鄭嘉穎四年抱三BB六歲大即攞樂悠咭！盤點娛樂圈13位高齡爸爸 年紀最大81歲

盤點圈中高齡爸爸

1）鄭嘉穎攞樂悠咭 三仔6歲

現年53歲的視帝鄭嘉穎，於2018年迎娶比他細22歲的港姐冠軍陳凱琳，之後在2019年及2020年先後誕下大仔鄭承悅（Rafael）及二仔鄭承亮（Yannick），近日又宣布懷上第三胎。在大仔出世時，鄭嘉穎已49歲，但仍有心有力，到現在53歲，更四年抱三，待第三胎BB出世，並長大到6歲，鄭嘉穎就滿60歲，可以申請攞樂悠咭。

2）黃澤鋒攞樂悠咭 小黃妃8歲

現年55歲的資深藝人黃澤鋒於2012年離巢無綫後成為演藝自由人，同時又是游泳教練及泰拳教練，更做埋泰拳拳證及裁判，非常多才多藝！他與太太陳麗麗在2010年結婚，喜愛小朋友的二人在努力9年後，終於在2019年成功懷孕，誕下女兒黃𤋮恩（小黃妃），可謂「願望成真」！當時黃澤鋒直言知道老婆在52歲之齡才懷孕，犧牲很大，故會比以前更無微不至地照顧她，實在是好老公！5年後，黃澤鋒到60歲攞樂悠咭，小黃妃也只是8歲大。

3）黎明攞樂悠咭 囡囡9歲

現年55歲的黎明自從2012同樂基兒離婚後，2017年同女助手Wing Chan結婚，翌年4月，阿Wing早產一個月誕下五磅B女，之後黎明曾公開女兒容貌，B女擁有單眼皮及小嘴仔，面容肥嘟嘟，網友紛紛大讚BB女好可愛，仲同黎明細個時好似樣，有如「迷你版黎明」！5年後黎明60歲，黎明囡囡也只是9歲大，兩父女出行一個拎樂悠咭，一個拎小童咭，享盡搭車優惠。

4）陳小春攞樂悠咭 Jasper 14歲

現年55歲的陳小春同老婆應采兒在2010年結婚，2013年誕下大仔Jasper，2020年他53歲之時再誕下細仔Hoho。陳小春經常參與內地綜藝節目，仲曾經同Jasper一齊拍節目《爸爸去哪兒》，大受內地觀眾喜愛。陳小春在《爸爸去哪兒》入面一開頭對Jasper好嚴厲，但係後來收到老婆下令唔可以咁惡對囝囝之後，都睇得出小春收斂咗。5年後陳小春60歲攞得樂悠咭時，Jasper都只係14歲，而Hoho則是7歲。

5）蘇永康攞樂悠咭Jazz 10歲

99年人稱 「阿公」的蘇永康與新加坡女友馮麗清結婚，四年後離婚更搞到不歡而散，2014年與任職時裝行業嘅女朋友馮翠珊再婚，今次同聲同氣志趣相投終於開花結果，2017年3月，49歲蘇永康喜獲麟兒，取名Jazz，現時Jazz已5歲大，網友仍不時催蘇永康再生多個，給Jazz作伴。蘇永康到60歲攞樂悠咭時，Jazz都只係10歲大。

6）郭富城拎樂悠咭 囡囡8歲

現年57歲的郭富城於2017年4月同方媛（Moka）結婚，同年9月Moka誕下女兒Chant，2019年4月，再誕下細女Charlotte。今年10月，郭富城就在社交網分享同老婆囡囡的一家四口慶生照。郭富城一向十分保護兩個愛女，早前與家人在餐廳用餐後被偷拍，他也曾當場發火，身體力行保護妻女。今次他就用個兩個公仔遮住囡囡正面樣，相中兩個囡囡雖然相差約1歲半，但穿著同樣的紅色外套和金色裙仔，並頭戴一樣王冠，十足孖公仔一樣！3年後郭富城就可以拎樂悠咭，屆時兩個囡囡都只係分別8歲和6歲。

7）呂方攞樂悠咭 囡囡4歲

九十年代，呂方與鄭裕玲展開長達十六年嘅愛情長跑，一直公開表示有不婚、不生育共識。估唔到前年初突然被爆與拍拖七年嘅女友Rainbow 秘婚，太太更已經懷有五個月身孕，同年八月，囡囡出世，當年56歲的呂方正式宣布做老竇。到囡囡4歲大時，呂方已達60歲拎得樂悠咭。

8）61歲劉德華 囡囡10歲大

現年61歲的劉德華已拎得樂悠咭！他曾與朱麗倩秘密拍拖23年，後終於因為出席岳父喪禮驚爆秘婚，在2012年，劉德華以51歲之齡，與太太朱麗倩誕下女兒劉向蕙（Hanna），當年朱麗倩亦已46歲高齡產女夠晒勇，女兒向蕙今年已10歲大。

9）62歲李子雄 被志偉踢爆老來得子

現年62歲的李子雄歷過兩段婚姻，1993年與同為演員的方曉虹結婚，育有一子，惟最終離婚收場。直至2010年，李子雄迎娶細佢23歲、有「回族第一美女」之稱的內地藝人王雅琦（原名法提麥·雅琦），2018年59歲的李子雄被老友曾志偉踢爆老來得子，太太為他誕下兒子「糖豆」（Kyle），有心有力做高齡爸爸！

10）64歲爾冬陞 老來得女好震驚

現年64歲的爾冬陞，2018年被踢爆老來得女，與圈外女友育有一個已兩歲大的囡囡，即是女兒出世時，他已有58歲，他自己表示最初曾接受不到事實，感覺好震驚：「睇住個女令我有驚喜，重新學習好多嘢！」並計劃安排女兒來港讀書。

11）75歲姜大衛 孻仔與大女差21歲

入行五十多年的姜大衛，現年已75歲，育有兩女一子，當年他在48歲之齡再做爸爸，與太太李琳琳生下孻仔姜卓文，孻仔與大女依蘭年齡相差21年，現年27歲的卓文一直有意入行，曾在2019年參加過《全民造星2》，今年更有份參演TVB劇《青春不要臉》，不過只係飾演劇中一個小角色，戲份不多。

12）60歲杜德偉 變身慈父

九十年代紅極一時，曾經同吳君如、名模周汶錡拍過拖，2012年杜德偉與年輕24年嘅攝影師女友李曉冰結婚，婚禮有老死梁朝偉做兄弟、岳父50歲同自己同齡夠晒話題。2016年兒子 Alex Junior出世時，杜德偉已經年屆55歲，近年搖身一變成慈父，更自爆一直同老婆努力追多個。

13）83歲劉詩昆 請6家傭湊女

83歲國寶級鋼琴家劉詩昆前年打破賭王何鴻燊78歲做爸爸的紀錄，以81歲之齡再做爸爸。他第三任太太「琵琶公主」孫穎在美國為他誕下的女兒「貝貝」劉蓓蓓也即將兩歲，劉詩昆夫婦早前就邀請了幾位好友到家中作客，除了意外令豪宅曝光外，更發現佢兩公婆請6個保姆幫手湊女，陣容相當誇張！