重案解密｜陳苡臻Jessica上TVB即慘遭碎屍 女神演妓女網民反應兩極
《重案解密》何嘉莉冷血虐殺Jessica全過程曝光
今晚播出的《重案解密》「公仔頭藏屍案」單元中，陳苡臻飾演的曾家敏因與已婚男張瑞年（楊潮凱飾）有染，慘遭正室周楚君（何嘉莉飾）盯上。何嘉莉先係勒索Jessica，之後更對佢施以極度殘忍的虐待——掌摑、拳打腳踢、用棍毆打，最後更施以致命一擊「爆樽」！殺人後何嘉莉仲淡淡然同楊潮凱講已經搵人碎屍，並將Jessica的頭顱放入公仔內，全程冷靜到令人毛骨悚然。何嘉莉完美演活呢個冷血角色，由出道時的玉女形象大變身成為極度變態的殺人狂，演技獲唔少觀眾認可。
Jessica貼劇照令人心痛
Jessica在社交平台貼出高清劇照，並直言在劇中主要都係負責俾人打，相片中的她傷痕累累令人心痛，她留言：「距離《重䅁解密》的拍攝剛剛好一年，曾家敏這個角色終於跟大家見面，第一次挑戰如此多hardcore的動作場面（主要負責被人打），感謝劇組和兩位前輩對手的專業令效果更加逼真，大家可以數一數我總共被摑了多少次(?)最後感謝劇照師，很想說我很喜歡這些劇照，拍攝時甚至沒有為意附近有相機對著自己。這些照片來得如此真實，原來這就是我當演員時投入的樣子。」
Jessica早前已登TVB《J Music》唱新歌
其實今次並非陳苡臻首度現身TVB，早前佢已經上過音樂節目《J Music》演唱個人單曲《擊敗99%》。呢首歌由黃偉文填詞、T-Ma監製，係Jessica正式以歌手身份出道的作品。從YouTuber轉型為派台歌手，再登上傳統電視台宣傳，顯示佢正逐步由網絡世界進軍主流娛樂圈，發展路線越來越廣闊。
網民熱議：女神演妓女角色反應兩極
Jessica首度亮相TVB就飾演如此大尺度角色，網民反應相當兩極。有網民直言「人地係試當真女一，TVB咁鍾意迫人做雞」，亦有人讚佢「最靚妓女」、「咁靚女慘被人殺害！分屍發臭！Rip」。部分網民對佢喺TVB高清鏡頭下的表現表示認可，留言「陳苡臻，唔錯」、「幾靚女」。不過亦有人質疑佢點解要上TVB，有網民話「可惜去咗TVB」，甚至有人直言「Cheap哂，實在諗唔明佢係古生公司啲人點解要上TVB，冇job做咩？」。無論評價如何，Jessica呢次大膽轉型確實成功引起全城關注，證明佢為咗突破自己真係可以去到好盡。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
