郭子豪 超能使者
郭子豪 超能使者

超能使者|郭子豪成姦夫擔當 靠一樣嘢贏陳展鵬?揭大隻闊少真身!

影視娛樂

廣告

TVB台慶劇《超能使者》近日劇情反轉再反轉,令觀眾睇得非肉緊,眼見陳展鵬發現劉佩玥出軌,綠雲罩頂,原來這位姦夫竟是她的前度Stanley(郭子豪飾),兩人更被陳展鵬捉姦在床!

郭子豪 超能使者 超能使者 劉佩玥同姦夫郭子豪玩到返屋企。
劉佩玥同姦夫郭子豪玩到返屋企。(圖片來源:[email protected]_boon)

《超能使者》郭子豪 演姦夫受讚賞

《超能使者》監製文偉鴻(Jazz)亦在社交網上載了幾張姦夫郭子豪和劉佩玥的床照,並爆料:「唔單止撞破,應該係電視首次的’夫目前犯’ 。」

郭子豪 超能使者 超能使者 監製話今次應該係電視首次的
監製話今次應該係電視首次的’夫目前犯’ 。(圖片來源:[email protected]_boon)
郭子豪 超能使者 超能使者 被陳展鵬撞破。
被陳展鵬捉姦在場。(圖片來源:[email protected]_boon)

相中可見兩人都只穿著背心短褲,在床上相擁笑鬧,即使被陳展鵬當場撞破,劉佩玥都只係對陳展鵬黑面,未有趕姦夫郭子豪離開。

郭子豪 超能使者 超能使者 升任綠帽俠的陳展鵬喊晒口,眼都紅晒。
升任綠帽俠的陳展鵬喊晒口,眼都紅晒。(圖片來源:[email protected]_boon)
郭子豪 超能使者 超能使者 但劉佩玥只係對住佢黑晒面,後面的郭子豪繼續笑淫淫。
但劉佩玥只係對住佢黑晒面,後面的郭子豪繼續笑淫淫。(圖片來源:[email protected]_boon)

預告片中,更見到陳展鵬在一條後巷對郭子豪大打出手,但被壓在地上打的郭子豪未驚過,更炫耀地對陳展鵬說:「你老婆就係咁樣擒住我你知唔知呀?」被網民大讚他演姦夫個樣奸到出汁,演得好精彩。

郭子豪 超能使者 超能使者 郭子豪的奸樣大受網友讚賞。
郭子豪的奸樣大受網友讚賞。(圖片來源:TVB《超能使者》截圖)

劉佩玥激讚郭子豪上圍勁

陳展鵬與劉佩玥接受傳媒訪問時,都大讚陳子豪演姦夫演得好,因為他並未有落荒而逃,反而是向陳展鵬宣示主權,演出了不一樣的姦夫感覺。此外兩人都激讚郭子豪身材好,上圍仲勁過劉佩玥,她笑指那場戲她也要微露,所以曾努力keep fit,不過到拍《美麗戰場》時,因為導演日日萬歲,搞到她相比拍《超能使者》時,已肥了十磅。

郭子豪 超能使者 超能使者 郭子豪曾經攞過健美比賽冠軍,難怪上圍仲勁過陳展鵬。
郭子豪曾經攞過健美比賽冠軍,難怪上圍仲勁過陳展鵬。(圖片來源:IG@arnoldkwokk)

被問係咪幕後操控老公?劉佩玥答:淑敏唔淨係一個妻子

之前一集講到劉佩玥與郭子豪街頭親熱遭陳展鵬撞破,惱羞成怒的她竟邊哭邊向陳展鵬發爛渣,不少網民看畢都大讚阿Moon好戲:「愈來愈有戲味,內心戲更佳」、「值得開部劇畀Moon」,對此阿Moon笑言:「聽到大家鍾意我都好開心,我會繼續努力。」問到要由「模範太太」突變成「陰謀人妻」是否很考演技時,她說:「因為唔想做到慘情戲咁,所以一路要壓抑住自己嘅感覺去演,直到最後先大爆發宣洩不滿。其實攤牌一幕Jazz都好緊張,好彩有佢同導演,仲有展鵬、郭子豪兩位好對手,加上所有嘢配合得好好,令我好相信角色嘅遭遇而真心地投入咗。」對於被指是Final Boss,Moon就大賣關子謂:「好多人問我係咪喺幕後操控阿鏈,我只可以講淑敏唔淨係一個妻子,仲會影響阿鏈將來嘅發展。」

