跟住矛盾去旅行
跟住矛盾去旅行

《 跟住矛盾去旅行 》正印VS小三! 音音姐9大豪邁抵死金句

影視娛樂

廣告

ViuTV的《 跟住矛盾去旅行 》,已經進入第15、16集,今次請來邵音音和戴夢夢一齊去峇里。背景是正印VS小三,他們二人愛情觀有所矛盾,不過比較有趣的,是音音姐的豪邁抵死對話,即刻睇睇佢喺呢兩集講咗嘅9大金句!

 

《 跟住矛盾去旅行 》音音姐9大豪邁金句

1. 天真純真=戇X?

要音音姐形容夢夢,佢一開頭就話佢係個簡單天真的人,比較到位的用粗口來形容的話,音音姐都忍到唔太用粗口,只係話夢夢戇X。

2. 把激情視為愛情如禽獸

本集找來他們二人一齊去旅行的主要矛盾位,就是愛情觀不一。音音姐以正印身分,認為將激情視為愛情,無接受教育,就好似禽獸咁,甚至無藥可救,矛頭指向…。

3. 做蜜月療程,不如直接跳落火山?

音音姐同夢夢去峇里做一個婚前SPA,呢個婚前SPA其實係來自印尼爪哇民族嘅傳統禮儀,不分男女都會有個婚前SPA比佢地享用。

當按摩師介紹夫婦蜜月療程比佢哋,音音姐已經質疑點解第一日識就已經做蜜月療程,不過呢個都唔算好串,之後按摩師話SPA會用到火山泥,音音姐話點解唔直接跳落個火山度。夢夢聽到都笑,叫佢跳落去試下過好再去。音音姐即刻搞笑地話,入左去唔再返出來,火山又唔使交貴租,對話過程幾抵死。

4. 一支「降頭油」,帶出愛情道理

講到按摩精油,夢夢問接摩師會用咩油,音音姐就話係屍油、降頭油,作用係幫人吸引人同你結婚,當然呢個解說係作出來。不過音音姐全程認真地講好笑嘢,完全面不改容係幾利害。夢夢話要打包十幾支,音音姐話要一支就夠啦,一個都跟一世,有十幾個男人跟住甩唔到身真係有排煩,有趣地帶出個愛情大道理。

5. 豪邁用益母草

按摩完,音音姐同夢夢去用JAMU益母草,接受一個對女性陰部嘅保養療程。起初音音姐已經好豪邁地坐下來用益母草療程,之後又好大方咁講自己會食益母草,講下益母草對女性有咩好處,大膽地係鏡頭前講呢啲尷尬話題。

6. 成日將乖豬豬掛嘴邊

音音姐同夢夢去占卜,夢夢會以男友、愛情等行先,令音音姐覺得佢成日都愛情大過天,話夢夢成日將「乖豬豬」掛嘴邊。

7. 鬧人我就識頂

喺爪哇市場,佢哋兩位要買完餸,用頭頂住個藤籃。之後就話自己鬧人就識「頂」,用頭頂藤籃有啲吃力。

8. 音音姐用洗衣粉洗頭?

音音姐突然同夢夢講,佢用洗衣粉洗頭,仲講埋試用報告,話洗晒啲黃泥出來,叫大家可以試下用洗衣粉洗頭,搞到夢夢即刻話幫佢買洗頭水。不過都仲有個好笑位係,音音姐以為夢夢想幫佢申請綜援,抽自己水。

9. 幫男按摩師玩Finger Dance

夢夢安排音音姐玩Finger Dance。音音姐話,驚夢夢會安排啲印尼宅男去扑(打)佢,點解?咁要睇返音音姐自己演繹返會比較最到位。

圖片來源:ViuTV

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..