陳豪
陳豪

《陀槍師姐2021》陳豪浮誇演技被插回晒塘 網民:啲假音好惡頂!

影視娛樂

廣告

《陀槍師姐2021》演員班底與過去四輯大不同,舊將陳三元(滕麗名飾)出5集暫時離場,劇情落在男女主角陳豪與宣萱的感情線上,陳豪飾演的蒙Sir性格自大、自戀、小器及獨家村,經常八婆上身不斷講假音、走音仲夾雜住英文,被網民指演技浮誇。陳豪06年做《溏心風暴》的「得得地」觀眾好受落,十五年後再以同一方法演出,被網民指回晒塘趕客。

撰文:東方新地 圖片:無綫劇照、電視截圖

陳豪 陀槍師姐2021
《陀槍師姐2021》幾乎冇晒舊班底,由陳豪與宣萱擔大旗。
陳豪 陀槍師姐2021
陳豪由第一集開始已經搞笑出場。

《陀槍師姐2021》陳豪被指煩膠

《陀槍師姐2021》播出以來反應麻麻,劇集名講的「師姐」,本是指宣萱飾演的騰雞女警Diana及已升做警司的陳三元滕麗名,不過在網上討論區中,網民卻插爆陳豪在劇中的演出仲煩過「師姐」,連滕麗名都Man過陳豪。陳豪在劇中的個性似足八婆,為人計較又小器,有能力卻不擅於交際,是個極度不受歡迎警隊高層,角色設定誇張無得改,不過陳豪的演技同樣被網民插爆十年都無改,劇中無限走音、假音兼夾雜住英文,似層相識。網民對陳豪劇中表現不討好,直指浮誇演技過於over,狂插演技屎冇進步。

陳豪 陀槍師姐2021
陳豪以懶funny的方式去演繹角色。

《陀槍師姐2021》陳豪浮誇演技被插回晒塘 網民:啲假音好惡頂!

陳豪 陀槍師姐
陳豪被指角色唔討好,甚至乞人憎。

陳豪由成熟變退步

其實唔怪得班網民咁講,陳豪加入無綫廿年,過去曾經有過不少代表作,例如《帝女花》、《金枝欲孽》、《秀才遇着兵》、《火舞黃沙》、《宮心計》、《公主嫁到》、《天梯》及《溏心風暴》系列等等,當中《溏心風暴》及《誇世代》,陳豪都加入一些自創的搞笑演繹方式,令陳豪成為受歡迎的男一,可惜陳豪近年遇上的角色太近似,而他又用同一個tone去演,觀眾看厭了覺得好煩,陳豪被插演技不斷地退步,更甚是指他無論笑或嬲都同一表情,而且講對白亦口齒不清。

陳豪 陀槍師姐2021
陳豪在劇中經常用假音、扮走音同講英文。
陳豪 陀槍師姐2021
陳豪以浮誇的肢體動作去演繹心胸狹窄的上司,喜感十足,卻不受網民喜愛。
陳豪 陀槍師姐2021
網民插爆陳豪演技誇張。

避免兩線都睇陳豪

據知陳豪在《陀槍師姐2021》及《愛美麗狂想曲》的角色太過相近,陳豪同樣以懶搞笑的方式演出,現在《陀槍師姐2021》被插得體無完膚,再來一套陳豪主演的《愛美麗狂想曲》,觀眾反枱都似,有見及此,本來打算在2月15日播出的《愛美麗狂想曲》被抽起,改播郭晉安主演的《失憶24小時》,等觀眾抖一抖絕對係上策!

陳豪 陀槍師姐2021
當年《溏心風暴》系列,陳豪飾演完「得得地」再做「阿卡」,生鬼演技觀眾好受落。
陳豪 陀槍師姐2021
陳豪在《誇世代》中與李佳芯合作,靠生鬼演技上位。
陳豪 陀槍師姐2021
陳豪在《愛美麗狂想曲》飾演李佳芯上司,又用假音講英文去搞笑,造型上亦似層相識,難怪無綫要抽起唔播住。

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

最新吃喝玩樂資訊