輕功 蔣祖曼
輕功 蔣祖曼

輕功|37歲蔣祖曼首當女一日日鬧爆黎耀祥 現實視繼子如己出

影視娛樂

廣告

現年37歲的蔣祖曼(Joman)入行已有十多年,曾在HKTV電視劇有精彩演出,最近在無綫劇《輕功》首次擔正做女一,還在劇集未開播前,已率先入圍爭奪視后大獎!37歲蔣祖曼,劇中日日鬧爆58歲的「老竇」黎耀祥,而在現實中,蔣祖曼已是兩孩之母,大仔Day仔更是由老公和前妻所生,但身為繼母的Joman對兩名子女都一視同仁!

輕功 蔣祖曼 宣傳片中,蔣祖曼經常頂撞父親黎耀祥。
劇中蔣祖曼經常頂撞父親黎耀祥。(圖片來源:《輕功》劇照)
輕功 蔣祖曼 黎耀祥和蔣祖曼有唔少對手戲,佢仲自爆有睇Mon向視帝偷師。
黎耀祥和蔣祖曼有唔少對手戲,佢仲自爆有睇Mon向視帝偷師。(圖片來源:《輕功》劇照)

蔣祖曼罵黎耀祥很大壓力

提到劇中不時要對黎耀祥破口大罵,蔣祖曼直言很大壓力:「好記得開廠頭幾日就要指住祥哥嚟鬧,加上我第一次接觸小品劇已經好緊張,係咁諗點樣可以演好啲戲,點知諗得愈多就愈鑽牛角尖。喺我好困擾時,龔姐同祥哥好好咁同我講:『唔使諗咁多,咁演就啱喇。』好感恩佢哋好願意同我分享。她指很榮幸可以跟視帝黎耀祥合作,她說:「我成日趁佢拍攝時睇mon偷師,好多場戲都睇到我哋眼濕濕,真係演得好好。」她在《鐵探》、《使徒行者》及《逆天奇案》的演出大獲好評,今次她首度升呢做女一,更於《萬千星輝頒獎典禮2022》獲提名「最佳女主角」。

輕功 蔣祖曼 蔣祖曼 蔣祖曼早前盛裝出席TVB台慶活動。
蔣祖曼早前盛裝出席TVB台慶活動。(圖片來源:[email protected]
輕功 蔣祖曼 蔣祖曼 前面Deep V後面大露背,盡展蔣祖曼Fit爆身段。
前面Deep V後面大露背,盡展蔣祖曼Fit爆身段。(圖片來源:[email protected]

《輕功》蔣祖曼已簽入TVB做親生女

蔣祖曼的入行處女作是在2001年港台劇《Y2K+01》飾演「阿魚」,但之後多年來她都主力演出獨立電影,演技獲得外界一致好評,更被封為「獨立電影女皇」。近年蔣祖曼開始參與不少TVB劇演出,包括《鐵探》和《使徒行者》系列等,原來在今年1月,她已與TVB簽下經理人合約,正式成為TVB旗下藝人。

輕功 蔣祖曼 蔣祖曼 蔣祖曼簽入TVB後劇接劇,繼在新劇《輕·功》飾演黎耀祥女兒後,近日又有份演出陳茵媺的復出作《羅密歐與祝英台》。
蔣祖曼簽入TVB後劇接劇,繼在新劇《輕·功》飾演黎耀祥女兒後,近日又有份演出陳茵媺的復出作《羅密歐與祝英台》。(圖片來源:[email protected]
輕功 蔣祖曼 蔣祖曼 原來蔣祖曼同「老竇」黎耀祥、「細佬」朱敏翰都係5月生日,早前《輕·功》劇組仲為佢哋連開多場生日會慶祝。
原來蔣祖曼同「老竇」黎耀祥、「細佬」朱敏翰都係5月生日,早前《輕·功》劇組仲為佢哋連開多場生日會慶祝。(圖片來源:[email protected]
輕功 蔣祖曼 蔣祖曼 劇中蔣祖曼仲同鄭俊弘有感情線。
劇中蔣祖曼仲同鄭俊弘有感情線。(圖片來源:TVB《輕功》截圖)