郭子豪 超能使者 超能使者 監製劇透,佢話第一集就講咗:「當生命受到威脅,就有可能激活巨大潛能!」
之前劉佩玥被陳展鵬捏頸一幕,都係同樣裝扮,當時劉佩玥被指眼神魅惑。(圖片來源:TVB《超能使者》截圖)
郭子豪 超能使者 超能使者 唔通一齊都係陳展鵬幻想出嚟?
莫非一齊都只係陳展鵬的幻想?(圖片來源:TVB《超能使者》截圖)

揭郭子豪闊少真身 棄工程師做演員 曾涉醜聞幸獲女友鄧卓殷支持

現年31歲的郭子豪自2014年加入無綫,近年經常在劇集騷肌,不過人氣肌男唔係得個殼,郭子豪品學兼優,是英國名牌學府帝國學院機械工程系高材生,而且家境富裕,父親從事製衣廠起家,現經營時裝貿易生意,不過郭子豪入行後刻意密冚富貴背景從不曬家人合照。

郭子豪 超能使者 超能使者 操得一身健美肌肉的郭子豪,擁 48吋胸肌健美人魚線,唔單止靚仔仲係大隻猛男,成功在一班小鮮肉中突圍。
操得一身健美肌肉的郭子豪,擁 47吋胸肌健美人魚線,唔單止靚仔仲係大隻猛男,成功在一班小鮮肉中突圍。(圖片來源:新傳媒照片庫)

郭子豪喇沙仔 名牌高材生

郭子豪品學兼優,小學中學讀名校喇沙書院,有指未放榜已有數間英國學校向他招手, 最後入讀全球十大名牌學府倫敦帝國學院(Imperial College London),所修讀的機械工程系更是全球排名第三。

郭子豪 超能使者 超能使者 郭子豪 名牌學府畢業的高材生﹗
名牌學府畢業的高材生﹗(圖片來源:IG@arnoldkwokk)

揮低全球200大隻仔 成首位A&F亞洲區廣告模特兒

郭子豪條件優越,大學畢業後在保時捷當實習生,機緣巧合下,當年以21歲俊俏外表及健碩身材,揮低二百多人,成為美國時裝品牌A&F的亞洲區廣告模特兒,該品牌百多年來首次起用華人臉孔,郭子豪為品牌作世界巡迴宣傳﹗

郭子豪 超能使者 超能使者 在英國讀完大學,12年回港的郭子豪即被星探發掘做Model,更揮低二百幾人,成為A&F首位亞洲廣告模特兒,認真威威。
在英國讀完大學,12年回港的郭子豪即被星探發掘做Model,更揮低二百幾人,成為A&F首位亞洲廣告模特兒,認真威威。(圖片來源:新傳媒照片庫)

郭子豪棄做工程師追夢 開製作公司做埋幕後

本來可以做工程師的郭子豪,不想安於在office工作,加上當模特兒後因而令更多人認識,決定給自己三年時間追夢。熱愛演藝工作的郭子豪更到演藝學院修讀導演課程,又開製作公司,並且凡事親力親為, 打燈揸機剪片乜都做,曾為馮允謙拍微電影 。因為唔甘於只做花瓶,14年由模特兒加入無綫訓練班決心要做演員,他指若三年不達標便返回去做工程師﹗

郭子豪 超能使者 超能使者 郭子豪 曾為馮允謙拍攝微電影。
曾為馮允謙拍攝微電影。(圖片來源:IG@arnoldkwokk)

郭子豪豪住半山獨立屋 開通父親全力支持

家境富裕的郭子豪,入行不久已可過獨立生活,搬離家人同住的大埔康樂園,以月租約三萬五自己租住半山龍城堡獨立屋,又揸價值80萬的Audi名車出入代步,好富貴。更幸運有個思想開通父親,搞製衣生意的郭父,未有要求兒子繼承衣缽,還大力支持兒子加入娛樂圈工作,給他極大自由度。

郭子豪 超能使者 超能使者 自小家住康樂園獨立屋,但入行不久郭子豪租住大埔半山龍城堡獨立屋有自己私人天地。
自小家住康樂園獨立屋,但入行不久郭子豪租住大埔半山龍城堡獨立屋,有自己私人天地。(圖片來源:新傳媒照片庫)
郭子豪 超能使者 超能使者 郭子豪 出入揸80萬Audi代步。
出入揸80萬Audi代步。(圖片來源:新傳媒照片庫)

