金像獎2023｜一文重溫尷尬位 凌文龍頒錯獎勁尷尬 「漏口」胡楓慘被硬CUT
廣告
每年金像獎嘅花生精華片段都唔少，今年都唔例外精彩不絕，就等我哋一文回顧吓今年要點！首先網民狠批林家謙同埋Serrini跳舞完全災難級，表演持續20分鐘騎劫金像獎；麥浚龍罕有露面現身頒獎，狂曬Gucci貴價手袋令人猜測背後動機；談善言同凌文龍頒獎禮甩轆，以為得獎者冇到場，搞到好鬼尷尬…
網民：林家謙跳舞真係災難
表演頭炮有林家謙拍住serrini載歌載舞唱成20分鐘，但似乎成效麻麻，網民大嘆頂唔順，有網民留言：「家謙跳舞真係災難！」
型佬麥浚龍潮爆帶貴手袋登場頒獎似賣廣告
JUNO罕有任頒獎嘉賓，帶埋Gucci手袋上台「賣廣告」，價錢款式被起底，據知該為「Gucci Diana 」系列竹節黑色小型手提包，價值HK$40,500，絕對高檔野！有網民指：「我以為佢會頒埋個袋畀人！」
Gucci袋價錢大公開 網民好奇背後原因
不少網民都對Juno的黑色Gucci手袋極感興趣，其實他手執的名牌袋是Gucci今年的新款，袋身以黑色皮革為主，而手袋的手柄則巧妙地選用了木手柄，價值$40,500，造型設計的確十分特別！而網民亦對Juno大搖大擺手持這個手袋上台的背後原因感到十分好奇，有指Juno因為受品牌方贊助而高調帶著手袋上台，獲網民大讚Juno是一個盡責的代言人，將手袋帶到台上最當眼的位置搏足出鏡率！
凌文龍談善言誤以為無人領獎 頒獎甩轆勁老尷
凌文龍談善言擔任金像獎頒獎嘉賓，惟於頒發最佳動作設計時，誤以為其中一位得獎者缺席頒獎典禮，故代為領獎。惟及後發現得獎者原來有到場，此時正叫出下兩名頒獎嘉賓，登鏡頭時停頓，場面尷尬。及後者上台領獎，談善言凌文龍面露尷尬笑容，離開舞台。
Viutv勁cut嘉賓感言時間胡楓韋家輝都走唔甩
今年由ViuTV轉播香港金像獎，但ViuTV似乎承襲大台cut人感言時間嘅做法。韋家輝講感言未講完就俾人cut咗去廣告，連大前輩胡楓講完感言之後，想起舞都一樣冇面俾照cut，可見ViuTV真係一視同仁！不過ViuTV眼見頒獎禮超時，都有出下字幕提觀眾接下來節目會順延播放，唔似以前其他電視台轉播，一於無理直接cut走去廣告或者播自家節目，好彩最後頒獎禮都係超時10分鐘完成。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