首做女一演繹控制狂阿女

今次《輕功》是一部倫理劇,集溫情搞笑於一身,講述一個被認為識輕功的退休龍虎武師,與已各自組織家庭的子女再度同一屋簷下,新舊思想引發出核彈級矛盾。劇中飾演黎耀祥和龔慈恩女兒的蔣祖曼,更被指係控制狂,日日鬧爆唔聽話嘅「老竇」黎耀祥!雖然劇集尚未開播,但蔣祖曼的演技已經被睇好,率先有份入圍爭做今年視后。

輕功 蔣祖曼 蔣祖曼 黎耀祥在《輕·功》中飾演退休龍虎武師。
黎耀祥在《輕功》中飾演退休龍虎武師。(圖片來源:TVB《輕功》截圖)

涉獵多個演藝範疇 更曾於餐廳打工

現年37歲的蔣祖曼於2000年入行,中學讀書時便加入戲劇學會,碰巧得到港台面試機會,便成功接拍第一部青春偶像劇《Y2K+01》。之後,她更開始拍獨立電影《蝴蝶》、《三條窄路》、《圍城》、《酒徒》、《大藍湖》等,被稱爲「獨立電影女皇」;但殊不知收入難以支撐生活重擔,蔣祖曼當年便一邊拍戲一邊在餐廳打工,一做便是7年。而她直言,打工不單單是爲生活,而是她覺得要做好演員的工作,必須累積更多閲歷及故事;另外,她本身對生活品質並沒有太大要求,做自己喜歡的事情、完成目標便開心!

輕功 蔣祖曼 蔣祖曼當年與袁偉豪合拍《Y2K+01》
蔣祖曼當年與袁偉豪合拍《Y2K+01》(圖片來源:[email protected]
輕功 蔣祖曼 再遇袁偉豪再影多次!
再遇袁偉豪再影多次!(圖片來源:[email protected]

感情路坎坷 慘遭前度出軌

蔣祖曼事業圓滿,但感情路卻很坎坷。原來,當時她在餐廳打工的另一個原因,是爲了替前男友還債。蔣祖曼20歲時正值青春,與前男友打得火熱,但男友負債纍纍,經常向蔣祖曼借錢還債!而她爲愛奮不顧身,正義感爆棚,不停犧牲自己為男友還錢,怎料男友不但不感激,還瘋狂出軌,甚至更追求蔣祖曼的朋友。蔣祖曼最後看清對方的真面目,選擇忍痛分手!

蔣祖曼做個好繼母

蔣祖曼21歲開始同任職電影幕後嘅老公陳卓麒(Keith ),二人拍拖時一直都係三人行,早已習慣冇二人世界,事關老公同前妻育有一子陳滌(Day),但其後前妻因病離世,Joman就接棒照顧Day,視Day如己出。當Joman同老公忙緊時,Day更會主動幫手照顧妹妹,十分乖仔!

輕功 蔣祖曼 蔣祖曼很愛錫一對仔女,視繼子如己出。
蔣祖曼很愛錫一對仔女,視繼子如己出。(圖片來源:[email protected]
輕功 蔣祖曼 蔣祖曼 蔣祖曼同一對仔女。
蔣祖曼同一對仔女。(圖片來源:新傳媒照片庫)

拒做直升機家長

蔣祖曼同老公同樣係行內人,有時兩公婆都要互相配合工作時間,以最唔影響照顧小朋友為前題,如果真係冇時間就會搵家人照顧。蔣祖曼曾表示,自己對於孩子嘅態度十分放開,認為同小朋友都應該有自己嘅空間,因為喺唔喺屋企對小朋友成長未必有大幫助,有時唔喺小朋友身旁反而令佢哋更獨立。另外,蔣祖曼認為父母應該鼓勵小朋友去搵自己嘅興趣,所以唔會做直升機媽媽。

