張美妮
張美妮

超能使者|42歲張美妮爆Seed演殺人狂!入行23年原來係隱形女強人

影視娛樂

廣告

無綫熱播劇《超能使者》最近一集講到梅姐(馮素波飾)三次遇害都被「超能使者」成功救回,但原來殺她的兇手並非其兒子威仔(沈震軒飾),而是平日斯文熱心的街坊Elaine(張美妮飾)!以一身黑色打扮登場的Elaine,原來真正想殺的目標是鳴善大師(魯振順飾),而目的是為了報仇!

超能使者 劇中張美妮飾演的街坊Elaine,開了一間美容店,表面上好平凡。
劇中張美妮飾演的街坊Elaine,開了一間美容店,表面上好平凡。(圖片來源:TVB提供《超能使者》截圖)
張美妮 超能使者 平日給人斯文又熱心的印象。
平日給人斯文又熱心的印象。(圖片來源:TVB提供《超能使者》截圖)

《超能使者》張美妮 入行23年首演殺人狂

劇情講到鳴善左右護法先後離奇遇害,打算夾帶私逃的鳴善此時遭Elaine攔截,忽然判若兩人的Elaine向鳴善爆Seed剖白,原來Elaine妹妹(倪嘉雯飾)早年因被鳴善強暴而自殺身亡,愈講愈激動的Elaine以刀襲擊兼喪踢鳴善,原本更打算連在場目擊事件的梅姐也不放過,但最終卻峰迴路轉地反被鳴善怒摑兼被刀插至倒地,最後Elaine被捕入獄。

張美妮變臉逐格睇:

捱魯振順10巴掌要冰敷1個鐘消腫

入行23年的張美妮今次為《超能》獻出兩大「第一次」,一個是殺人、另一個是被摑!美妮坦言角色既吸引又大挑戰,並謂當日被對手魯振順摑足10巴很難忘:「以前未試過拍被摑戲,因為真係大大力咁摑落嚟,所以都有啲痛,同埋塊面腫晒同紅晒。我最怕唔係痛,而係面腫咗會唔靚。所以拍完之後都冰敷咗成個鐘消腫,務求唔會變鴛鴦面。」

超能使者 張美妮被魯振順連環摑足10巴。
張美妮被魯振順連環摑足10巴。(圖片來源:TVB提供《超能使者》截圖)
超能使者 摑到張美妮塊面又腫又紅,之後要冰敷成個鐘先消腫。
摑到張美妮塊面又腫又紅,之後要冰敷成個鐘先消腫。(圖片來源:TVB提供《超能使者》截圖)

愛做主持但始終都有戲癮

談到該幕情緒起伏大,張美妮表示當時是用盡全身氣力去演:「嗰日收工真係成個人體力透支,係從來未試過咁攰!」因為演繹太凶狠,她在接受傳媒訪問時,更直言驚囡囡以後會怕了她,所以絕對不會讓囡囡看她今次的演出。張美妮又講到現時主持《流行都市》非常開心,覺得這個節目的性質、時間都好配合到她去照顧家庭和女兒,不過如果遇著好劇本角色,她偶爾都想拍劇嘅,因為始終都有戲癮。

超能使者 監製文偉鴻 Jazz) 都大讚張美妮演得好。
監製文偉鴻 (Jazz) 都大讚張美妮演得好。(圖片來源:IG@jazz_boon)

重溫張美妮爆Seed演技:

張美妮結婚9年育有一女原來係隱形女強人

現年42歲的張美妮早於1999年加入TVB藝員訓練班,同期訓練班藝人有楊茜堯(原名楊怡)及林峯等。她自2008年和經營髮型屋及餐廳、比她大9歲的KK(黃偉強)拍拖,到2013年結婚,2019年誕下女兒「笑咪咪」黃洛雯。