郭子豪曾閉關苦練九個月 奪健美先生冠軍

郭子豪於18年參加「PCA PRO及香港健美及運動體適能錦標賽2018」,並奪得冠男子組華南區冠軍。為參加這個比賽,他特意向公司請假八個月來備戰,憑著意志練出健碩身形,擁47吋胸肌,體內脂肪比例僅得3%,成功勝出這個比賽及首位獲此名銜的TVB藝人,他十分感激教練、家人和女友的支持。

郭子豪 超能使者 超能使者 郭子豪參加健美 比賽成功奪冠,一身肌肉認真唔簡單!
郭子豪參加健美比賽成功奪冠,一身肌肉認真唔簡單!(圖片來源:IG@arnoldkwokk)

郭子豪酒駕被捕 事業插水

郭子豪加入無綫機會不少,卻因一事令事業插水,2019年3月,郭子豪涉嫌酒後駕駛被警方拘捕,當時他接受傳媒訪問並否認為當事人:「唔係我,我喺屋企,今晚無揸過車!」不過事隔半日他又發聲承認自己醉駕﹗被指觸怒無綫,郭子豪其後為案件上庭,離開法院時表示會以一個後悔、正面的心去面對判決,往後如常以謙卑和正面心態努力工作,讓大家看到自己有改進。

郭子豪 超能使者 超能使者 郭子豪 郭子豪被判社會服務令90小時,停牌12個月,並需自費上駕駛改進課程,才可取回車牌。事後他表示自己會誠心去改過和勇於面對是次判決,往後會以謙卑和正面心態努力工作,讓大家看到自己有改進。
郭子豪被判社會服務令90小時,停牌12個月,並需自費上駕駛改進課程,才可取回車牌。事後他表示自己會誠心去改過和勇於面對是次判決,往後會以謙卑和正面心態努力工作,讓大家看到自己有改進。(圖片來源:新傳媒照片庫)

郭子豪被爆暗撻港姐亞軍鄧卓殷 急澄清與舊愛已分手!

負面新聞稍為平息,郭子豪突然被爆出背住拍拖3年的圈外女友Karen,偷食當時24歲港姐亞軍兼最上鏡小姐鄧卓殷(Amber),有指二人因拍攝綜藝節目《娛樂大家》而暗撻成功!由於鄧卓殷無耐前才回復單身唔會急於拍拖,一度傳出四角戀甚為複雜﹗郭子豪急澄清與舊愛已分手,以還鄧卓殷清白﹗

郭子豪 超能使者 超能使者 郭子豪和鄧卓殷從沒有公開放閃亦沒承認戀情,連「合照」亦基本上是「大合照同框」,唯一一次被公開合照是與汪阿姐去行山!
郭子豪和鄧卓殷拍拖之初未有承認戀情,連「合照」都只是「大合照同框」,卻因相約阿姐汪明荃行山及沙灘執垃圾而被阿姐放出唯一合照!(圖片來源:[email protected]_liza)

拍拖3年甜蜜放閃闢分手傳聞

「偷食」傳聞發生一年後,郭子豪接受訪問時忽然公開認愛,感謝Amber在自己全面停工、陷入人生低潮時無限量支持他,更大讚Amber是他見過最善良的人!公開戀情後二人一直保持低調,直到去年傳出分訊後,才開始在社交平台上頻密放閃,力證三年情未變。

郭子豪 超能使者 超Sweet!
超Sweet!(圖片來源:IG@arnoldkwokk)
郭子豪 超能使者 超能使者 郭子豪 近來態度一百八十度轉變,不時以情侶裝孖住拍片放閃﹗
近來態度一百八十度轉變,不時以情侶裝孖住拍片放閃﹗(圖片來源:IG@arnoldkwokk)

被方紹聰借醉爆好事近

方紹聰奶仔、郭子豪與何廣沛因為合作拍《食腦喪B》而結緣,三人更走在一起成立《食腦 BrainStorming》頻道,一齊搞創作拍片賺錢。早前他們拍了一條影片邊飲酒邊答問題,考驗彼此友誼,開頭的問題都圍繞三人的相識及結盟經過,只見飲大兩杯的奶仔面色愈來愈紅潤,導演問若然遇上火警只可救走一人,他們分別會選擇邊個?結果郭子豪揀何廣沛,何廣沛都係揀自己,得奶仔揀郭子豪,原因竟然係:「我哋三個入面,得佢(郭子豪)有女朋友要照顧又就快結婚,我覺得你要照顧Amber(鄧卓殷)吖嘛!」