輕功 蔣祖曼 蔣祖曼 蔣祖曼表示拒做直升機家長。
蔣祖曼表示拒做直升機家長。(圖片來源:新傳媒照片庫)

為繼子追個妹妹

蔣祖曼同老公於2014年結婚,婚後一年誕下囡囡陳可。蔣祖曼曾表示,當初想為陳家添個小朋友,最大原因是繼子Day想有細佬妹,「計劃生育前我第一個問佢想唔想要細佬妹先,佢話想呀,我問如果我真係唔生小朋友,你會點呀?佢話『我會嬲你囉,依家就嬲!』」Day自細就恨有細佬妹,最好是妹妹。當年爸爸與Joman結婚,他更以為一結婚就自動大肚,令她哭笑不得,「佢以為會單性繁殖!」

輕功 蔣祖曼 蔣祖曼 蔣祖曼當年生女,原來是想為繼子追個妹妹。
蔣祖曼當年生女,原來是想為繼子追個妹妹。(圖片來源:新傳媒照片庫)

三人行睇超聲波

當時Day得知繼母懷孕後,Day非常興奮,經常摸摸肚子,連睇超聲波都是三人行,希望第一個得知BB性別,「照超聲波我同先生帶埋佢去,佢仲緊張過爸爸,係咁捽手問醫生仔定女,醫生話係女,但佢都質疑:『依家話係女啫,出咗世可能變咗仔㗎!』」好多父母都驚哥哥會呷細佬妹醋,但Joman好放心,因為Day太喜歡妹妹,但出現了另一煩惱,「我問佢想做一個點樣嘅哥哥,佢話一定會縱壞妹妹,叫我千祈唔好俾佢湊㖭呀!講嘢幾老積呀!」

輕功 蔣祖曼 蔣祖曼 Joman表示繼子Day太喜歡妹妹。
Joman表示繼子Day太喜歡妹妹。(圖片來源:新傳媒照片庫)

早已習慣沒二人世界

蔣祖曼表示:「細個嗰陣發脾氣會咁諗,你話從來冇介意過,當然冇可能!尤其是教仔教到好勞氣,但我咁諗,小朋友何嘗唔係咁諗呢,你又唔係我阿媽,你管我做乜啫?但阿仔冇,我哋好夾佢仲好錫我,所以我同先生啱啱拍拖都冇考慮咁多,我一早知佢有小朋友,可能當時冇諗咁長遠,咁多年一路走過來都習慣咗,我愛佢,我愛埋佢小朋友都好正常。」

輕功 蔣祖曼 蔣祖曼 蔣祖曼表示早已習慣沒二人世界。
蔣祖曼表示早已習慣沒二人世界。(圖片來源:新傳媒照片庫)

因仔唔認阿媽而喊

蔣祖曼表示,最令她難受是小朋友剛懂事的年齡,回想起都有點眼濕濕,「我一向冇縱佢,曳我會罰,乖就會獎。幼稚園有段時間幾反叛,佢話:『你鬧我嗰時,我覺得你唔係我阿媽,你錫我先覺。』我即刻入廚房狂喊!」

輕功 蔣祖曼 蔣祖曼 蔣祖曼剖白曾被繼子一句話激到喊。
蔣祖曼剖白曾被繼子一句話激到喊。(圖片來源:新傳媒照片庫)

親生媽媽早已過身,Day不了解母親的角色是怎樣,Joman感慨道:「其實我都明嘅,佢唔係好知道究竟一個媽咪係點,佢只係睇電視認識,卡通片啲媽咪唔鬧人架嘛。有次佢問我朋友,如果你媽咪叫你做功課,你會唔會覺得佢好煩?我朋友話梗係會啦。嗰一刻我就知道,原來佢以為我鬧佢係唔錫佢,唔知道我係出於關心,依家大個咗佢就明白喇。我份人好直,有咩都講晒出嚟,佢都好明白我諗乜,所以相處得好好。」

