賽馬會街頭音樂系列 自己人撐自己人 香港本土原創歌曲
我雖然唔太精玩樂器，但對音樂文化都係好鍾情嘅，一見到關於音樂嘅活動，只要得閒就一定會去支持！今次想同大家介紹嘅賽馬會街頭音樂系列──音樂製作計劃，意義在於幫本地年輕人圓音樂夢，從今年開始幫助學員錄製原創歌曲！前排喺文化中心仲舉行咗個「DREAM BIG PLAY LOUD新曲發佈音樂會」分享作品！
【香港藝術中心】同【龔志成音樂工作室】合辦嘅賽馬會街頭音樂系列得到【香港賽馬會慈善信託基金】贊助，推出今次嘅音樂製作計劃。平時呢個系列會舉辦由專業音樂人教授嘅音樂工作坊，而今次音樂會表演嘅三個單位正正係音樂工作坊嘅學員，向觀眾展示佢哋嘅創作成果喇！
三組音樂工作坊嘅年青音樂人包括獨立搖滾樂隊DFG、糅合多種樂曲風格嘅樂隊范克廉望遠鏡同埋創作歌手Esther，一齊認識吓佢哋先！
DFG
DFG主音兼結他手Samson自2014年開始參加賽馬會街頭音樂系列嘅音樂工作坊，係第一批參與音樂工作坊嘅學員，仲跟過專業音樂人本地知名創作歌手黃靖同英國音樂人Tommy Antonio學師。之後Samson跟志同道合嘅朋友組成樂隊DFG，創作涉獵多種音樂類型，更喺賽馬會街頭音樂系列協助下，推出原創歌曲《You Are Poisonous》。
《You Are Poisonous》MV：https://youtu.be/VOrt1rTPIEk
范克廉望遠鏡Franklin Telescope
一睇隊名就知佢哋特別喇！范克廉望遠鏡起初受多元曲風類型樂隊嘅啟發而組隊，其後專攻放克（Funk）、爵士（Jazz）同騷靈（Soul）類型音樂，成軍至今已經兩年多，都有唔少作品。佢地有本港樂隊Stranded Whale嘅結他手Tomii Chan作為錄音指導，成員Kuro更加跟低音結他手Koya Hisakazu學師，深造音樂技巧。
Esther
17歲嘅Esther年紀輕輕已經演出經驗豐富，小至酒吧演唱，大至Clockenflap都會見到佢。更勁嘅係Esther一手包辦作曲填詞，真係唔講得笑！Esther今次透過賽馬會街頭音樂系列推出原創情歌《我在等一個人和我浪費時間》，特意重新編曲，以古典中國風歌詞混搭電子音樂，超特別！
《我在等一個人和我浪費時間》MV：https://youtu.be/ml2JSTIFQRI
鍾意音樂嘅朋友不妨睇吓DFG嘅訪問，了解更多賽馬會街頭音樂系列同DFG嘅音樂歷程啦。
想睇埋其他MV同訪問？記得留意Facebook，入面仲有更多《賽馬會街頭音樂系列》音樂工作坊嘅資料㗎！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
