友梳化。
聖誕節又可以放巨型聖誕樹,仲有小朋友梳化。(圖片來源:[email protected]_official)
 陳豪
(圖片來源:[email protected]_official)
 陳豪
(圖片來源:[email protected]_official)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:[email protected]_official

最新吃喝玩樂資訊