謝霆鋒
謝霆鋒

謝霆鋒撐容祖兒個唱 呻申請兩年紅館都唔批

影視娛樂

廣告

容祖兒演唱會的第13場,請來「由細玩到大」的好朋友謝霆鋒做嘉賓,介紹霆鋒出場時,容祖兒更落足嘴頭咁高:「如果張敬軒係靚仔,佢係超級靚仔!」可能觀眾餓霆鋒唱歌餓得太耐,一出場就得到熱烈的掌聲和歡呼聲,不過霆鋒話已入紙紅館多次,希望好快可以欣賞到屬於謝霆鋒的紅館個唱!

撰文:TL 相片:鋒味曲奇IG、冤枉娛樂影片截圖

謝霆鋒特意返港撐祖兒

一如過去12場,容祖兒以嘉賓的首本名曲介紹嘉賓出場,之後即唱出《玉蝴蝶》,並請觀眾以掌聲歡迎謝霆鋒現身,仲好高興地表示:「佢特登喺第二度返來撐我㗎!」

霆鋒在台上更爆出這次邀請的小秘密:「記得你搵我嗰日你病緊,我真係聽唔到佢講乜,唔知講咗三個咩字,其實我係估,我就話你唔好講嘢住,你要乜都得,唔緊要。佢剛剛話我特登返嚟撐佢,其實大家都知唔止我一個,全行仲有好多人都會撐容祖兒,因為佢係一個抵撐嘅人!」祖兒聽到即刻話「好感動呀!謝霆鋒同我講呢啲嘢。」霆鋒繼續講:「我好衰,唔值得撐我就唔撐㗎喇!」

「你快樂所以我快樂」

兩人自小相識,感情非淺,祖兒對霆鋒說話都沒有避忌:「我哋由細玩到大,你成功時我戥你開心,我成功時你戥我開心,歌都有得唱啦:『你快樂所以我快樂……』」霆鋒對祖兒突放暗器,一時間都不知如何回應。

其實霆鋒一路都好想喺紅館開騷,當祖兒帶起這個話題時,霆鋒就順便呻咗兩句:「話時話,我想同呢個空間講,紅館呢個空間呀,我入咗紙兩年,一次又一次被推翻,再推我就唔開喇。」

祖兒聞言即刻幫口似是生怕霆鋒申請再有阻滯:「鋒哥,千錯萬錯都係我錯,唔好咁講,你知唔知我呢個騷都攞咗好耐期先有,無論等到邊一日,今年又好,下年又好,總之大家都會等你啦,係咪?」觀眾隨即報以震耳欲聾的歡呼聲,希望很快可以欣賞到屬於謝霆鋒的紅館個唱!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..