張美妮 超能使者 08年踢爆前度偷食後曾經大受打擊, 好在兩個月後即結識現任老公KK, 13年二人結婚前亦重遊求婚舊地巴黎影婚紗相。
08年踢爆前度偷食後曾經大受打擊,好在兩個月後即結識現任老公KK, 13年二人結婚前亦重遊求婚舊地巴黎影婚紗相。(圖片來源:新傳媒照片庫)
超能使者 張美妮囡囡現時已3歲大。
張美妮囡囡現時已3歲大。(圖片來源:IG@meinicheung)

張美妮在北區長大,家有一妹,父親是餐廳東主,母親是家庭主婦,中學畢業以後二話不說就走去報13期訓練班,「自細就貪靚貪得意,覺得做明星就係做戲唱歌,日日扮到靚一靚,人人都鍾意咁簡單。」

超能使者 張美妮趁情人節宣布BB性別 「點解老公今次送公仔?」
張美妮19歲中學畢業就加入TVB。(圖片來源:微博@張美妮)

不過張美妮一入電視台,才發覺人人都係靚仔靚女, 靚仔靚女得嚟,有背景有才藝有家底有新聞價值的對手更加多,「靚過我叻過我嘅大把,不過我又冇當人哋係威脅。19歲,公司出住糧畀我哋返去學嘢,日日唱吓歌做吓戲,又耍吓劍 咁,成班人根本就係當入camp,日日返去玩。」

張美妮 超能使者 形可愛形象又討好, 年 一度更被唱片公司 Silly Thing睇中與 Juno、吳日言 等成為同期歌手。
張美妮形可愛形象又討好, 一度被唱片公司 Silly Thing睇中,與Juno、吳日言等成為同期歌手。(圖片來源:新傳媒照片庫)

一畢業就先進了兒童節目組主持兒童節目 , 然後轉戰綜藝科、 加入《大搜查》,到了開始拍劇時,張美妮已經有了相當知名度,「上位又真係未去到,不過事業又一直穩步上揚,客戶又幾鍾意我keep住有人搵,人工又慢慢安十有得加,既然做得開心又搵到錢養到家,我自然就安於現狀」。

超能使者 張美妮趁情人節宣布BB性別 「點解老公今次送公仔?」
張美妮和楊怡是同期訓練班同學,她大讚楊怡有義氣又敢出聲,每次她畀人激到喊,楊怡都一定會幫她出頭。(圖片來源:微博@張美妮)
超能使者 張美妮趁情人節宣布BB性別 「點解老公今次送公仔?」
張美妮更話她有一次遇到個渣男,之後她衝上去楊怡屋企攬住佢喊,楊怡就陪了我好多次去海邊談心。(圖片來源:微博@張美妮)

雖然話安於現狀,但在《超能使者》中飾演美容店老闆娘的張美妮,原來現實中亦是多間髮型屋和餐廳的老闆娘,因為有個髮型師老公的緣故,她早在2008年就投資5位數開設了她的首間髮型屋,現在這髮型屋已開了5間分店,而在2013年,她更開設了一間餐廳,成功踩入飲食界,成為跨界女強人。

超能使者 網民都大讚42歲的張美妮無論樣貌或身形都keep得勁好。
網民都大讚42歲的張美妮無論樣貌或身形都keep得勁好。(圖片來源:IG@meinicheung)
超能使者 張美妮現時主力做《流行都市》主持,只偶爾演出劇集。
張美妮現時主力做《流行都市》主持,只偶爾演出劇集。(圖片來源:IG@meinicheung)

《超能使者》全用《城寨》班底?

本劇雲集了《城寨英雄》、《同盟》和《鐵拳英雄》的演員,由金牌監製打造⋯⋯按此看劇集&人物介紹

《超能使者》大玩CG特效代替真功夫?

《超能使者》監製文偉鴻表示,此劇為加強真實感摒棄全CG製作,不惜工本,更用了逾1800個CG鏡頭。而主角穿梭「時間停頓空間」的畫面,除了要靠高速攝影機拍攝之外,原來還需要演員們⋯⋯按此看劇集&人物介紹

撰文:東方新地圖片來源:TVB提供《超能使者》截圖、新傳媒照片庫、微博@張美妮、IG@jazz_boon、IG@meinicheung資料或影片來源:YouTube@TVB (official)