陳凱琳
陳凱琳

陳凱琳媽親揭龍鳳胎似混血兒之謎 直認曾反對女兒同鄭嘉穎拍拖

影視娛樂

廣告

陳凱琳和龍鳳胎細佬Derek不時被誤以為是混血兒,但父母外貌卻是純正港人,陳凱琳媽媽Connie最近接受電台訪問時,親揭一對龍鳳胎似混血兒的真正原因,同時陳凱琳媽媽提及女兒當初同鄭嘉穎拍拖,一直好反對更拒絕見鄭嘉穎。

文:東方新地|圖:陳凱琳IG

陳凱琳 龍鳳胎 鄭嘉穎
陳凱琳與母親感情要好。

「14、15歲突然眼大咗、臉尖咗」

陳凱琳媽媽Connie日前接受車淑梅的《舊日的足跡》訪問,對外界的疑問都一一大方回答。陳凱琳媽媽親揭龍鳳胎與大女完全唔同樣咁回答:「其實 Grace 同 Derek 龍鳳胎出世嗰時同大家姐一樣好白淨,但突然喺 14、15 歲嘅時候眼大咗、臉尖咗,阿仔鬚根又多咗,可能我媽媽係馬來西亞人,擁有亞裔血統,加上佢哋細個又鍾意戶外活動,又或去加拿大讀書時,嗰度嘅食物有好多荷爾蒙啦﹗」

陳凱琳 龍鳳胎 鄭嘉穎
陳凱琳同細佬小時候又真係白白淨。
陳凱琳 龍鳳胎 鄭嘉穎
陳凱琳同細佬Derek大個輪廓深咗,成日被誤以為是混血兒甚至外國人。

「我問過大女Grace靚過佢,會唔會唔舒服?」

陳凱琳曾提過大家姐對被指唔及港姐冠軍細妹靚一事好介懷,陳凱琳媽媽Connie爆Grace自細好貪靚:「大家姐 Joyce 比較運動型、率性、唔計較,係好柔和嘅人。相反 Grace 3、4 歲開始一定要著裙出街,有一次去海洋公園,佢堅持著裙否則寧願唔去,結果佢真係選擇留喺屋企。坦白講,大女Joyce 14、15 歲進入青春期,我真係問過佢『如果有人話妹妹靚過你,你會唔會唔舒服?』Joyce 說唔會:『佢(Grace)係我妹妹,每個人都靚,只係角度唔同,其他人唔可以用外表去分裂我哋姊妹,否則我會將話題中止。』」

陳凱琳 龍鳳胎 鄭嘉穎
陳氏三姊弟
陳凱琳 龍鳳胎 鄭嘉穎
陳凱琳同龍鳳胎細佬Derek似混血兒,同大家姐Joyce完全唔同樣,不過一家都是高顏值。
陳凱琳 龍鳳胎 鄭嘉穎
陳凱琳媽媽指龍鳳胎小時候都白白淨,青春期突然變樣。

直認反對女兒同鄭嘉穎拍拖:「唔想見佢﹗」

陳家對鄭嘉穎呢個女婿點睇?陳凱琳媽媽Connie都答得好坦白,當初鄭嘉穎追求Grace,媽媽係反對嘅:「一來我唔認識佢(嘉穎),二來聽聞佢好花弗,三年紀當然都有少少影響,怕佢只係玩玩吓。但我唔可以一刀切,始終大家係成年人,我初時甚至唔想見佢,因為我驚唔知點面對佢同相處。我真係好驚,又好唔開心,唔知點算好,因為呢次係 Grace 嘅初戀,Grace 就提議大家分開祈禱,結果,祈禱中上帝要我主動去認識佢(鄭嘉穎)…」

陳凱琳 龍鳳胎 鄭嘉穎
陳凱琳初戀便遇上年紀大自己一大截的鄭嘉穎,難怪陳凱琳媽媽感到擔心。

「多次溝通先至互相接納」

陳凱琳媽媽Connie話後來跟鄭嘉穎見面,慢慢認識才對他很大改觀:「 記得第一次見 面,佢(嘉穎)好熱情,好有禮貌,仲送咗支好靚嘅紅酒,講嘢唔會左顧右盼,實話實說,係個誠實嘅好孩子,好值得我尊重,我哋大家以成年人嘅態度去溝通,經過多次溝通,我哋先至互相接納,至可以融為一體。」

陳凱琳 龍鳳胎 鄭嘉穎
陳凱琳細個都仲係白雪雪,同爸爸好似樣,點知大個似鬼妹。
陳凱琳 龍鳳胎 鄭嘉穎
陳凱琳當年參選港姐,媽媽Connie一直陪伴左右,對女兒好大支持及照顧。

爆嘉穎擔心老婆仔女唔夠錢使

陳凱琳婚後火速誕兩子,Grace媽對鄭嘉穎呢女婿大讚冇彈,平時更會保持聯絡:「我湊緊孫又會打電話畀佢,佢又會即刻接,我哋冇隔膜﹗結婚之後,佢以家庭為重,重到我要叫佢減啲,唔好咁誇張,佢成日問,兩個仔大咗會唔會夠錢用,驚住通貨膨脹,成日問老婆舒唔舒服,成日叫 Grace 唔好慳錢,要用就用﹗」

陳凱琳 龍鳳胎 鄭嘉穎
陳凱琳為鄭嘉穎誕兩子,一家四口好幸福。

讚鄭嘉穎有101分

陳凱琳媽媽爆雖然嘉穎擔心唔夠錢畀老婆仔女使,但對家人好大方:「佢(鄭嘉穎)又會神神秘秘買個靚手袋送畀 Grace,仲同 Grace 講『唔知點樣去多謝你,我真係好愛你﹗』佢(嘉穎)對媽媽、家人,甚至工人都好恩待,我以為佢係講嘢大聲嘅大男人,原來好細心、好窩心、好體貼﹗我呢個女婿好似紅酒,初試一啖未飲出味道,一路飲味道會愈來愈好﹗我好愛佢,真係好愛佢,佢好抵錫﹗我畀佢 101 分,嗰一分係上帝額外加上去嘅﹗」

陳凱琳 龍鳳胎 鄭嘉穎
陳凱琳媽媽Connie最近接受車淑梅訪問。
陳凱琳 龍鳳胎 鄭嘉穎
陳凱琳和鄭嘉穎拍劇撻著,拍拖三年結婚生仔,現有兩子。
陳凱琳 龍鳳胎 鄭嘉穎
陳凱琳細佬Derek3月結婚,三姊弟都已婚,陳凱琳父母最開心。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地