陳奕迅新歌MV被吊3粒鐘見暈：唔知拍緊咩林家謙Demo 3個字促成作品

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Dec 8 2022

陳奕迅Eason演唱會《FEAR AND DREAMS》即將在周五12月9日開鑼，在開騷前一日，Esaon率先推出了新歌《人啊人》MV，原來這個MV由金像獎新晉導演陳健朗執導，用了近20小時拍攝，單是吊威也就吊足3個鐘，Eason都笑指：「其實我唔知拍緊咩，好耐冇試過咁拍MV！」

陳奕迅演唱會陳奕迅 Eason為拍MV吊威也吊足3個鐘。 — Eason為拍MV吊威也吊足3個鐘。（圖片來源：官方提供）

陳奕迅新歌MV叫大家放下執念

陳健朗今次為Eason執導新歌《人啊人》MV，大膽用一個人瀕死的第三觀視覺，告訴大家什麼是「人」，「人」又應何去何從？人生如夢幻泡影、如露亦如電，帶引出反正你我一樣終有一日灰飛煙滅，又何必再有執念。

據知Eason MV 今次用了超多CG及試驗性的特技，導演陳健朗開場用了一個白色山丘沙漠的荒無畫面，突進人的心臟世界，抽回來才讓觀眾猛然驚覺，剛剛那個荒無山丘是陳奕迅的裸體。

陳健朗表示，「畫面是想表達一個人瀕死期間的經歷，部份研究表示，人死後仍可有時間回顧一下整個世界，所以我們大膽幻想，當你離開肉身成為另一種存在時，用第三身看人生又是什麼？」

陳奕迅演唱會陳奕迅 Eason在MV中有半裸演出。 — Eason在MV中有半裸演出。（圖片來源：官方提供）

陳奕迅演唱會陳奕迅 Eason MV 今次用了超多CG及試驗性的特技。 — Eason MV 今次用了超多CG及試驗性的特技。（圖片來源：官方提供）

陳奕迅演唱會陳奕迅陳健朗。 — 陳健朗。（圖片來源：FB@陳健朗 Kinlong Chan）

《人啊人》由林家謙作曲

原來MV畫面之中，我們見到的是脫離肉體後的Eason通往其他次元的門，穿梭在多維度宇宙之間，舞者聚成之眾生曼陀羅、面容破碎後第三眼引爆之七色能量流動場，帶引出貧富貴賤、馨香臭穢、有無虛實、深淺高低、皆是妄心起滅，有為無為皆由自己，心常空寂，湛然清淨。所以畫面到最後用全白來告訴大家，人生無纖毫停留罣礙，生到死收攝在這一念，自然無心，如如不動，你我煙飛灰滅之時，心常空寂，湛然清淨。

《人啊人》由林家謙作曲，周耀輝填詞，李榮浩編曲，Eason直言收到林家謙 demo時，已經非常喜歡這首歌，因為家謙係Demo裡面，唱了一句：「Who we are?」，所以令他想到「人」這個題材，「我同耀輝講咗個構想，佢馬上就寫左份非常出色嘅歌詞俾我，佢係歌詞裡面不停問問題，但沒有結論，結論正好留俾聽歌嘅人去思考。」

陳奕迅演唱會陳奕迅之前陳奕迅做林家謙演唱會嘉賓，已被指為復出試水溫。 — 之前陳奕迅做林家謙演唱會嘉賓，已被指為復出試水溫。（圖片來源：YouTube@The Show Must Go On）

林家謙係陳奕迅Fans

林家謙曾接受陳志雲訪問指，自己早於小學時期便視Eason為偶像，當有人稱讚他實力超越Eason，他即急忙否認。Eason曾經於2020年接受商台訪問，透露林家謙中學時曾送他一個內藏多首Demo的iPod：「林家謙好叻……好叻去搵叻嘅人合作。我認識林家謙呢個名係好早，早過好多人。佢讀緊中學嘅時候，佢畀過一個iPod我，有張卡片，（寫住）Wedding Pianist，有電話、Email，當然入面有封信話我知咩事。當然佢寫得好Detail，好Proper呢個人，我就話嘩點解會有個iPod。我記得，我搵到一個咁貴重嘅嘢，唔係屬於我嘅，我要畀返佢，佢只係想我去聽入面嘅歌、佢嘅Demo。」

