郭可盈 萬千星輝頒獎典禮
郭可盈 萬千星輝頒獎典禮

52歲郭可盈獲多間網媒勁讚保養得宜零皺紋 網民頂唔順狠批:好似Do姐2.0

影視娛樂

廣告

郭可盈早前驚喜現身TVB《萬千星輝頒獎典禮2022》,重返娘家老友聚舊本是開心事,自然成為不少傳媒報道的焦點,但多間網媒不約而同都以高清近照吹捧她保養得宜、臉上光滑零皺紋,結果適得其反,每次出Post都得到網民大量派「哈哈」及留言表示質疑,在事發三日後,更有網絡KOL睇唔過眼,質問是否別有用心!

郭可盈 萬千星輝頒獎典禮 郭可盈 久未露面的郭可盈早前現身TVB頒獎典禮,殘爆面貌嚇親一班網民,相反今年已經66歲的呂良偉依然保養得非常好,皮膚緊緻過一班小生!
久未露面的郭可盈早前現身TVB頒獎典禮,殘爆面貌嚇親一班網民,相反今年已經66歲的呂良偉依然保養得非常好,皮膚緊緻過一班小生!(圖片來源:微博@郭可盈)

郭可盈重返TVB 獲媒體連環追捧歌頌 網民質疑用心不良

相隔13年重返TVB娘家的郭可盈,在各大網媒的標題和評語中,不斷被讚「保養得宜」、「皮膚緊緻零皺紋」、「狀態極佳」、「個樣真係冇咩變化」、「狀態更勝以前」、「極有仙氣」、「皮膚白滑狀態驚人」等,不過「識睇梗係睇留言」,網民都紛紛猜測其實各大傳媒都係玩緊「曲線」踩郭可盈。

郭可盈 萬千星輝頒獎典禮 郭可盈 網民對各大傳媒的報道,反應大多是爆笑同O嘴,亦有網民認為小編玩緊「曲線」,因而畀Like。
網民對各大傳媒的報道,反應大多是爆笑同O嘴,亦有網民認為小編玩緊「曲線」,因而畀Like。(圖片來源:FB@香港01)
郭可盈 萬千星輝頒獎典禮 郭可盈
有網媒為點擊大讚「真係keep得好好呀!」得到過千回應呼籲驗眼。(圖片來源:FB@Yahoo Style Hong Kong)
郭可盈 萬千星輝頒獎典禮 郭可盈
關於「保養得宜」,有媒體避重就輕將重點放到「Fit爆身形不輸全盛期」,討論度相對較少。(圖片來源:FB@HK港生活)

有部分網媒仲分享郭可盈的保養大法!

郭可盈 萬千星輝頒獎典禮 郭可盈
這篇網編點評為「狀態好好」,並用「皮膚緊緻零皺紋」作為切入點;置頂留言係「52歲黎講,佢真係好老囖」。(圖片來源:FB@ToPick新聞)
郭可盈 萬千星輝頒獎典禮 郭可盈
這個網編以「佢個樣真係冇咩變化」作點評,圖片出動到舊時劇照做對比,網民置頂留逼係「整咁多野 打咁多針、都遮唔到佢啲老態」。(圖片來源:FB@01女生)
郭可盈 萬千星輝頒獎典禮 郭可盈
頒獎禮過咗兩日,仍然有媒體以「真係保養得好好」消費,只有三個「哈哈」,留言也漸消退,不過置頂回應依然係「你對眼有冇問題?」(圖片來源:FB@Yahoo娛樂圈)
郭可盈 萬千星輝頒獎典禮 郭可盈
有報章以「狀態驚人」形容郭可盈,同行的呂良偉就獲得「現老態」的評價。(圖片來源:FB@星島頭條)

眾多網媒小編被笑「要驗眼」

這些報道成功引來不少網民留言,取笑各位網媒小編需要驗眼:「難為啲人仲讚佢保養得好又青春,講得出嘅喺咪雙眼有問題,個樣明喺又老又膠,何來青春不老」、「好膠吓喎,仲話佢keep得好?」、「小編,咁都叫冇咩變化?Ok,你啱,因為已經唔係變化,係進化呀嘛…」、「成個人乾咁,仲話有仙氣,乾成咁,炸都冇油出呀」等等。

郭可盈 萬千星輝頒獎典禮 郭可盈 頒獎禮中的郭可盈。
頒獎禮中的郭可盈。(圖片來源:YouTube@TVB (official))
郭可盈 萬千星輝頒獎典禮 郭可盈 鏡頭非常高清,睇到郭可盈脹爆的蘋果肌的確好光滑。
鏡頭非常高清,睇到郭可盈脹爆的蘋果肌的確好光滑。(圖片來源:YouTube@TVB (official))

網民多角度立體評價:「個蘋果肌高到可以塞乒乓波」

不少網民更狠批郭可盈:「瘦到骷髏骨頭成個阿婆」、「近鏡好老一樣似六十幾七十」、「個蘋果肌高到可以塞乒乓波」等等。

郭可盈 萬千星輝頒獎典禮 郭可盈
(圖片來源:YouTube@TVB (official))
郭可盈 萬千星輝頒獎典禮 郭可盈
(圖片來源:YouTube@TVB (official))

