跟麥明詩學轉型 林作轉行Sell保險 口號：「保障你下一代變富二代！」
原文刊於《東方新地》
跟麥明詩學轉型 林作轉行Sell保險
疫境當前，各行各業都大受影響，曾經是大律師的林作，繼前度女友、「十優港姐」麥明詩放棄演藝工作，轉行做OL後，他亦有新搞作，在補習社停業期間，宣布加入保險行業。轉行絕對唔係講玩，做保險要考牌要對客人負責任，而林作宣布加入保險界後，有不少人問他是否受刺激？他日前拍片解釋竟說：「其實有兩單嘢，近年我女神余香凝同咗保險才俊一齊，令陳家樂十分傷心，令我意識到原來保險才俊係咁犀利。另一單係我小學女神梁靖琪，嫁咗畀細佢7年嘅保險才俊，令我意識到原來保險才俊係咁威，竟然係咁，我都好想好似佢哋咁。」
入行唔夠一個月即被同行抨擊
入行唔夠一個月，林作已被同行公開抨擊冇一行做得長，仲呼籲客戶唔好幫襯佢，林作不甘被唱衰，隔空與對方開火，強調疫症前在補習界個個月有六位數字收入，現在只是開多一瓣個人事業，與其浪費時間唇槍舌劍製造是非，不如專注做實事，用行動證明有大律師唔做都可以闖出一片天啦！
