陳豪台慶抗旨戴罩避過一劫 罩不離口宣萱讚穩陣

影視娛樂

廣告

早前無綫台慶夜超過二百藝員出席,大堆頭集會個個盛裝示人,攞正牌唔戴罩,見面時口水互噴防疫意識甚低,當晚陳豪見勢色唔對,大合照後迅速戴罩,被指過於驚青,事後有份出席的蕭正楠因工作曾接觸新冠狀病毒的確診者,要接受強制檢疫,而所有出席台慶的藝員亦要接受測試。

原文刊於《東方新地》

陳豪眾人皆醉佢獨醒

今年的台慶夜(11月19日)非常熱鬧,有205名無綫藝員出席,難得聚首一堂,不少藝員都放下戒備脫罩埋身接觸,社交距離等於零,全台大合照時,藝員圍埋自拍好興奮,卻出現了得陳豪一支公戴上口罩的有趣場面,無錯!全場藝員得陳豪一個有先見之明,最有警覺性,因為台慶夜熱鬧過後,無綫即發出內部通告指,蕭正楠於11月18日為MyTV SUPER在某食肆拍攝飲食節目,其後該食肆一名職員被確診,蕭正楠亦因此被列為緊密接觸者,並於11月24日被安排接受強制檢疫,鑒於蕭正楠有參加台慶節目,為謹慎起見,所有當日有出席台慶的藝員亦要接受測試,結果全屬陰性。陳豪眾人皆醉佢獨醒,抗旨戴罩不是為了自己,是背負住一家五口的健康,自今年初疫情開始肆虐,陳豪一秒都冇鬆懈過,除了埋位拍劇或拍照一定要見樣,其餘時間他堅持罩不離口,並刻意與人保持社交距離,生人勿近一樣。

 11月19日無綫台慶夜,型爸陳豪以深藍色西裝現身,來年孭住三套大劇出街包括《愛美麗狂想曲》、《白色強人 I I》及《陀槍師姐2021》的他,是當晚搶fo小生之一。
11月19日無綫台慶夜,型爸陳豪以深藍色西裝現身,來年孭住三套大劇出街包括《愛美麗狂想曲》、《白色強人 I I》及《陀槍師姐2021》的他,是當晚搶fo小生之一。
 全台超過二百位藝員大晒冷影大合照後,站在中排的《愛・回家》演員起哄玩自拍,個個堆埋一齊好親密,站在最前排的陳豪即時戴返口罩被指心慌慌,真的好大對比。
全台超過二百位藝員大晒冷影大合照後,站在中排的《愛・回家》演員起哄玩自拍,個個堆埋一齊好親密,站在最前排的陳豪即時戴返口罩被指心慌慌,真的好大對比。
 陳豪聯同陳煒、朱晨麗與黎耀祥一齊在後台接受新聞娛樂台主播訪問,只有他一人堅持戴住口罩犧牲見樣。
陳豪聯同陳煒、朱晨麗與黎耀祥一齊在後台接受新聞娛樂台主播訪問,只有他一人堅持戴住口罩犧牲見樣。

抗旨戴罩避過一劫

據知台慶當晚全台藝員收到指引可以唔戴罩出鏡,大家都掉以輕心,而陳豪的舉動可以反映他的個人防疫意識比常人高,知情者透露:「一年一度台慶夜喎!今年仲算係多猛人參與嘅一年,大家難得聚頭真係放鬆晒,只有阿Mo(陳豪)憂心忡忡,佢睇見現場個個黐埋一堆自拍,已經皺晒眉,有人邀請佢合照,佢都好有禮貌耍手,平時好nice嘅阿Mo堅守自己嘅原則,大家都唔覺得奇,亦唔會怪佢唔合群,因為呢大半年嚟佢返工拍劇都好小心,盡量避免同人太親密,未埋位都保持距離,唔會約埋食飯,盡量戴口罩同勤用消毒液洗手。」當晚局部戴罩的陳豪,中招風險當然比其他藝員低,不過他亦好合作進行測試。

