醜女挖鼻成Icon 如花李健仁中風開腦保命

影視娛樂

廣告

星爺周星馳曾經捧紅唔少演員,「如花」李健仁係其中一個,扮醜女挖鼻成為佢嘅招牌造型,更殺出血路喺國內市場非常受歡迎,去年59歲嘅如花不幸喺深圳中風,及時開腦保住條命仔,但右邊身癱瘓及失語,至今仍在休養中。

原文刊於《東方新地》

中風後局部失憶

周星馳愛將「如花」李健仁早前在深圳中風,更有指李健仁半身癱瘓及失語!
周星馳愛將「如花」李健仁早前在深圳中風,更有指李健仁半身癱瘓及失語!
據知中風後如花體重急跌,現在留港休養。
據知中風後如花體重急跌,現在留港休養。

如花李健仁曾經係星爺愛將之一,近年轉戰大陸拍劇,一直身體壯健,去年喺深圳同朋友焗桑拿期間突然頭痛暈倒,由助手送院搶救,證實中風,雖然即時做咗開腦手術保住條命仔,但受中風影響右邊身癱瘓而且一度講唔到嘢,最後佢選擇返香港繼續就醫。

李健仁日前更新微博報平安。
李健仁日前更新微博報平安。
李健仁與太太育有兩女一子,一家五口好幸福。
李健仁與太太育有兩女一子,一家五口好幸福。
李健仁一家人關係非常之好,除了有太太悉心照顧,仔女們亦不時想方法逗佢開心,希望能給予爸爸正能量,努力去做唔同治療,早日康復。
李健仁一家人關係非常之好,除了有太太悉心照顧,仔女們亦不時想方法逗佢開心,希望能給予爸爸正能量,努力去做唔同治療,早日康復。

田雞(田啟文)證實如花於去年出事,仲話有去深圳醫院探過佢,雖然如花認得田雞,但始終開過腦,有啲嘢都係唔記得,講嘢就一時好順,有時會窒吓窒吓,之後如花返咗香港屋企休養,有做物理治療。田雞仲爆如花出事後經濟上肯定有壓力同困難,仲話想集合啲師兄弟,睇吓可以點樣幫佢籌款,可惜近半年因為疫情影響,未有再跟進。

當年李健仁喺銅鑼灣開樓上名牌店,多位師兄弟包括田雞與黃一飛都到賀。去年李健仁中風出事,田雞更曾到醫院探望。
當年李健仁喺銅鑼灣開樓上名牌店,多位師兄弟包括田雞與黃一飛都到賀。去年李健仁中風出事,田雞更曾到醫院探望。

消息傳出後,李健仁太太亦接受訪問表示丈夫正在康後中,如花亦更新微博公開報平安,並轉載內地關於他病情的報導,他留言:「我會加油恢復,早日回到熒幕前,大家掛念了,感恩。」李健仁所屬的內地公司亦留言:「仁哥目前在平穩恢復中謝謝大家關心。」

近年轉戰國內市場,如花無論拍劇定登台都好受歡迎。
近年轉戰國內市場,如花無論拍劇定登台都好受歡迎。
上綜藝節目,如花都係繼續扮女人。
上綜藝節目,如花都係繼續扮女人。

星爺帶挈入行

李健仁同周星馳係中學同學,二人識於微時關係好,之後更由星爺帶入行。
李健仁同周星馳係中學同學,二人識於微時關係好,之後更由星爺帶入行。
李健仁同星爺合作無間,係星爺其中一愛將。
李健仁同星爺合作無間,係星爺其中一愛將。
李健仁經常喺星爺嘅電影做婦,「如花」這個暱稱亦因此而來。
李健仁經常喺星爺嘅電影做婦,「如花」這個暱稱亦因此而來。
加上用手指尾挖鼻嘅招牌動作,令如花成為經典。
加上用手指尾挖鼻嘅招牌動作,令如花成為經典。

 

如花同星爺係中學同班同學,89年經星爺介紹當幕後場記,後任攝影助理、副導演及製片等。92年李健仁男扮女妝客串《武狀元蘇乞兒》出位,招牌動作是用手指尾撩鼻,之後扮上癮喺《唐伯虎點秋香》、《國產凌凌漆》、《食神》等表現突出成功令觀眾留下深刻印象,當年佢喺《九品芝麻官》飾演角色叫如花,呢個暱稱就跟足佢咁多年。

李健仁喺眾多演出中,最「靚仔」一次應該係《百變星君》中嘅王小虎一角。
李健仁喺眾多演出中,最「靚仔」一次應該係《百變星君》中嘅王小虎一角。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地