激罕嫩口陳法拉!23歲出道前日本水着Model 照曝光

影視娛樂

廣告

曾經係無綫當紅花旦陳法拉,嫁過Neway大太子薛世恆、離婚後進修演技、然後又幸福改嫁法國老公。不過,點都估唔原來陳法拉喺選華姐(2005年)之前,曾經登上日本雜誌《JJ》做過一輪𡃁模,除了早前法拉自己貼在IG的時尚造型,原來仲有呢批23歲嘅「嫩口法拉」激罕陳年水着寫真,索爆非常!

圖文:東方新地、新傳媒資料室

精通日語 陳法拉曾經日本留學半年

陳法拉出道前曾經喺日本留學半年,精通日語嘅佢,讀讀下書無啦啦被當時嘅監護人介紹咗去日本時裝雜誌《JJ》做model。171cm樣靚身材正嘅陳法拉,絕對比嗰啲5呎差吋半嘅𡃁模超班,法拉重冇改埋啲奇怪英文名,直釋「法拉」做日文片假名「ファーラ」嚟行走江湖,一樣成為火熱model,喪多job做。

就好似記者發現嘅呢本2005年7月號《JJ》,入面有成20頁「fashion feature」都見到佢,但講到養眼,梗係首推呢批索爆三點式相啦!

嫩口法拉當年已經勁識用fit到漏嘅身材擺pose!
嫩口法拉當年已經勁識用fit到漏嘅身材擺pose!

陳法拉大方承認「係我嚟㗎! 」

記者向法拉求證,佢大方承認:「係我嚟㗎!當年我喺日本讀書,咪做下part-time model,幫《JJ》影相囉!我重有同日本經理人聯絡㗎!佢重成日幫我傾工作添!希望將來有可能去日本拍電視劇或電影啦!」

原來重有聯絡,出道後的陳法拉更加以Shiseido中國及香港「美白大使」嘅身分,去到北海道同日本嘅栗山千明、韓國嘅崔智友,出席Shiseido宣活動啦!

陳法拉咁多年嚟身材都無乜走樣!
陳法拉咁多年嚟身材都無乜走樣!

 

法拉撈得最掂

喺呢本陳年7月號中,有好幾個同法拉一齊幫《JJ》影相嘅𡃁模,今時今日已經成為日本名模嘅其中一員。好似企佢隔籬嘅櫻井裕美(左),而家仍然活躍喺日本模界,大型時裝展好似「Tokyo Girls Collection」同埋「Kobe Collection」,佢都經常有份行。激罕嫩口陳法拉 出道前日本水着Model 照曝光

激罕嫩口陳法拉!23歲出道前日本水着Model 照曝光

另外,落合砂央里就已經退出模界去咗澳洲讀書,而Mie間唔中重可以喺電視做個主持仔,星途暗淡嗰隻。

最初期嘅《JJ》係以報紙號外形式《每週Josei Jishin》喺1975年推出嘅,而呢本女性潮流雜誌嘅主要對象係大學生同OL。咁多年嚟都咁受歡迎。

陳法拉曾為日本時尚雜誌《JJ》擔任模特兒,照片大約攝於2005年,也就是她參選國際華裔小姐並奪得亞軍的同一年。
陳法拉曾為日本時尚雜誌《JJ》擔任模特兒,照片大約攝於2005年,也就是她參選國際華裔小姐並奪得亞軍的同一年。

 

網民驚訝大讚,法拉舊時個樣同現在分別不大!
網民驚訝大讚,法拉舊時個樣同現在分別不大!

攻日港模逐個數

香港曾經有過「𡃁模之亂」,好多𡃁模為咗上位,派奶露肉層出不窮,轉頭又話攻台、攻日,不過數埋數埋,其實當中只有下面3個真係叫可以「跳出香港」勉強攻到入日本!

Angelababy

168cm 21歲攻日 成功度:★★★★★

初初只係幫日本雜誌《Ray》做下model,之後氹到日本Avex簽佢,除咗有得行日本大型時裝展「Tokyo Girls Collection」之外,近年重搶埋安室奈美惠飯碗做洗頭水代言人!

 

激罕嫩口陳法拉!23歲出道前日本水着Model 照曝光

諸葛梓岐(Marie)

170cm 28歲攻日 成功度:★★★☆☆

成功喺「Tokyo Girls Collection」行show,舊年重吹到話進軍日本樂壇,但最後不了了之。

最後同Neway二太子薛嘉麟拉埋天窗,嫁入薛家做少奶奶。

激罕嫩口陳法拉!23歲出道前日本水着Model 照曝光

周秀娜

167cm 26歲攻日 成功度:★★★☆☆

賣肉賣到出晒位嘅周秀娜,曾經進攻日本市場,同樣有份行「Tokyo Girls Collection」,寫真賣到去日本,連日牌內衣都搵佢做模特兒,可以話係「露」出頭喇!

娜姐轉眼已經34歲。
娜姐轉眼已經34歲。
賣肉賣到出晒位嘅周秀娜,曾經進攻日本市場。
賣肉賣到出晒位嘅周秀娜,曾經進攻日本市場。