郭子豪 超能使者 超能使者 其中一條問題是遇火警,會救邊個先?
奶仔、郭子豪及何廣沛拍片考驗兄弟情,其中一條問題是遇火警,會救邊個先?(圖片來源:《食腦》影片截圖)
郭子豪 超能使者 超能使者 奶仔明顯飲大兩杯亂爆料,他表示揀救郭子豪是因為他要照顧女朋友鄧卓殷,而且仲就快結婚。
奶仔明顯飲大兩杯亂爆料,他表示揀救郭子豪是因為他要照顧女朋友鄧卓殷,而且仲就快結婚。(圖片來源:《食腦》影片截圖)

重溫郭子豪有肌突圍之路15年水著上位

郭子豪是無綫第28期訓練班學員,畢業簽約成為無綫親生仔,演出機會陸續有來,同佢一身健美肌肉不無關係。唔少監製都睇中郭子豪健碩身形,不時搵佢在劇集同綜藝節目晒肌,在節目《超強選擇1分鐘》,大隻仔郭子豪同一班比堅尼女郎企埋,睇頭並唔輸蝕,難怪成功出位。

郭子豪 超能使者 超能使者 郭子豪 《超強選擇1分鐘》
《超強選擇1分鐘》(圖片來源:新傳媒照片庫)

17年大隻王子

在劇集《親親我好媽》演籃球王子,暗戀 Miss陳敏之,又係因為夠大隻開始受注目。

郭子豪 超能使者 超能使者 郭子豪 《親親我好媽》
《親親我好媽》(圖片來源:新傳媒照片庫)

18年《跳躍生命缐》彈出

罕有唔以大卡士孭飛的18年無綫台慶劇《跳躍生命線》,因為劇情寫實貼地,收視口碑皆理想,能夠成功搶灘除咗劇本吸引,劇中一班人氣小 鮮肉更非常吸睛,除咗男二何廣沛爆紅,劇中不停騷肌晒本錢的大隻仔郭子豪,表現亦被睇高一線。

郭子豪 超能使者 超能使者 台慶劇《跳躍生命線》,雖然冇大卡士撐場,但因為劇情貼地,一班人氣小鮮肉又有睇頭,成功令觀眾追住睇,除咗男二何廣沛成功彈出,大隻仔郭子豪亦被網民追捧。
台慶劇《跳躍生命線》,雖然冇大卡士撐場,但因為劇情貼地,一班人氣小鮮肉又有睇頭,成功令觀眾追住睇,除咗男二何廣沛成功彈出,大隻仔郭子豪亦被網民追捧。(圖片來源:新傳媒照片庫)
郭子豪 超能使者 超能使者 高大健碩的郭子豪在《跳躍生命線》演體能超卓消防救護員,同何廣沛、張彥博,同為無綫力捧新人。
高大健碩的郭子豪在《跳躍生命線》演體能超卓消防救護員,同何廣沛、張彥博,同為無綫力捧新人。(圖片來源:TVB《跳躍生命線》截圖)

18年半裸鬥肌

在劇集《三個女人一個「因」》,同袁偉豪半裸鬥肌,發達胸肌一出場睇到一班女觀眾嘩嘩聲。

郭子豪 超能使者 超能使者 郭子豪
郭子豪的一身肌肉深受監製青睞,在不同劇集都曾經大曬胸肌同腹肌。(圖片來源:TVB《三個女人一個「因」》截圖)
郭子豪 超能使者 超能使者 郭子豪
就咁睇郭子豪的肌肉明顯勝過袁偉豪!(圖片來源:TVB《三個女人一個「因」》截圖)

常見問題

《超能使者》全用《城寨》班底?

本劇雲集了《城寨英雄》、《同盟》和《鐵拳英雄》的演員,由金牌監製打造⋯⋯按此看劇集&人物介紹

《超能使者》大玩CG特效代替真功夫?

《超能使者》監製文偉鴻表示,此劇為加強真實感摒棄全CG製作,不惜工本,更用了逾1800個CG鏡頭。而主角穿梭「時間停頓空間」的畫面,除了要靠高速攝影機拍攝之外,原來還需要演員們⋯⋯按此看劇集&人物介紹

撰文:東方新地圖片來源:[email protected]_boon、TVB《超能使者》截圖、IG@arnoldkwokk、新傳媒照片庫、[email protected]_liza、《食腦》影片截圖、TVB《跳躍生命線》截圖、TVB《三個女人一個「因」》截圖

最新吃喝玩樂資訊