KOL開炮狠批媒體「借刀」玩曲線

網媒讚頌一浪接一浪,事發3日後的晚上,社交網專頁「中女講呢啲」更頂唔順開po狠批:「標題『郭X盈Keep得勁好」嘅媒體係咪想玩X佢,定想借人把口講事實,我幾時都話留言係最真心亦係最殘酷」

郭可盈 萬千星輝頒獎典禮 郭可盈 頒獎禮過了三日,有網絡觀察家開post質問媒體用心。
頒獎禮過了三日,有網絡觀察家開post質問媒體用心。(圖片來源:FB@中女講呢啲)

被指輸畀宣萱、張可頤及陳慧琳

「中女講呢啲」續指出:「同齡嘅宣萱同張可頤都贏佢九條街」引來不少網民認同,有網民更話郭可盈同陳慧琳只差2歲,大家都生過BB,但兩人目測好似相差多達12歲。

郭可盈 萬千星輝頒獎典禮 郭可盈
(圖片來源:FB@中女講呢啲)
郭可盈 萬千星輝頒獎典禮 郭可盈
(圖片來源:FB@中女講呢啲)
郭可盈 萬千星輝頒獎典禮 郭可盈
(圖片來源:FB@中女講呢啲)

撞樣66歲大姐明

而對於郭可盈今次出現在高清鏡頭下的樣貌,網民的評價就主要分為兩方,有一方網民就指現在的她勁似現年66歲的「大姐明」林建明,笑指:「第一眼以為大姐Ming嚟」、「大姐明keep得幾好喎,有少少似郭可盈」、「變左林建明」等。

郭可盈 萬千星輝頒獎典禮 萬千星輝頒獎典禮 花生位 有網民更指郭可盈撞樣林建明
有不少網民指郭可盈撞樣林建明。(圖片來源:FB@林建明)

被封「Do姐2.0」

另一方網民就狠批郭可盈變到好似「Do姐2.0」,紛紛表示:「好明顯走Do姐路線」、「太瘦了成個鄭裕玲咁」、「以為是do do」、「仆您個街,Do姐嚟嘅」、「突然間覺得Do姐好靚」等等,此外亦有網民指她撞樣陳貝兒、葉童甚至余慕蓮。

郭可盈 萬千星輝頒獎典禮 郭可盈 Do姐已65歲。
Do姐已65歲。(圖片來源:IG@do_do_cheng)

大勇Jessie重聚

郭可盈自己在社交網亦有po出頒獎典禮當晚和一眾藝人的合照,其中包括陶大宇,讓當年深入民心的《刑事偵輯檔案》CP大勇和Jessie得以重聚 :

郭可盈 萬千星輝頒獎典禮 郭可盈 雖然頒獎台上未有與陶大宇碰面,但原來在台下仍有合照。
雖然頒獎台上未有與陶大宇碰面,但原來在台下仍有合照。(圖片來源:微博@郭可盈)
郭可盈 萬千星輝頒獎典禮 郭可盈 93年選港姐三甲不入,兩年後25歲的郭可盈接拍《刑事偵輯檔案》,與32歲的陶大宇成為最佳熒幕拍檔,一拍就拍咗三輯,拍到最後一季嘅郭可盈都只係27歲,觀眾用呢個記憶去要求容顏不變,又真係要求高咗少少。
93年選港姐三甲不入,兩年後25歲的郭可盈接拍《刑事偵輯檔案》,與32歲的陶大宇成為最佳熒幕拍檔,一拍就拍咗三輯,拍到最後一季嘅郭可盈都只係27歲,觀眾用呢個記憶去要求容顏不變,又真係要求高咗少少。(圖片來源:《刑事偵輯檔案》截圖)
郭可盈 萬千星輝頒獎典禮 郭可盈 呢張濛番啲,郭可盈皮膚亦光滑啲。
呢張濛番啲,郭可盈皮膚亦光滑啲。(圖片來源:微博@郭可盈)

有網民就話「有對比有傷害」,只怪郭可盈平時P圖P得太勁!

郭可盈 萬千星輝頒獎典禮 郭可盈 平日社交網中的郭可盈。
平日社交網中的郭可盈。(圖片來源:IG@khy_official)

去年尾郭可盈52歲生日,曾自Po與老公林文龍合照,粉絲還盛讚與《刑事偵輯檔案》年代沒變樣。

郭可盈 萬千星輝頒獎典禮 郭可盈 郭可盈與老公林文龍。
郭可盈與老公林文龍。(圖片來源:IG@khy_official)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:微博@郭可盈、FB@香港01、FB@Yahoo Style Hong Kong、FB@HK港生活、FB@ToPick新聞、FB@01女生、FB@Yahoo娛樂圈、FB@星島頭條、YouTube@TVB (official)、FB@中女講呢啲、FB@林建明、IG@do_do_cheng、IG@khy_official資料或影片來源:原文刊於東方新地