關心妍演唱會｜蕭正楠求幫手與麥浚龍破冰重溫當年囂張周圍樹敵往事

Q: 蕭正楠與Juno麥浚龍當年有咩過節？

蕭正楠在尾場再現身，自爆想與Juno破冰⋯⋯ 詳情請看

Q: 關心妍演唱會仲有咩嘉賓？

關心妍連續兩場請來早年的緋聞拍檔蕭正楠做嘉賓，尾場Encore時請到一位天后級嘉賓登場⋯⋯ 詳情請看

Jun 6 2022

《關心妍 Jade Kwan 約 20週年演唱會》圓滿落幕，尾場吸引不少圈中名人到場支持，包括何超雲、鄧萃雯、林珊珊等等。關心妍連續兩場請來早年的緋聞拍檔蕭正楠做嘉賓，二人在台上想當年，講到蕭正楠同麥浚龍Juno當年的牙齒印，關心妍話唔會幫二人破到冰；到尾聲Encore時Sammi更驚喜現身，與關心妍合唱〈上帝早已預備〉，成為全晚高潮。

關心妍關心妍以多套華麗舞衣現身個唱。 — 關心妍以多套華麗舞衣現身個唱。（圖片來源：大會提供）

關心妍演唱會與蕭正楠再同台

關心妍連續兩場邀請到「同年新人」蕭正楠做嘉賓，當年一首〈特別鳴謝〉令二人成為歌壇情侶，不過最後就鬧不和，可謂不歡而散，更18年未來有同台演唱，當蕭正楠現身時全場尖叫，他更公開想當年：「嘩！真係好多年啦！好多年都冇唱呢首歌，好多朋友都喺K房唱呢首歌『炒車』，諗番當年拍MV，發現Jade咁多年都冇變過，大家要比多啲掌聲Jade，真係眨吓眼原來過得咁快，多謝Jade邀請，畀我有機會再喺紅館度體驗。」關心妍就話見到蕭正楠即刻「青春晒」：「好多Fans都叫我搵番原唱出嚟，終於請到蕭正楠嚟啦，大家開唔開心啊！」

關心妍蕭正楠一上台就同關心妍攬攬。 — 蕭正楠一上台就同關心妍攬攬。（圖片來源：大會提供）

關心妍 18年冇合唱，一於在紅館台上自拍見證呢個世紀時刻。 — 18年冇合唱，一於在紅館台上自拍見證呢個世紀時刻。（圖片來源：大會提供）

蕭正楠主動提Juno

做完第一晚嘉賓，蕭正楠再在尾場現身，他笑言收到好多朋友訊息表示回憶返晒嚟，蕭正楠更主動提起當年曾傳與他不和的Juno麥浚龍：「2002出道嘅歌手所剩無幾，得番我、你同Juno，唔知佢會唔會開廿周年演唱會？如果開會唔會請我做嘉賓呢？」

關心妍關心妍安排阿女心心在台上表現打筋斗。 — 關心妍安排阿女心心在台上表現打筋斗。（圖片來源：大會提供）

關心妍關心妍更母女合唱生日歌為老公楊長智慶生。 — 關心妍更母女合唱生日歌為老公楊長智慶生。（圖片來源：大會提供）

關心妍直言同Juno甚少聯絡

關心妍直言近年與Juno甚少聯絡，希望可以與同年出道的余文樂、Cookies等歌手相約聚一聚。關心妍又被問到若能重聚，會否幫忙為蕭正楠和Juno破冰，她笑說：「我破唔到冰㗎喎！真係唔知，其實要約晒咁多個都唔容易，私底下有啲20年前嘅歌手都有聯絡，但係我同Edwin都好耐冇聯絡，上次見已經係啱啱生完BB拍《美女廚房》。」

關心妍關心妍直言與Juno甚少聯絡。 — 關心妍直言與Juno甚少聯絡。（圖片來源：大會提供）

關心妍演唱會Encore送驚喜

去到Encore時段，關心妍再向樂迷送上驚喜，她邀請Sammi鄭秀文上台擔任嘉實，令全場激動尖叫，二人合唱〈上帝早已預備〉，關心妍笑言好夢幻，更在台上邀請Sammi自拍留念。Sammi直言被關心妍誠意打動答應做嘉賓，仲大爆這次可能是關心妍最後一次舉行個唱：「恭喜你啊，20周年演唱會真係好唔容易㗎，我作為歌手，都覺得愈有經歷嘅歌手，愈少空間進步、愈難搵新鮮感比觀眾，真係唔容易。今次你仲寫咗張卡比我，講呢個騷嘅心路歷程，我覺得好感動，我明二十年好艱難，我三十年其實都好艱難㗎，所以唔好放棄啊，OK？」

