陳山聰
陳山聰

陳山聰搣渣男形象 宣佈與女友11月1日拉埋天窗

影視娛樂

廣告

娛樂圈又一喜事傳出!近日TVB藝人陳山聰宣布與拍拖多年的圈外女友Apple結婚,一眾圈內朋友都紛紛送上祝福!六年前陳山聰同何家千金超雲分手,拋棄糟糠有工唔返最後得個桔,形象亦因此一鋪清袋成為一代渣男;之後一步一步在電視台收復失地,去年勇奪台慶最佳男配成功洗底,最大因素亦係因為陪伴左右共度最艱難日子的素人女友Apple!

撰文:東方新地|圖片:新傳媒圖片庫

陳山聰宣布11月1日與女友拉埋天窗

陳山聰與女友Apple一直感情穩定,最近更宣布將於11月1日與女友拉埋天窗!圈中好友袁偉豪、姚子羚、伍詠薇都已得知喜事,接受傳媒訪問時更表示替山聰感到高興,並指Apple是個好女仔,兩人非常相配。

陳山聰拋棄糟糠

陳山聰2010年被爆與年長12年的設計師女友楊渡萍(Ponny)拍拖10年,但在2011年再傳出緋聞,陳山聰被指為上位力追何家千金何超雲。誰不知再爆出他與Ponny早在2008年已秘婚。陳山聰拋棄糟糠的形象深入民心,事業、形象一鋪清袋成為一代渣男。

2011年搭上何家千金,即時曠工唔恨做,長達兩年時間專陪女友周遊列國,陳山聰當年的渣男形象用了5年才得以洗底。

陳山聰 靠女洗底

之後一步一步在電視台收復失地,去年勇奪台慶最佳男配成功洗底,最大因素亦係因為陪伴左右共度最艱難日子的素人女友Apple。去年台慶頒獎禮陳山聰終於奪得入行以來第一個「最佳男配角」獎項,難怪特別激動,谷爆眼淚感激一同陪伴度過低潮的身邊人,除咗形同父親的大哥外,另一個特別點名,正是「照顧我四年半的女友」。

近年眼見事業重步正軌,已經在多次訪問中表示當正女友係屋企人,將會努力儲錢買戒指。據知情人士透露,雖然哥哥在澳門打理家族生意係富戶、女友出身亦不差又有自己的美容生意,陳山聰還是和女友有共識,太過鋪張對形象無益,所以部署明年中與女友旅行結婚。

哥嫂當正弟媳

除了終於事業有成、到了適婚年齡,女友亦不介意自己過去外,知情人表示,老婆娶唔娶得過,陳山聰最看重還是大哥意見:「啱啱分手又未返電視台,阿哥叫佢返屋企幫手,山聰寧願月入8,000去做sales,再加上形象差個個對佢指指點點,當其時真係好難捱。所以Apple嗰段時間已經同佢一齊又話唔介意佢過去,亦唔介意事業無成,唔止山聰覺得感動,大哥大嫂都睇在眼內。」

知情者續說:「經過四年幾相處,屋企旅行、聚會一定有Apple份,呢個女仔大方斯文又喺幾年時間內改變咗山聰,所以大哥大嫂都真係當咗佢係弟媳一樣。」

融入家中

換著以前,陳山聰可能未定性,有變數都唔奇,但近日山聰逐步確立女友未婚妻地位,看來,今次走唔甩!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..