金宵大廈2大結局｜李施嬅對TVB安排有微言 不留後路拒拍《金宵3》
廣告
《金宵大廈2》今周大結局，女主角李施嬅因為免疫系統出現問題而要停工半年，開始時未有公開現身宣傳活動，只能在網上幫手打氣，雖然後來現身宣傳，不過無約在身、講句說話都寧舍少負擔，尤其係上周李施嬅接受鄭裕玲商台節目《口水多過浪花》的線上訪問，談及拍攝《金宵大廈2》的難處，直言開拍時「收唔齊劇本」，甚至「拍拍下先知有第3個角色」⋯⋯
李施嬅感壓力大、拒拍《金宵3》
《金宵大廈2》女主角李施嬅上周接受鄭裕玲（Do姐）主持《口水多過浪花》網上訪問，先交代健康近况，她透露甲狀腺問題已康復，但雙眼因免疫系統問題，現在接受多種治療。之後李施嬅被Do姐問到是否滿意《金宵大廈2》的演出？施嬅竟然一度猶疑hang機，之後就坦言今次演出「未達到要求」，呻開拍時收唔齊劇本，只能邊拍邊做，她更一度擔心準備唔切，怕同山聰對戲有混淆。
李施嬅對安排有微言 角色設計欠時間
施嬅又表示一日要連拍六、七場戲，還要兼顧設計三個角色的外表、節奏及語氣「都幾癲」，Do姐續問：「劇本咁遲出嘅咩？」，李施嬅說：
「係呀估唔到，開鏡時只有三、四集劇本，要拍拍下先知有第3個角色，好多準備工夫都做唔到。」
至於問到施嬅會否希望開《金宵3》？她認為兩集已經足夠，拒拍第三集：「《金宵大廈》反應好好，所以無論監製、編審同新加入嘅演員都好大壓力，搵其他新嘢玩啦，唔好咁大壓力」。
婚禮無期照認係「車太 」
去年2月李施嬅接受圈外男友Anson Cha的求婚，施嬅在節目上亦表示由於疫情關係，婚禮無奈要延期：「香港一日要隔離一日都唔會舉行住，因為我嘅家人喺世界各地，唔駛等疫情完，但至少唔需要隔離先。」不過施嬅直言不心急：「既然大家都認定對方，Party幾時搞都冇所謂啦！依家好多人叫我做『車太』，冇所謂，我都當咗自己係，簽字只係一個儀式。（想家人齊齊見證？）係呀，媽咪喺加拿大，冇理由婚禮媽咪唔出席。」至於會否考慮生小孩？施嬅直認很喜歡小朋友，但會順其自然，又礙於現在身體出現毛病，正在進行類固醇治療，甲狀腺亦有問題，所以現階段一定不可以懷孕，不能勉強，會先鍛鍊好健康體魄。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