關心妍關心妍宣布Encore嘉賓是Sammi。 — 關心妍宣布Encore嘉賓是Sammi。（圖片來源：大會提供）

關心妍二人在台上興奮自拍，關心妍話自己聽對方歌曲成長，Sammi笑言大家「差唔多大咋嘛！」 — 二人在台上興奮自拍，關心妍話自己聽對方歌曲成長，Sammi笑言大家「差唔多大咋嘛！」（圖片來源：大會提供）

紅館個唱中為老公慶生

當關心妍唱完〈你有心〉，演唱會隨即完結，但歌迷大叫Encore堅持留低，令關心妍再折返舞台：「你地仲未走啊？我地真係冇準備㗎，再唱多次得唔得啊？不如唱多次〈放生〉，咁我行近啲唱啦！」完騷後關心妍接受傳媒訪問，表示感激老公背後支持，所以特意為對方送上生日驚喜：「因為我忙緊個騷，佢叫我唔好幫佢搞生日，咁唔可以唔表示嘅，所以今朝佢出咗門口，我就同個女夾計唱生日歌，好在囡囡都守到秘密，又記到啲稿！」

關心妍關心妍囡囡表演完，即在台下黐實爸爸繼續撐媽咪。 — 關心妍囡囡表演完，即在台下黐實爸爸繼續撐媽咪。（圖片來源：大會提供）

蕭正楠當年態度囂張乞人憎

「以為自己好紅」的藝人多數的下場是銷聲匿跡於娛樂圈，蕭正楠曾接受本刊訪問承認當年正犯下這過錯，簽約成為李澤楷唱片公司旗下歌手，挾「電盈之子」之名加入樂壇，口不擇言令他一無所有。他自爆曾經找過一班舊同事，希望向他們說一句對不起，但最後不成事，「我真心想同以往曾經畀我得罪過嘅舊同事同埋記者講聲，我欠佢哋一句對唔住，今時今日我連個『囂』字點寫已經唔記得啦。」蕭正楠當年除了錯在態度差之外，最主要錯在太天真，他應該不明白大家只是畀面李澤楷而不是他！

自爆與Juno交惡原因

與蕭正楠同樣於02年入行的樂壇新人，數數手指男的只剩下他當日的死敵麥浚龍（Juno）及余文樂、女的則有鄭希怡。研究當時與Juno交惡的原因，蕭正楠歸咎於一切都是新人博見報宣傳手法。「事實上我同Juno冇試過兜口兜面指摘過對方，你寸我兩句我咪窒番你三句囉，有好多說話經過第三者把口就會唔同晒。睇番轉頭呢件事真係小學生鬧劇，佢啲歌我有畀錢download㗎，咁多歌手之中佢做唱片真係好有誠意，早幾年佢套《殭屍》收得又好口碑，見到佢有咁好成績好戥佢開心。」

關心妍蕭正楠與Juno當年經常在公開活動上碰面。 — 蕭正楠與Juno當年經常在公開活動上碰面。（圖片來源：新傳媒資料庫）

攞獎後衰多口

蕭正楠2002年曾經在某《勁歌金曲》頒獎禮上力壓麥浚龍奪「新人獎-男金」，及後慶功宴上嚴重失言得罪麥浚龍，事後悔不當初，「當年真係唔覺得自己有錯，到後期發覺記者朋友唔係咁鍾意我，出親活動冇人同我做訪問，心諗搞乜呀，點解會咁樣嘅！」而令蕭正楠真真正正certified是在頒獎禮奪獎後一句「邪不能勝正」，暗指對方靠關係，其威力相等如蔡楓華的「一剎那光輝並不代表永恒」，說話的背後動機及過程，當事人早已解釋過。

為自己的錯作出總結

蕭正楠要為他此舉作出總結，只想到三個字：「衰戇居」。「好多人問我後唔後悔講過呢句嘢，我唔識答，因為說話出咗口冇得收番、邊有得畀我後悔。換個角度慶幸係我十幾年前瀨嘢，如果依家先講死得仲慘。其實有人想幫你，呢句可能係金句，如果人哋要整死你，呢句嘢就會令你永不翻身。」好明顯當年報道的人屬於後者，禍從口出付出極大的代價，慎言成為他日後的座右銘。