陳柏宇 日本
陳柏宇 日本

陳柏宇揚威日本大騷流利英文 講童年講美食 小時候入住兒童之家

影視娛樂

廣告

陳柏宇(Jason)近日揚威日本,成為首位登陸日本大型音樂平台《THE FIRST TAKE》的香港歌手,日前他更以流利英文接受日本傳媒訪問,大講自己的童年、喜愛的歌手以及推介的香港美食等話題。

陳柏宇 日本 陳柏宇成首位香港歌手登上日本THE FIRST TAKE
陳柏宇成首位登上日本《THE FIRST TAKE》的香港歌手,更被日本傳媒封為「治癒系情歌帝王」。(圖片來源:IG@ckw720)

陳柏宇 日本平台演唱《你瞞我瞞》及《有天》

陳柏宇登上日本《THE FIRST TAKE》,分別以「一Take過」的方式,演唱了他全新編曲的《你瞞我瞞》,以及去年推出的歌曲《有天》,其中《你瞞我瞞》的影片Views數已突破了350萬,極速引起香港和日本網民關注。日前Jason喺亞博舉行《陳柏宇 feat. 九龍搖擺俱樂部演唱會2023》,除咗獻唱fans投票嘅歌曲外,亦都有唱返喺日本音樂平台上獻唱過嘅歌。

陳柏宇 日本 陳柏宇 陳柏宇日前在亞博開騷,烏龍忘記拉褲鏈。
陳柏宇日前在亞博開騷,烏龍忘記拉褲鏈。(圖片來源:娛樂新聞台)

陳柏宇亞博騷忘拉褲 笑言唔會跌出嚟

當Jason唱到歌曲《閱後即焚》嗰陣,見到有fans不停揮手,Jason以為對方係想自己行近啲,點知當佢行近時,原來fans係想提醒佢唔記得拉褲鏈!雖然件事係勁尷尬,但係Jason就完全冇面紅,仲一邊唱歌一邊單手拉返起條褲鏈,相當霸氣,所以幾時都話「你唔尷尬,尷尬嘅就係人哋」啦!佢之後話自己未有咁大抽會跌出嚟,而家個size係安全同夠用嘅,佢又話因為唔係真空上陣,所以唔擔心呀!

陳柏宇 日本 陳柏宇 又冇拉褲鏈。
又冇拉褲鏈。(圖片來源:大會提供)
陳柏宇 日本 陳柏宇 在歌迷提醒後,陳柏宇才淡定拉回褲鏈繼續唱。
在歌迷提醒後,陳柏宇才淡定拉回褲鏈繼續唱。(圖片來源:娛樂新聞台)
陳柏宇 日本 陳柏宇 陳柏宇在《THE FIRST TAKE》演唱的第2歌《有天》,亦已突破了100萬Views數。
陳柏宇在《THE FIRST TAKE》演唱的第2歌《有天》,亦已突破了100萬Views數。(圖片來源:IG@ckw720)

7歲移民加拿大

日前陳柏宇接受日本傳媒訪問,就以流利英文大講自己的童年、喜愛的歌手以及推介的香港美食等話題。原來他雖然在香港出世,但7歲已隨家人移民加拿大。網民都大讚他的英文講得和廣東話一樣流利!

陳柏宇 日本 陳柏宇 陳柏宇獲網民大讚英文講得好流利。
陳柏宇獲網民大讚英文講得好流利。(圖片來源:YouTube@DIGLE MAGAZINE截圖)

小時候入住兒童之家

陳柏宇透露他移民前,因為父母離異,而要住在兒童之家中。他形容當時要與大約11至12個小朋友同住一屋,而整個兒童之家大約有10間屋,就像個小村莊一樣。

陳柏宇 日本 陳柏宇 陳柏宇話因為太掛住香港,所以最終決定回到香港工作和生活。
陳柏宇話因為太掛住香港,所以最終決定回到香港工作和生活。(圖片來源:IG@ckw720)
陳柏宇 日本 陳柏宇 陳柏宇話太掛住香港先返嚟香港工作。
陳柏宇話太掛住香港先返嚟香港工作。(圖片來源:大會提供)

被欺負憤而出走

陳柏宇原名陳廣偉,他在2010年出書《柏.紙簿》時,曾提到他3歲時開始入住兒童之家的經歷,期間他曾因不忿被其他大哥哥欺負,而與同伴出走,但在山坡逃跑時,不慎丟了拖鞋,令雙腳痛楚難忍,最終由同伴背著他回兒童院。

陳柏宇 日本 陳柏宇 陳柏宇3歲已被送入兒童之家。
陳柏宇3歲已被送入兒童之家。(圖片來源:《玩‧謝我阿婆》電視截圖)

與外婆感情親厚

因為這段在兒童之家的4年歲月,令陳柏宇學懂獨立,小小年紀已識得洗碗、煮即公仔麵。直到陳柏宇7歲時獲外婆接往加拿大照顧,兩婆孫感情非常好,曾在ViuTV節目《玩‧謝我阿婆》中,一齊去台南旅行。

