雪櫃冷笑話｜「鄭秀文跑步」Sammi出題自嘲身材 謎底笑爆全場
廣告
鄭秀文（Sammi） 最近為主演的電影《流水落花》落力宣傳，現身小薯茄的《雪櫃冷笑話》第337集，繼古天樂、鄭伊健、梁詠琪後又一90年代巨星作客席嘉賓！今次Sammi 出了一條被譽為「歷來最爆」的經典IQ題，有番咁上下年紀的網民應該一估就估到，其實Sammi心胸好廣闊，仲好玩得！
Sammi鄭秀文首次現身《雪櫃冷笑話》
Sammi鄭秀文近年喜歡與後輩合作，今次首次上小薯茄的《雪櫃冷笑話》，當然要有準備啦！雖然呢日麗英缺席，仍有阿J、童童與一眾小薯茄成員撐場，場面總算熱鬧，Sammi一開始就好冷靜咁講：「鄭秀文跑步，估一個男藝人嘅名」。
Sammi出題「鄭秀文跑步」 現場靜過太空
Sammi出題後，一眾小薯茄成員靜晒，有人你眼望我望，亦有人在忍笑，看來就算知道答案都唔敢大聲叫出來。
Sammi自問自答 全場O嘴
最終由Sammi自問自答，做埋動作扮跑步，並講出答案是吳鎮宇(唔震乳)，Sammi的演繹真係好鬼馬，謎底揭開後，童童等人即O嘴大叫，阿J話大家都唔敢俾分，Sammi笑到反白眼，仲面都紅晒講咗聲「喂！好唏噓呀！」
網民大讚Sammi有氣度
Sammi連自己的身材都可以當笑話講，引來網民熱討，不少人大讚她為人有氣度，完全冇諗過Sammi會親自演繹呢個笑話，完全不介意自嘲，更甚是有網民話「仲爭李嘉欣返出來講我真係恭喜你」。
鄭秀文客串小薯茄劇場｜【夢想成真】鄭秀文係我老母
如果畀個願望你，可以任意換走一個人，你會揀邊個？俾我揀多次我都會揀Sammi 做我媽媽，因為佢做媽媽真係好有愛。搞笑劇場之餘，亦順道宣傳Sammi主演的新電影《流水落花》，即將於3月2日上映！
梁詠琪現身小薯茄：「盡情愚弄我『爸』」
小薯茄的IG近年不乏巨星參與，月前就有梁詠琪為宣傳演唱會現身，片段中她問阿冰：「我哋邊一個家庭成員，係最玩得嘅呢？」跟住她就公開答案係：「爸爸！因為：盡情愚弄我『爸』～」面對呢個冷笑話，阿冰似乎笑得好勉強，童童更只係畀得1分！
重溫鄭伊健、古天樂、鄧麗欣仲有陳柏宇嘅第15季雪櫃冷笑話！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
