鄧麗欣難忍相思之苦王子捱隔離監秘密來港百密一疏被…出賣？

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Apr 14 2021

鄧麗欣去年因疫情關係，與台灣男友王子（邱勝翔）被迫分隔兩地，情人節、生日、聖誕節都不能相見，鄧麗欣農曆年出席活動時，還指與男友已十個月未見，只能夠靠視訊維繫感情，原來早前王子為見一面，不惜來回捱隔離監，秘密來港會鄧麗欣，最愛隔空放閃嘅佢哋，未有晒合照，更對王子來港行蹤保密，最後竟然被鄧麗欣愛犬年糕出賣了﹗

撰文：東方新地 | 圖片：StephyIG、王子IG

鄧麗欣王子隔離 — 鄧麗欣日前出席活動時，例牌被問及男友王子，Stephy都話好耐冇見男友。

鄧麗欣和王子拍拖兩年多，正在熱戀期中去年卻因疫情，被迫分隔兩地，鄧麗欣坦言二人只能靠電話傳情，曾放話指希望男友在其新戲上映時來港欣賞，在台灣的王子同時被追問與鄧麗欣分開，會否考慮飛去香港會面時，王子好肯定答：「大家都有工作在身，而且來回兩地都要隔離，暫時未有這個安排。」原來王子早已安排秘密來港探女友。

早前王子著上自家製潮服在一個大露台影了一輯照片，還好心情留言「把握好天氣，連三天天晴，喜歡這感覺」，而鄧麗欣也穿上王子的潮牌，背後同樣是大大片藍天，粉絲還以為他們又隔空傳情，原來當時王子正在鄧麗欣的大埔寓所，二人沒有將揚，更刻意保密，而鄧麗欣每次po相都相當小心，以免被識穿﹗不過最後卻被其愛犬年糕「出賣」，Stephy最近貼了一張年糕在露台的長椅上曬太陽，與之前王子身處的大露台背景相同，原來王子於去年十二月尾秘密來港，與女友迎接2021年，甜到爆。

早前王子穿上自加品牌Princestar影大後背，指在曬太陽，原來是在曬愛，因為掌鏡原來是女友鄧麗欣，當時秘密來港探女友。 — 早前王子穿上自家品牌Princestar影大後背，留言表示在曬太陽，原來是在晒愛，因為掌鏡是女友鄧麗欣，當時王子秘密來港探女友。

王子站在的大型露台背景正是鄧麗欣大埔寓所屋苑，而地板、玻璃、以至長椅，都與鄧麗欣愛犬年糕的背景一模一樣。 — 王子站在的大型露台背景正是鄧麗欣大埔寓所屋苑，而地板、玻璃、以至長椅，都與鄧麗欣拍攝愛犬年糕的背景一模一樣。

鄧麗欣向來甚少把寓所內貌公開，這次只為拍低愛犬年糕曬太陽歎世界，竟「出賣」了自己。

台灣解封即飛港

王子秘密來港見鄧麗欣，知情者透露：「雖然疫情但王子同Stephy嘅工作都無停過，台灣又一度封關，大家都飛唔到去見大家，直至12月台灣對香港解封，香港飛台灣只需七天家居檢疫，只要沒有出現病徵都可以如常出外，只規定一定要戴口罩，所以王子即把握時機嚟香港見Stephy，台灣嚟香港須要家居隔離十四日，王子嚟香港就住喺Stephy度進行家居隔離，就係咁縮短咗疫監，佢兩個先見到面咋﹗」

王子在Stephy家中接受十四日家居隔離，在寓所範圍都戴上口罩，緊守防疫措施。 — 王子在Stephy家中接受十四日家居隔離，在寓所範圍都戴上口罩，謹守防疫措施。

鄧麗欣曾在露台影美照，木地板及石春與王子背景一樣，以為不同時期出po無人會發現，真失策﹗ — 鄧麗欣曾在露台影美照，屋苑、木地板及石春與王子背景一樣，以為不同時期出po無人會發現，真失策﹗

無限隔空放閃

鄧麗欣和王子被爆戀情後大方認愛，而且愛得高調又甜蜜，不時隔空放閃，在今年正月十五元宵節，鄧麗欣貼出與王子對望的剪影，焦點在滿月上，不過王子卻自我篤爆，留言問為何被cut走？

王子令Stephy唔准剪短髮

日前Stephy貼出剪頭髮相，並留言指短髮，王子大為緊張立即留言：「不要鬧啊﹗」事後Stephy表示男友王子在拍拖初期已明言要求女友留長頭髮，Stephy口中雖說：「我真係好想試吓剪短﹗」不過最後都係乖乖聽男友話，真係甜到漏﹗

Stephy剪頭髮，嚇得王子留言：「不要鬧啊﹗」 — Stephy剪頭髮，嚇得王子馬上留言：「不要鬧啊﹗」

鄧麗欣、王子隔空傳情甜到漏

Stephy鄧麗欣入行以來兩段情最為人熟悉，同方力申分手之後就同細自己五年嘅台灣藝人邱勝翊 (王子)相戀，18年被爆戀情的的Stephy，為冧王子不停送厚禮外，更幫口引薦工作畀男友，唔介意情侶檔賺錢，令入行12年的王子終於升呢有得踏足歐洲大地﹗Stephy更愛到去台灣開飲品店及投資買樓，真係愛到發燒﹗之前Stephy仲為男友品牌衛衣喺IG賣廣告，獲得男友留言讚靚，閃爆網友對眼喇!

「老闆娘」梗係唔會放過任何一個賣廣告嘅機會啦，仲搵埋媒人應采兒著上衛衣影相㖭﹗

帶挈處男歐遊鄧麗欣厚禮冧王子

一個鐘機程往返台灣香港又算得係咩異地戀？有心又夠癡纏，就可以好似 Stephy 同王子呢對一樣，幾忙都實攝到位會一會，疫情前二人不時飛去見大家。雖然脫離方力申後演技戲路大躍進，戲接戲檔期排到密麻麻，Stephy 一樣有能耐製造機會同王子見面，拍拖初，王子飛到香港陪過七夕，之後 Stephy 被傳媒影到人肉速遞上王子寓所，到九月踏進巴黎時裝周，一樣無阻牛郎織女飛去歐洲拍番一個星期拖﹗

姐姐帶挈升呢

出道18年，Stephy形象正面，尤其近年戲路擴闊更被提名金像影后，所以一向深受各大時裝品牌喜愛，年年巴黎、米蘭時裝節一定被奉為上賓受邀到當地睇騷參與活動。當時撞正公布新戀情，亦都一手促成新歡掹車邊有得去歐洲睇埋一份：「王子知名度喺台灣同內地雖然唔錯，但係始終拍劇都係偶像劇、台客本土味濃，除咗當地年青品牌，真係未試過同咩國際大牌有合作。今次被 Stephy 認愛真係幫咗佢人氣唔少，而且 Stephy成日會買禮物畀王子，又幫手出吓主意轉吓形象洗甩陣台客除，今次有得去法國都係Stephy提議同幫手拉攏，身邊朋友都覺得今次 Stephy 拍拖完全唔同以前咁內向，專登放閃似係想幫王子一把﹗」王子靠女友升呢， Stephy 重拾戀愛感覺，各取所需，難怪一拍即合。