陳柏宇 日本 陳柏宇 陳柏宇同外婆感情非常好,曾兩婆孫一齊去台南旅行。
陳柏宇同外婆感情非常好,曾兩婆孫一齊去台南旅行。(圖片來源:《玩‧謝我阿婆》電視截圖)

鍾意清水翔太

陳柏宇又在訪問中講到他喜歡的香港歌手有譚詠麟、陳奕迅和張學友,到加拿大後,則經常聽Spice Girls、Aqua、Backstreet Boys、NSYNC的歌,但他仍有聽好多廣東歌,而他最鍾意的日本歌手,則是清水翔太。

陳柏宇 日本 陳柏宇 陳柏宇曾在香港攞過多個最佳男歌手獎。
陳柏宇曾在香港攞過多個最佳男歌手獎。(圖片來源:IG@ckw720)

戴上耳機「自信返晒嚟」

陳柏宇又透露上《THE FIRST TAKE》表演非常緊張,因為這是他第一次在日本平台表演,但當他戴上耳機,即刻「自信返晒嚟」,同時他又直言好鍾意他們的音響設備。

陳柏宇 日本 陳柏宇 陳柏宇表演時一戴上耳機,即刻「自信返晒嚟」。
陳柏宇表演時一戴上耳機,即刻「自信返晒嚟」。(圖片來源: YouTube@THE FIRST TAKE截圖)

平日只有打golf、工作和家庭

講到平日嗜好,陳柏宇就笑言就係同女兒Abigail一齊出街和返學,他指自己日常生活好悶,只將所有精力集中在打golf、工作和家庭上。

陳柏宇 日本 陳柏宇 陳柏宇的日常生活就係同個女一齊出街、返學。
陳柏宇的日常生活就係同個女一齊出街、返學。(圖片來源:YouTube@DIGLE MAGAZINE截圖)

生女後生活節奏大變

陳柏宇笑指自從生女後,他的生活節奏就大變,以前是朝頭早3、4點睡下,第二天中午12點才起床,現在則在夜晚上1點半前就上床睡覺,第二天朝早8點起床,才能送女返學。

陳柏宇 日本 陳柏宇 陳柏宇同符曉薇Leanne)於2017年結婚,翌年誕下女兒Abigail。
陳柏宇同符曉薇(Leanne)於2017年結婚,翌年誕下女兒Abigail。(圖片來源:IG@ckw720)

推介香港三大美食

講到最推介的香港美食,陳柏宇第一個就話係港式奶茶,第二是鹵水雞翼,或者可愛雞翼也可以,第三則是車仔麵!

陳柏宇 日本 陳柏宇 港式奶茶係陳柏宇的最愛。
港式奶茶係陳柏宇的最愛。(圖片來源:YouTube@DIGLE MAGAZINE截圖)

即睇陳柏宇訪問片段:

英文好流利!

仲有陳柏宇與粉絲欣賞日本音樂平台演出 重大壓力下唱《你瞞我瞞》

陳柏宇早前與Fans一同欣賞其在《THE FIRST TAKE》的演出片段,他坦言當日拍攝時心情非常緊張,主要係因為個環境容錯度比較低。講到陳柏宇選擇將舊歌重新改編演繹《你瞞我瞞》,明顯唱出另一番味道,連他自己都意想不到。

陳柏宇 日本 陳柏宇 陳柏宇笑言有幻想過有機會開拓日本市場,若果真係有這個機會,他會好好把握去試一試。
陳柏宇笑言有幻想過有機會開拓日本市場,若果真係有這個機會,他會好好把握去試一試。(圖片來源:YouTube@TVB娛樂新聞台截圖)

「唔係我,都會有第二個」

陳柏宇表示:「冇乜因為係第一個香港歌手呢件事,令到去《THE FIRST TAKE》唱歌有唔同感覺,我覺得唔係我,都會有第二個,我自己去,就係擴闊自己視野,一定係挑戰自己在好大壓力之下,演出嘅能力。」

陳柏宇 日本 陳柏宇 陳柏宇透露未來想去日本造歌及生活幾個月,做宣傳同創作,今次赴日公幹,他亦有抽時間周圍去行吓玩吓。
陳柏宇透露未來想去日本造歌及生活幾個月,做宣傳同創作,今次赴日公幹,他亦有抽時間周圍去行吓玩吓。(圖片來源:IG@ckw720)

陳柏宇《THE FIRST TAKE》- 你瞞我瞞:

陳柏宇《THE FIRST TAKE》- 有天:

威到去日本!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@ckw720、YouTube@DIGLE MAGAZINE截圖、《玩‧謝我阿婆》電視截圖、YouTube@THE FIRST TAKE截圖、YouTube@TVB娛樂新聞台截圖資料或影片來源:原文刊於東方新地