陳奕迅演唱會陳奕迅 Eason在MV中脫離肉體後，穿梭在多維度宇宙之間。 — Eason在MV中脫離肉體後，穿梭在多維度宇宙之間。（圖片來源：官方提供）

Eason吊威也靠武指教路

是次MV 用了近20小時拍攝，由早上9點拍到凌晨近3點才收工，單是吊威也，一吊就吊了3個鐘，Eason坦言有點腦充血見暈，更笑言，「其實我唔知拍緊咩。好耐冇試過咁拍MV ，不過我信導演！哈哈。我同阿朗傾過幾次計，佢個腦好闊同好多唔同諗法，好創新，所以我交晒比佢，佢叫我做咩就做咩。」

「吊威也其實都辛苦，唔係講吊得耐唔耐時間，係因為我始終冇受過訓練，核心肌群Core Muscle唔夠力，好多動作，都係靠核心肌群發力，所以我成日喺半空中就自動後空翻，hold唔到好耐。好彩今次班武指，都係以前拍戲、演唱會合作過晒，佢哋好好，不停教我應該點做，最終都拍到導演收貨要嘅鏡頭。」

陳奕迅演唱會陳奕迅 MV拍攝花了近20小時。 — MV拍攝花了近20小時。（圖片來源：官方提供）

陳奕迅演唱會陳奕迅 Eason指他吊威也時經常在半空中自動後空翻，hold唔到好耐。 — Eason指他吊威也時經常在半空中自動後空翻，hold唔到好耐。（圖片來源：官方提供）

被淋黑漿嗌好玩

今次Eason的MV有好多新嘗試，繼吊威也，又被整個人淋黑漿，又需與大班舞者跳舞。Eason說，「淋落嚟嘅係似芝麻糊混合類似小朋友玩個種口水膠質感東西，導演話食得嘅，哈哈。因為一淋左就冇晒妝頭，所以呢部分放到半夜先拍，淋左一共四、五次，剩係覺得凍，同自己好似變左條鱷魚，因為黑漿流左入眼晴，好似有層霧咁。似鱷魚眼睛灰灰地，但都幾好玩，我睇相個效果都震憾。」

陳奕迅演唱會陳奕迅 Eason指被整個人淋黑漿，除咗覺得凍，仲覺得自己好似變咗條鱷魚。 — Eason指被整個人淋黑漿，除咗覺得凍，仲覺得自己好似變咗條鱷魚。（圖片來源：官方提供）

陳奕迅演唱會陳奕迅但其實佢覺得幾好玩。 — 但其實佢覺得幾好玩。（圖片來源：官方提供）

陳奕迅演唱會陳奕迅仲淋住黑漿同大班舞者影合照。 — 仲淋住黑漿同大班舞者影合照。（圖片來源：官方提供）

預告演唱會跳舞飛賣得好有壓力

演唱會即將開鑼，Eason表示早已排練一段日子，我提早左排舞，想練多啲，當做埋運動囉。（會唔會嚴格閉關免生病？）都會呀，臨近演唱會少啲出街囉，見到演唱會大家咁支持，啲飛賣得咁好，都有壓力㗎，演唱會始終係一件好大嘅事，有時我都會驚一驚，驚自己唔知做得好唔好。但每當呢啲時刻，個天就會派人嚟鼓勵我，例如身邊朋友，或者係街上面，都有好多鼓勵，行過撞到就會有人同我打招呼，然後話：『你啲飛好難買呀！加油呀！』真係好溫暖。多謝大家，咁多人錫我，我會加油做好每一場。」