agent l
agent l

Elsie結婚|婚訊做手信阿正激動爆喊到抽搐 與Agent L.拍拖12年「冇迫婚」

影視娛樂

廣告

早前憑ViuTV節目《花姐ERROR遊》、《ERROR自肥企画》等節目人氣急升的「特工」Agent L. (曹梓沖),與商台DJ女友Elsie (呂珮琳) 拍拖12年,女方時不時在大氣電波進行「迫婚」,日前他們分別在社交平台宣布婚訊,Agent L.更公開急護未婚妻指對方「私底下冇迫過婚」,另一邊好姊妹阿正(黃正宜)得知喜訊後,竟然爆喊兼激動到抽搐,真係姊妹情心。

好姐妹婚訊做手信 阿正喊到失控抽搐

阿正去年中還帶挈好姊妹Elsie入行做DJ,孖住主持叱咤903節目《Bad Girl佬》,不經不覺已一年時間,早前Elsie休假兩星期遊日兼幫男友進行拍攝工作,旅程中男方求婚成功,Elsie特地將訂婚消息當作手信,於星期一晚上的直播節目給阿正驚喜!

Agent L. 阿正知道Elsie要結婚的反應係當場爆喊。
阿正知道Elsie要結婚的反應係, 一秒爆喊!(圖片來源:IG@903ahjeng)
Agent L. 話喊就喊得出,仲加埋抽搐,阿正真情流露,無得頂!
話喊就喊得出,仲加埋抽搐,阿正真情流露,無得頂!(圖片來源:IG@903ahjeng)

為好姐妹幸福激動爆喊 真情阿正表現爆笑

由於節目尾聲阿正喊到收唔到聲,其後阿正更在IG補充分享心情,原來收到Elsie婚訊時的片段,阿正喊到失控仲抽搐完全係出於真情唔係節目效果,她留言表示:

「估唔到呢條女喺日本帶俾我嘅手信,竟然係…婚訊!兩個靜悄悄地喺大阪私定終身!忍咗幾日返到香港先來同我講,我諗…呢個係我近年收過最大嘅驚喜!驚喜到喊到抽搐呀大佬!」

事後阿正表示不知道自己為何會哭成這樣,真心替Agent L.及Elsie開心,更催二人快點生小孩,她要當契媽!

Agent L. 早前Elsie被指沒有阿正她什麼都不是,二人感情要好,未受負面新聞影響。
早前Elsie被指沒有阿正她什麼都不是,二人感情要好,未受負面新聞影響。(圖片來源:IG@elsie_lui)

Agent L.公開喜訊急護未婚妻

Agent L.與商台DJ Elsie日前分別在各自的社交網上載多張在大阪的甜蜜合照,相中Elsie手持花束並展示閃爆求婚戒指,二人露出甜蜜幸福笑容,Agent L.公開已向女友求婚並說:「She said Yes!呢一個畫面我已經期待咗好耐,其實喺12年期間人和事都變咗好多,唯一無變過嘅就係每當我見到你﹐心裏面都會認定你係我一世嘅伴侶。」公開婚訊前,相信唔少人都聽過Elsie曾公開「迫婚」,難免會認為Agent L.今次娶妻是被迫婚,所以他煞有介事要澄清:「我想講私底下Elsie 一直都無迫過婚,只係我而家先有足夠嘅能力去求婚,I Love You Elsie! 」Agent L.果然是好男人。

Agent L. Agent L.與Elsie狂晒早前去大阪玩時求婚成功的合照,不過好多張都係Elsie黑圖,呢張仲嫌棄未來老公!
Agent L.與Elsie狂晒早前去大阪玩時求婚成功的合照,不過好多張都係Elsie黑圖,呢張仲嫌棄未來老公!(圖片來源:IG@alfred_cho)
Agent L. 拍拖12年終於拉埋,Agent L.話冇被迫婚喎!
拍拖12年終於拉埋,Agent L.話冇被迫婚喎!(圖片來源:IG@alfred_cho)
Agent L. Elsie終於嫁得出,當場感動到喊!
Elsie終於嫁得出,當場感動到喊!(圖片來源:IG@elsie_lui)
Agent L. Agent L.早年拍住ERROR做節目人氣急升,捱了多年終儲夠老婆本結婚。
Agent L.早年拍住ERROR做節目人氣急升,捱了多年終儲夠老婆本結婚。(圖片來源:IG@alfred_cho)
Agent L. Agent L.自離開ViuTV後,一直都努力經營個人Youtube平台,早前更有幸和古天樂一起,接拍電視廣告。
Agent L.自離開ViuTV後,一直都努力經營個人Youtube平台,早前更有幸和古天樂一起,接拍電視廣告。(圖片來源:IG@alfred_cho)

12年前後同一回應「我願意」

被求婚的心願在日本實現後,Elsie在社交網寫下感言:「望住你跪低攞住戒指手都震晒嘅呢一刻,感覺就好似返番12年前,你問我可唔可以做你女朋友嘅感覺係一樣,12年前,我願意,12年後,我願意,120年後我都願意。」過去Elsie和Agent L.曾拍片玩「開箱」拍拖多年的紀念品,出土Elsie人生第一份送畀Agent L.的Schedule Book,紀錄了第一日拍拖的心情,Elsie在12年前已寫上「我願意」,原來恨嫁的少女心由這日已開始。

Agent L. 早前Agent L. 拍片玩「開箱」二人拍拖多年的紀念品,出土Elsie人生送出的第一份禮物。
早前Agent L. 拍片玩「開箱」二人拍拖多年的紀念品,出土Elsie人生送出的第一份禮物。(圖片來源:Youtube@HARD CHILL截圖)
Agent L 二人公開11年前影過的相。
二人公開11年前影過的相。(圖片來源:Youtube@HARD CHILL截圖)
Agent L 11年前好sweet。
11年前好sweet。(圖片來源:Youtube@HARD CHILL截圖)
Agent L 11年前,二人都好嫩口。
11年前,二人都好嫩口。(圖片來源:Youtube@HARD CHILL截圖)
Agent L Elsie自嘲似男人。
Elsie自嘲似男人。(圖片來源:Youtube@HARD CHILL截圖)
Agent L. Elsie睇嚟要改善一下表情管理。
Elsie睇嚟要改善一下表情管理。(圖片來源:Youtube@HARD CHILL截圖)
Agent L. 當年貼紙相出土。
當年貼紙相出土。(圖片來源:Youtube@HARD CHILL截圖)
Agent L. ELSIE12年前已經講過一次「我願意」。
ELSIE12年前已經講過一次「我願意」。(圖片來源:Youtube@HARD CHILL截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
Elsie阿正
撰文:東方新地圖片來源:IG@elsie_lui、IG@alfred_cho、Youtube@HARD CHILL截圖、IG@903ahjeng資料或影片來源:原文刊於東方新地