鍾嘉欣高價回巢拍新劇《兒童醫院》 馬國明新劇感情戲份力壓大哥鄭嘉穎

影視娛樂

廣告

離巢三年的鄭嘉穎,落實返無綫拍新劇《兒童醫院》,原來該劇女一更令人充滿期待,無綫已斟掂婚後移居溫哥華生活的鍾嘉欣回歸演出。女神回歸,大家理所當然以為鄭嘉穎、鍾嘉欣劇裡演一對,咁就錯嘞!其實劇中同嘉欣發展感情線,是該劇另一男一馬國明,啱啱認戀湯洛雯人氣火熱的馬明,人逢喜事精神爽,去年升呢做無綫視帝後,事業愈戰愈勇,走勢凌厲吸金能力拍住無綫一哥陳豪,新劇被安排擔大旗,力壓「鐵馬大哥」鄭嘉穎,認真今時唔同往日!

原文刊於《東方新地》

《兒童醫院》演員陣容超強勁

醫療劇集近年大受歡迎,除了十一月開拍的《白色強人2 》,還有將於七月開拍的中港合拍劇《兒童醫院》,演員陣容更是超強勁,除了有近年進軍影壇的鄭嘉穎回巢,男主角還有馬國明及羅仲謙,而劇中兩位女主角亦好有份量,分別是婚後已經移居溫哥華,近年幾乎絕跡無綫的鍾嘉欣,另一位則是近年在ViuTV大放異彩,在劇集《瑪嘉烈與大衛系列 綠豆》及《歎息橋》備受好評的周家怡。

愛情得意的馬國明,今年事業亦大旺,近日趕為《 BB大晒》埋尾的他,七月又要投入拍攝新劇《兒童醫院》,擔演男一同鄭嘉穎分庭抗禮,不過馬明角色就同由加拿大返港回歸的鍾嘉欣有感情線,先贏聲勢。
愛情得意的馬國明,今年事業亦大旺,近日趕為《 BB大晒》埋尾的他,七月又要投入拍攝新劇《兒童醫院》,擔演男一同鄭嘉穎分庭抗禮,不過馬明角色就同由加拿大返港回歸的鍾嘉欣有感情線,先贏聲勢。
離巢無綫三年的鄭嘉穎,因疫情關係內地工作停晒,加上為方便留港照顧妻兒,終決定回巢無綫拍劇賺奶粉錢。
離巢無綫三年的鄭嘉穎,因疫情關係內地工作停晒,加上為方便留港照顧妻兒,終決定回巢無綫拍劇賺奶粉錢。
已移居溫哥華的鍾嘉欣,被無綫力邀回巢擔演新劇《兒童醫院》兒科醫生,由於該劇是中港合拍劇關係,據知嘉欣酬勞相當可觀。
已移居溫哥華的鍾嘉欣,被無綫力邀回巢擔演新劇《兒童醫院》兒科醫生,由於該劇是中港合拍劇關係,據知嘉欣酬勞相當可觀。
啱啱先在ViuTV《歎息橋》演出獲好評的周家怡,亦以部頭約回巢無綫,在《兒童醫院》擔演女二。
啱啱先在ViuTV《歎息橋》演出獲好評的周家怡,亦以部頭約回巢無綫,在《兒童醫院》擔演女二。

鍾嘉欣300萬回歸 獲度身訂造角色

今次鍾嘉欣回歸,據知酬勞相當優厚,對於有傳更高達300萬,嘉欣亦未有否認,雖然18年鍾嘉欣曾客串劇集《再創世紀》,不過當時無綫專登移船就磡,將鍾嘉欣戲份全安排在溫哥華拍攝,但今次鍾嘉欣佔戲極重,需要留港開工四個月。據知情者透露:「因為嘉欣老公喺溫哥華係脊醫,嘉欣結婚之後,都將生活基地搬返去溫哥華,佢好緊張家庭,即使仲好享受工作嘅滿足感,但為咗照顧一對仔女,放下事業,只揀啲唔太困身嘅工作先做,好似拍廣告或者出活動、登台咁。不過,今次無綫邀請嘉欣復出好有誠意,套劇嘅監製方俊華,以前編導過嘉欣的《溏心風暴之家好月圓》、《公主嫁到》,大家合作慣晒,而無綫今次畀嘉欣嘅酬勞仲超高,角色又為嘉欣度身訂造,好有發揮,劇中嘉欣飾演兒科醫生,會同一班小朋友合作,對於做咗媽咪嘅佢,會係幾大挑戰!」

