陳偉琪
陳偉琪

「細龍太」美國才藝比賽勇奪8個獎 陳偉琪IG鼓勵港人:「再艱難的日子都會過去的!」

影視娛樂

廣告

陳偉琪(Vicky)喺TVB處境喜劇《愛.回家之開心速遞》飾演「細龍太」一角,大受觀眾同網民歡迎。早前Vicky遠赴美國參加才藝比賽,因此要暫別《愛.回家》劇組。噚晚(26/7)Vicky喺Instagram公布好消息,更因為近日社會上嘅事為港人打氣。

撰文:Evita | 圖片:劇照、Instagram

陳偉琪美國才藝比賽奪8獎

「細龍太」陳偉琪今個月月初遠赴美國洛杉磯出戰《WCOPA》世界表演藝術錦標賽,當中參加咗演戲、模特兒、鋼琴等幾項賽事,每個獎項都成功奪獎。而豎琴表演更加進入總決賽,奪得一個獎同該級別大獎。整場賽事,最終勇奪8個獎項,真係可喜可賀!

Vicky噚日就喺Instagram宣布喜訊:

「這次代表香港比賽,真的是挑戰了自己,也托大家的祝福,獲得好成績,每一項參賽的項目都拿到獎。」

Vicky又話:「在LA的日子雖然很累,每天搬豎琴,為比賽不同項目準備,但還是很擔心我們的家。」

過去個幾月,香港廣大市民因為反對《逃犯條例》而上街遊行,而且多次與警方發生衝突,加上7月21日嘅元朗事件搞到人心惶惶。「細龍太」雖然人在美國,都不忘留意香港社會,表示「希望在這個時候,帶點喜訊給大家。無論再艱難的日子都會過去的。」

除咗「細龍太」之外,其實都有唔少圈中藝人為事件發聲,好似發生元朗暴力事件翌日,森美喺電台節目《早霸王》一開始就講咗句:「今早,我沒有說話好說。」沉默過後,又再哽咽道出:「不明白作為香港人身份可以做甚麼,令香港可以變回以前的香港,希望香港每個人努力。」之後就播出陳慧敏嘅歌—《沉默之間》。森美表示常規節目環節會取消,變為聽眾於網上點歌,後來播咗小塵埃《高地之下》、RubberBand《睜開眼》、Supper Moment《世界變了樣》等等的歌曲。

早前森美就在個人Facebook上將之前南生圍的相片轉成黑白色,寫上

「元朗

香港

到了昨晚

不一樣了

我應當做什麼?

香港才會是香港

我迷惘 擔心 恐懼 不知所措

應該不止我

你也和我一樣吧!」

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

最新吃喝玩樂資訊