 近年陳豪發展自家咖啡生意做得有聲有色,可惜受疫情影響生意難撈,陳豪為防疫已停做生招牌,不過公司仍在運作亦表明不會裁員,希望待疫情後再努力。
近年陳豪發展自家咖啡生意做得有聲有色,可惜受疫情影響生意難撈,陳豪為防疫已停做生招牌,不過公司仍在運作亦表明不會裁員,希望待疫情後再努力。

甜品店疫市開分店咖啡店拒裁員

受到疫情影響,社會各行各業經濟下滑,但陳豪與金牌監製戚其義有份投資的甜品店,疫市中仍可於銅鑼灣開第二間分店,日前陳豪現身剪綵時,對於台慶夜超過二百位藝員參與卻全部沒戴口罩合照,陳豪被指第一時間戴回口罩,他說:「雖然確診數字低亦唔代表可以鬆懈,大家都要小心防範,因為可能呢個狀況以後都係咁,所以要改變想法,亦要喺經濟上諗諗如何重新建立過,唔好數字低就鬆懈。」談到近日確診數字回升,令人擔心爆發第四波疫情?陳豪坦言:「我係有啲擔心安全問題,亦明白台慶上大家怕整花個妝,我自己寧願犧牲少少個樣,否則中咗就會連鎖性爆發,真係唔好掉以輕心!」

 陳豪與金牌監製戚其義投資的甜品店,疫市於銅鑼灣開分店,日前開張陳豪只在影相時才除下口罩,示範整刨冰與接受訪問都戴住罩
陳豪與金牌監製戚其義投資的甜品店,疫市於銅鑼灣開分店,日前開張陳豪只在影相時才除下口罩,示範整刨冰與接受訪問都戴住罩
 陳豪坦言寧願犧牲少少樣貌來換取全家安全。
陳豪坦言寧願犧牲少少樣貌來換取全家安全。

陳豪其實最怕就是一個累全家,身為廿四孝老公兼爸爸的他把家庭放在第一位,為免染病惹返屋企,寧願自己做足防疫措施,早前他與宣萱合作拍《陀槍師姐2021》,宣萱公開大爆陳豪返工如臨大敵:「陳豪真係好謹慎,未埋位佢一定戴住口罩,最後一秒先會除罩!」除了拍劇高度防疫,陳豪以往不時為其自家咖啡品牌「Blooms Coffee」開的pop up store及K11 Musea店做生招牌,近月他已停止露面做宣傳,避免聚集人流,生意額雖然有影響,不過好老闆陳豪從無打算裁員,他表示希望與員工共度時艱。

 強勢加入重頭劇《白色強人 II》的陳豪飾演急症室副顧問醫生,身為醫生就更加要注意防疫,所以當日眾人在台上影完大合照都戴上口罩發言。
強勢加入重頭劇《白色強人 II》的陳豪飾演急症室副顧問醫生,身為醫生就更加要注意防疫,所以當日眾人在台上影完大合照都戴上口罩發言。
 早前與陳豪拍完《陀槍師姐2021》的宣萱,亦公開大爆陳豪防疫意識非常之高,唔埋位都唔會除口罩,最穩陣小生非佢莫屬。
早前與陳豪拍完《陀槍師姐2021》的宣萱,亦公開大爆陳豪防疫意識非常之高,唔埋位都唔會除口罩,最穩陣小生非佢莫屬。
 早前趕拍《陀槍師姐2021》的陳豪,曾在口罩內攝多層紙巾作雙重保護,實際效用真的要問番佢本人,據知每拍完一個鏡頭,他都緊張戴回口罩,又不停用搓手液搓手相當緊張,慎防有機會把病菌帶返屋企。
早前趕拍《陀槍師姐2021》的陳豪,曾在口罩內攝多層紙巾作雙重保護,實際效用真的要問番佢本人,據知每拍完一個鏡頭,他都緊張戴回口罩,又不停用搓手液搓手相當緊張,慎防有機會把病菌帶返屋企。

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

最新吃喝玩樂資訊