落實復出回港幫無綫拍《兒童醫院》的鍾嘉欣,近期更狀態大勇,不過要留港四個月拍劇,相信到時嘉欣最掛住肯定係一對寶貝仔女。
落實復出回港幫無綫拍《兒童醫院》的鍾嘉欣,近期更狀態大勇,不過要留港四個月拍劇,相信到時嘉欣最掛住肯定係一對寶貝仔女。
嘉欣一對仔女分別是歲半兒子 Jared及三歲半女兒 Kelly。
嘉欣一對仔女分別是歲半兒子 Jared及三歲半女兒 Kelly。

馬國明十三度演醫生 感情戲份力壓大哥鄭嘉穎

不過,女神鍾嘉欣回巢,劇中並不是與鄭嘉穎演一對,今次嘉欣與馬明演情侶,羅仲謙在劇中則是暗戀嘉欣,至於鄭嘉穎就與周家怡演夫婦。據幕後人員透露:「馬明形象健康討好,上年攞埋視帝之後,人氣同走勢大好,已經拍住無綫一哥陳豪,公司好睇重佢,今次套劇更安排佢孭重飛,雖然套劇係雙男一,但感情主線都落喺佢同嘉欣度,個勢明顯騎住鄭嘉穎!」正所謂「十年人事幾番新」,大家身邊另一半都唔同咗啦!地位人氣話變就變!

「馬湯戀」公開後,獲身邊好友及粉絲一致支持!而啱啱認戀靚湯的馬國明,戲裡戲外都咁好艷福,在新劇《兒童醫院》又被安排戀女神鍾嘉欣。
「馬湯戀」公開後,獲身邊好友及粉絲一致支持!而啱啱認戀靚湯的馬國明,戲裡戲外都咁好艷福,在新劇《兒童醫院》又被安排戀女神鍾嘉欣。
馬明、鍾嘉欣未曾在劇集真正合作過,不過11年馬明曾客串《點解阿Sir阿sir》,在結局篇出現過一幕,網民當時已大讚他同嘉欣好合襯。
馬明、鍾嘉欣未曾在劇集真正合作過,不過11年馬明曾客串《點解阿Sir阿sir》,在結局篇出現過一幕,網民當時已大讚他同嘉欣好合襯。
鄭嘉穎與馬國明因拍《鐵馬尋橋》成好兄弟,去年馬明臨近約滿,嘉穎更教馬明續約要吊高嚟賣,想不到近日他卻回巢無綫,更同馬明十年後再合作拍劇。
鄭嘉穎與馬國明因拍《鐵馬尋橋》成好兄弟,去年馬明臨近約滿,嘉穎更教馬明續約要吊高嚟賣,想不到近日他卻回巢無綫,更同馬明十年後再合作拍劇。
出道二十年的馬國明,多年來同視帝獎項擦肩而過,直至去年先打破宿命,憑《白色強人》封帝。
出道二十年的馬國明,多年來同視帝獎項擦肩而過,直至去年先打破宿命,憑《白色強人》封帝。
除了在七月開拍的《兒童醫院》演兒科醫生,馬國明11月亦會投入拍攝《白色強人2》,劇中更會與唐詩詠及胡定欣搞三角戀,而他在無綫劇集已是十三度演醫生角色。
除了在七月開拍的《兒童醫院》演兒科醫生,馬國明11月亦會投入拍攝《白色強人2》,劇中更會與唐詩詠及胡定欣搞三角戀,而他在無綫劇集已是十三度演醫生角色。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地