陳楨怡
陳楨怡

陳楨怡唔認周子揚係正印 親密合照曝光證關係 親回:選港姐之前已拍拖

影視娛樂

廣告

「西貢地王之子」周子揚唔做幕前一樣有新聞,繼幾年前與何天兒(原名何傲兒)分手搞到隔空互數兼要出律師信後,今次女主角是前年的港姐亞軍陳楨怡,周子揚自稱與陳楨怡拍拖年半是正印,不過陳楨怡近年只承認圈外男友Andy,話同周子揚只是朋友;周子揚公開親密合照及私訊力證自己唔係白撞,唔知陳楨怡又可以點拆呢?

撰文:東方新地 圖片:讀者提供、IG@celina_harto、IG@choutszyeung

陳楨怡 回應周子揚不是正印

上回講到,有爆料者報料指外界以為前港姐陳楨怡的男友是戴祖儀舊愛Andy,但其實真正男友是「西貢地王之子」周子揚,二人出雙入對現身朋友聚會,最奇怪的是半年前陳楨怡接受訪問仍說想與Andy愛到白頭,收埋「隱形男友」周子揚秘戀年半,身在內地拍劇的陳楨怡回應傳媒時,竟堅持和周子揚只是朋友,不是事實不回應,對於周子揚自稱是正印,陳楨怡仲話自己是單身。

據周子揚表示,這張合照攝於陳楨怡參選港姐之前,當時二人剛開始拍拖。(圖片來源:周子揚提供)
據周子揚表示,當時二人在陳楨怡參選港姐之前已開始拍拖。(圖片來源:讀者提供)
陳楨怡身在內地拍劇,她對傳媒表示與周子揚只是朋友,強調現在是單身。(圖片來源:IG@celina_harto)
陳楨怡身在內地拍劇,她對傳媒表示與周子揚只是朋友,強調現在是單身。(圖片來源:IG@celina_harto)

談情證據公諸於世

陳楨怡明顯劃清界線,周子揚心有不甘,他再接受傳媒訪問指陳楨怡個人好複雜,又話同陳楨怡正在嘈交,並否認已分手,堅持感情生活仍然好甜蜜,好穩定。周子揚為證實唔係白撞,公開與陳楨怡的甜蜜對話截圖,私訊中二人互叫「BB」,陳楨怡臨去內地拍劇時,又攬住周子揚喊話好唔捨得。去到內地又會通宵視像解相思之苦,周子揚還冧爆表示收到女友自拍長腿照,可見非普通朋友的交往。

周子揚公開合照力證二人交往頻密。(圖片來源:周子揚提供)
周子揚公開合照力證二人交往頻密。(圖片來源:讀者提供)
陳楨怡在內地拍劇曾send美腿相給周子揚。(圖片來源:IG@celina_harto)
陳楨怡在內地拍劇曾send美腿相給周子揚。(圖片來源:IG@celina_harto)

選港姐前已經拍拖

對於與陳楨怡的年半地下情,周子揚接受本刊訪問時直認不諱,他說:「我哋係朋友介紹認識,我認識Celina(陳楨怡)嘅時候,佢仍然係個室內設計實習生,我哋喺2020年7月好自然就開始拍拖,佢8月先去選港姐。我哋已經拍拖一年半,感情穩定,亦都非常恩愛。」

周子揚與陳楨怡出海玩,女方挨實他,非常親密。(圖片來源:周子揚提供)
周子揚與陳楨怡出海玩,女方挨實他,非常親密。(圖片來源:讀者提供)
陳楨怡在社交網po的滑水照,服飾與周子揚合照時的一模一樣。(圖片來源:IG@celina_harto)
陳楨怡在社交網po的滑水照,服飾與周子揚合照時的一模一樣。(圖片來源:IG@celina_harto)

兩男一女注定「嬲」

做了年半隱形情人的周子揚,原來一早已知Andy的存在:「因為Celina一直唔想公開關係,我亦唔知道Andy同佢係咪已經分開,每次我問佢同Andy嘅事Celina就會發脾氣,所以一直拖住,冇去處理呢件事情。直到2022年 ,我想公開我先係正印男朋友,之前佢一直對外話同Andy拍拖,強調同Andy白頭到老,我都非常傷心,我有問Celina,佢發脾氣話我唔信佢,我唔想嗌交,所以默默地接受了,直到依家先公開呢段感情。」

周子揚與陳楨怡一齊去打高爾夫球。(圖片來源:周子揚提供)
周子揚與陳楨怡一齊去打高爾夫球。(圖片來源:讀者提供)
不過陳楨怡只po與妹妹在高爾夫球場的合照。(圖片來源:IG@celina_harto)
不過陳楨怡只po與妹妹在高爾夫球場的合照。(圖片來源:IG@celina_harto)

唔想再偷偷摸摸

周子揚表示非常珍惜這段感情,不想再無名無份,他說:「如果一直隱藏住,我會感到非常有壓力同心理唔平衡,其實愛情真係唔需要偷偷摸摸,亦唔需要呃任何人,我相信我同Celina嘅真心,再唔公開,我怕我會屈出病。Celina當然唔想公開,因為仲有一個Andy。其實我想追求一段簡單嘅感情,唔想太過複雜。我唔清楚佢有冇同Andy分手,但我希望佢承認我係呢年半嚟默默為佢付出嘅『正印』。」

周子揚表示不想再做隱形男友,所以把戀情公開。(圖片來源:IG@choutszyeung)
周子揚表示不想再做隱形男友,所以把戀情公開。(圖片來源:IG@choutszyeung)
不過陳楨怡就繼續唔認,仲想劃清界線。(圖片來源:IG@celina_harto)
不過陳楨怡就繼續唔認,仲想劃清界線。(圖片來源:IG@celina_harto)

專心發展科技項目

周子揚表示過去一年,他專心發展其公司的科技項目,創造了香港第一個科技短視頻平台叫手拍SpokesPerson,生意發展遍及香港、內地及東南亞市場,至於幕前方面,周子揚曾代表香港去了中央電視台上春晚,唱了一首〈東方之珠〉,宣揚香港的正能量。

周子揚與其公司的IT團隊。(圖片來源:IG@choutszyeung)
周子揚與其公司的IT團隊。(圖片來源:IG@choutszyeung)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:讀者提供、IG@celina_harto、IG@choutszyeung