陳自瑤再獲續約豐胸代言人 超震撼三點式火辣派福利 連袁偉豪都話要望多兩眼！

陳自瑤火辣三點式豪拍福利

陳自瑤今日（15日）在社交平台曬出最新一輯為豐胸品牌所拍攝嘅代言照，相中陳自瑤以黑色三點式火辣上陣，胸前僅用兩個扣扣實，大方騷震撼上圍！除咗以正面示人之外，陳自瑤仲有側身出鏡嘅靚相，視覺效果十足嘅照片獲網民忍唔住留言激讚：「作為一個女人見到都想流鼻血」、「搵你做代言人真係太適合」、「呢個身材真係不得了」，就連袁偉豪都直言「行過MTR 唔好意思都要望兩眼」！

重溫陳自瑤2年前白色低胸晚裝代言相

客戶重本租用豪華遊艇，Yoyo赴東平洲拍攝新一輯廣告，可惜拍攝當日天公不造美，時晴時雨，令拍攝工作相當困難。Yoyo說:「其實客戶每次拍攝為取景靚都好認真，基本上山下海，但今次都幾辛苦，因團隊去了東平洲、西貢拍攝，船程一來較長，天氣又一時落雨一時有陽光。見Yoyo身穿噴血三點式上陣，再著白色低胸晚裝， Yoyo露背晒美腿，美艷動人！

酬勞好滿意

Yoyo第一次去東平洲：「啲岩石好靚，我對今次取景地方好滿意，希望出嚟效果會好好。」今次再續約，Yoyo笑言酬勞好滿意，佢最近真係非常忙，除咗拍新一輯廣告外，亦參與TVB飲食節目拍攝，又要忙住直播，但係Yoyo笑言十分充實，亦覺得好開心。

陳自瑤晒舊照 完美曲線盡現

陳自瑤早前分享2年前拍廣告花絮照，在相中身穿白色性感服飾，完美曲線盡收眼底，極度吸睛！陳自瑤說︰「藍天與白雲，很喜歡的一組花絮照。兩年前的花絮照 ，大家期待新一輯廣告嗎？」

陳自瑤豐胸代言廣告靚相出爐

陳自瑤2年前先後勝出配音真人騷《好聲好戲》及帶貨節目《識貨》，無論演技及主持能力都備受讚賞，更獲得「綜藝女神」稱號﹗人氣升的陳自瑤最近以七位數字酬勞續約做廣告代言人，雖然升呢女一，YoYo一樣博到盡，毫不錫身。拍攝當天YoYo以bar top 短褲上陣，陽光海灘下在浪茄海灘取景，為新一輯廣告拍攝平面及電視廣告。