輕功 蔣祖曼 蔣祖曼 蔣祖曼指仔仔現在已長大,明白了媽媽鬧他其實是出於關心。
蔣祖曼指仔仔現在已長大,明白了媽媽鬧他其實是出於關心。(圖片來源:新傳媒照片庫)

在2019年TVB重頭劇《鐵探》中,蔣祖曼曾飾演黑幫大佬嘅女人陸蔚喬,一出場就同谷永正(梁競徽飾)擦出唔少火花。以往經常飾演警察或專業人士角色的蔣祖曼,在《鐵探》中一改正氣形象,首次飾演黑幫阿嫂,一出場佢個粉紅色髮型已經令人眼前一亮。

輕功 蔣祖曼 蔣祖曼 蔣祖曼在《鐵探》中的粉紅頭造型曾令人眼前一亮。
蔣祖曼在《鐵探》中的粉紅頭造型曾令人眼前一亮。(圖片來源:TVB《鐵探》截圖)
輕功 蔣祖曼 蔣祖曼 蔣祖曼入行至今已經超過20年,其演技獲得外界一致好評
蔣祖曼入行至今已經超過20年,其演技獲得外界一致好評(圖片來源:TVB《鐵探》截圖)

Joman入行至今超過20年,曾參演過大量獨立電影拍攝,而且皆獲得外界一致好評及讚賞。對於於《鐵探》中有機會飾演黑社會大佬嘅女人,Joman亦坦言自己如願以償,皆因自劇集《警界線》後,多以著制服角色出現。

輕功 蔣祖曼 蔣祖曼 蔣祖曼一直以嚟大多飾演警察,或專業人士角色。
蔣祖曼一直以嚟大多飾演警察,或專業人士角色。(圖片來源:微博@蔣祖曼Joman)
輕功 蔣祖曼 蔣祖曼 早前Joman於劇集《使徒行者2》中飾演黑警張雪晴
Joman於劇集《使徒行者2》中亦曾飾演黑警張雪晴。(圖片來源:TVB《使徒行者2》截圖)

另外,蔣祖曼喺劇中更不時被黑社會大佬江正龍(楊潮凱飾)當眾掌摑及侮辱,然而原來陸蔚喬呢個角色嘅背景係比被打更可憐,陸蔚喬細個已經係妓女,父母亦畀人殺死,身世可憐,所以為生存先會逼不得意啞忍一切!

輕功 蔣祖曼 蔣祖曼 蔣祖曼喺劇中更不時被黑社會大佬當眾掌摑及侮辱
蔣祖曼喺劇中更不時被黑社會大佬當眾掌摑及侮辱。(圖片來源:TVB《鐵探》截圖)

常見問題

龔慈恩細仔有考慮入行嗎?

龔慈恩和第二任丈夫育有兩名子女,21歲大女林愷鈴被封為「最美星二代」,而早前她在社交網上貼出17歲細仔的靚仔相,恭賀囝囝高中畢業,原來⋯⋯詳請請看

蔣祖曼老公是圈中人?

蔣祖曼在劇中日日鬧爆58歲的「老竇」黎耀祥,而在現實中,蔣祖曼已是兩孩之母,大仔Day仔更是由老公和前妻所生,而身為繼母的Joman都有自己的一套教育方式⋯⋯詳請請看

撰文:東方新地(部分內容轉載自Sunday Kiss)圖片來源:[email protected]、TVB《輕功》截圖、TVB《鐵探》截圖、微博@蔣祖曼Joman、[email protected]娛樂新聞台、新傳媒照片庫

最新吃喝玩樂資訊