試當真《今際之國的有J》神還原 游學修揼重本推綜藝誓要還原所有細節

試當真｜游學修抱綜藝野心 出動超高成本製作

YouTube頻道《試當真》近日神還原Netflix人氣日劇《今際之國的闖關者2》，推出綜藝節目《今際之國的有J》，預告中見到製作方面超認真，把劇集場面高度還原。在預告片推出當晚，試當真於每周舉行的謝票場中亦有提及今次綜藝的製作。頻道主理人游學修一直抱有搞好香港本地綜藝節目嘅野心，為了還原劇集和漫畫中嘅遊戲細節，總共出動40部攝錄機拍攝，在剪片方面更找來外援幫忙，製作超級揼本。由2月23日起逢周四推出的一連五集節目中，以預告片中貨櫃場取景一集是最大型的製作，場地負責人更願意配合拍攝為製作組把貨櫃搬來搬去，游學修亦預告除了第一集的陳柏宇外，接下來的4集還會有更多藝人朋友參與，全部選角包括還未出場的弓箭女、三吉等都會好有驚喜。

試當真｜陳柏宇玩《今際之國》被大讚成個架仔咁！

試當真推出《今際之國的有J》預告片後被熱討，搵嚟唔同人扮演返《今際之國》之中的重點角色，預告片仲見到今次搵埋陳柏宇一齊玩，而陳柏宇應該就係扮演主角「有栖良平」，唔少網民都大讚陳柏宇真係成個「架仔」咁：「佢個look幾有日本仔feel」、「佢本身都幾有日本主角嗰啲樣，唔駛好高，臉尖尖，有啲才華，偏young，靚仔」、「陳伯初出道個頭幾型，唔差過日本仔！」游學修喺直播中指自己好滿意「今際之國的有J」，認為自己選角方面做得好好，例如陳柏宇，大讚陳柏宇非常認真玩遊戲，而且還原度高，又透露自己早於對方錄影《First Take》之前已經洽談是次合作。

試當真｜Locker被官方自爆有著褲拍攝

試當真成員Locker（林家熙）在《今際之國的有J》扮演山下智久（山P）的角色、「遊戲關主梅花King」的主理人，由於劇中的山P「全裸」上陣，更有多個露股鏡頭，Locker透露為了今次的演出事前特登操肌，而拍攝當日好多蚊，在預告片釋出後粉絲最關心Locker有無著褲演出，最他在試當真Facebook專頁的封面圖像中踢爆，Locker係有著褲嘅。

試當真｜「水雞光」激似朝比奈彩

除咗陳柏宇之外，網民仲留意到本來喺《今際之國》都非常受歡迎的朝比奈彩「水雞光」，《試當真》都同樣搵嚟一位靚女嚟扮「水雞光」，唔少人都高呼激似！原來呢位「試當真水雞光」係早前有份選「校花校草2022」的Angelina君瑜。游學修喺直播時都提及到，當初Angelina並唔係一口答應參演，因為驚著水著上鏡效果唔好，游學修力勸之下終答允，最後見咁多網民好評就笑指自己無呃細佬女。

花校Angelina面對古天樂表現淡定獲讚

Angelina參加「校花校草2022」時，喺《校花校草綜藝堂》中表現突出，面對古天樂導師要求以唐老鴨聲音即場演繹《媽媽的神奇小子》其中一段電影情節，不但沒有怯場，表現亦十分出色，令古天樂都連聲大讚：「幾好、幾好！」古天樂亦按照節目中一眾參賽者的表現，來選出花草們中的男、女班長。Angelina和Meaning全靠應對環節中充滿自信的表現，獲得古仔的青睞，成為成為花草們中的男、女班長。不過最後Angelina未有晉身10強。

Angelina靚相：

完整預告：

一連五集的試玩毛《今際之國的有J》於2月23日起推出。