鍾柔美Yumi犯低級錯誤遭網民鬧爆！睇《Barbie芭比》影結局畫面兼打卡
廣告
TVB聲夢小花、女團After Class成員16歲的鍾柔美（Yumi）被網民鬧爆，究竟咩事？Yumi昨日（7日）去了戲院觀看大熱電影《Barbie芭比》，竟然在戲院銀幕畫面打卡，仲要係影結局位之餘tag埋華納兄弟，令網民不禁批評：「成個電影業畀Yumi搞彎晒啦！」
Yumi影住《芭比》結局打卡仲tag埋華納兄弟
大熱電影《Barbie芭比》唔少港人都爭住睇。鍾柔美Yumi都唔例外，昨日（7日）出story睇近期大熱電影《Barbie芭比》，點知竟然影住《Barbie芭比》最後結局的場口，表示心心，仲tag埋華納兄弟、《Barbie芭比》，認真大膽。事後Yumi似乎知錯已刪story，仲出多個story道歉。網民睇到眼都凸表示：「成個電影業畀Yumi搞彎晒啦！」、「唔識規矩」、「包場都唔可以咁樣啦」、「家下係咪係得返啲老土戲院會播任達華㗎啦」、「人品要幾差同IQ要幾低先會戲院做呢啲嘢」、「仲要tag埋發行係咩玩法」。不過有好多網民見Yumi即刻快手刪story道歉都認為細佬女唔識嘢啫：「細路女唔識嘢姐 又未夠18你想點樣啊」、「影幅相啫，又唔係盜錄」。
任達華：最高刑罰是監禁3個月同罰款港幣5萬元
近呢幾年少播咗「影帝任達華」，提醒觀眾在戲院內拍攝及錄影即屬違法，會被刑事檢控，最高刑罰是監禁3個月同罰款港幣5萬元！其實有唔少藝人都有犯過呢個錯！
百老匯電影中心叫過大家唔好再咁做
百老匯電影中心之前都喺Facebook出過post，指愈來愈多觀眾在戲院內拍攝，並將相片或片段上載至社交平台上，電影中心好心留言勸喻，但對方竟刪除留言當沒有事情發生，態度依舊。
重溫許廷鏗都影過《與神同行》
韓國大熱電影《與神同行》2017年在港上映時，許廷鏗亦有入場支持，作為演藝人的佢都竟然試過喺戲院打卡，還要IG出埋post：「人人都有錯，重點在於你有沒有勇氣，在還來得及的時候，面對自己的『後悔』」，他仲加上Hashtag寫道：「原諒我忍唔住影咗一張」。網友睇到後留言鬧爆，許廷鏗都即時刪除咗相片，改用劇照。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：i＠hui_alfred、facebook＠百老匯電影中心、百老匯電影截圖、反戲院盜錄宣傳片截圖資料或影片來源：原文刊於NewMonday
