裕美自爆每月畀5位至6位數字家用林作 林媽媽睇錢份上態度改善

影視娛樂

廣告

裕美與林作拍拖近3年,一直都未被林作媽媽王莉妮接納,早前更在ViuTV節目《七救星》中公開「炒大鑊」,裕美一度激動流淚,但林作不但無調解,更講咗句:「Let them fight!」日前裕美接受黃婉曼的直播訪問,直言因為近年積極賺錢,可以用錢撻林作,而林媽媽亦睇錢份上關係有轉機。

文:東方新地|圖:IG@jolamchok、IG@wadahiromi、IG@master_qi_xian_yu、ViuTV《七救星》截圖、Facebook@安品‧生活Urban Mart

裕美習慣婆媳不和

裕美向來敢言,這次接受黃婉曼的直播訪問,她一開始就話自己冇底線,有問必答,更把與林作及林媽媽的真實相處情況公開,她表示早已習慣林媽媽無視她,亦堅決不會主動討好對方。由與林作拍拖開始,林媽媽無時無刻都想棒打鴛鴦,她嫌棄裕美出身,除指她離過婚,學歷又低,但卻未有淋熄林作對裕美的愛火,反而令裕美更博命賺錢來證明自己。

黃婉曼做直播訪問,呢一集的嘉賓是裕美,預告話題是「裕美繼續數林作阿媽」,不過最後係數臭林作多啲。(圖片來源:Facebook@安品‧生活Urban Mart)
黃婉曼做直播訪問,呢一集的嘉賓是裕美,預告話題是「裕美繼續數林作阿媽」,不過最後係數臭林作多啲。(圖片來源:Facebook@安品‧生活Urban Mart)
講到如何討好林作媽媽,裕美直言:「我點解要討好佢,好假囉!」(圖片來源:Facebook@安品‧生活Urban Mart)
講到如何討好林作媽媽,裕美直言:「我點解要討好佢,好假囉!」(圖片來源:Facebook@安品‧生活Urban Mart)

用錢感化林媽媽

裕美在直播中說:「林作當初同我講,只要你搵得夠多錢,我阿媽就會當你金咁拜,初時我都唔信,依家我搵到錢,林作話佢阿媽對我ok啲!」她認為女性獨立有好處,有經濟能力講句嘢都可以大聲啲!

裕美話在林媽媽的眼中,她冇學歷條件唔夠好,所以更加要搵多些錢。(圖片來源:Facebook@安品‧生活Urban Mart)
裕美話在林媽媽的眼中,她冇學歷條件唔夠好,所以更加要搵多些錢。(圖片來源:Facebook@安品‧生活Urban Mart)
裕美坦言從來未試過與一個男人可以一齊超過一年半,結果她與林作竟拍拖快3年。(圖片來源:IG@wadahiromi)
裕美坦言從來未試過與一個男人可以一齊超過一年半,但她與林作竟拍拖快3年。(圖片來源:IG@wadahiromi)

裕美:我依家搵錢撻林作㖭!

裕美話林媽媽唔係太睇重個女仔賢唔賢淑,她是要講條件,要夠威:「我做乜要迎合佢呢?我做生意唔係為咗佢,從來冇男人養過我,以前試過男友冇錢又想出去飲酒,問我攞錢,我點都唔會靠對方。以前我好渴望有婚姻,有完美家庭,我失敗過,依家大個咗有錢,你甩我就甩我囉,我亦唔需要你。我依家搵錢撻林作㖭!每個月畀5位至6位數字家用佢,佢只會回番一萬畀我,我依家可以大聲踐踏佢、鬧佢。」

裕美近年搞網上珠寶生意,外傳她搵錢仲多過林作。(圖片來源:Facebook@安品‧生活Urban Mart)
裕美近年搞網上珠寶生意,外傳她搵錢仲多過林作。(圖片來源:Facebook@安品‧生活Urban Mart)
裕美表示每個月都會畀5位數字以上的家用林作,網民讚佢唔洗男人錢有性格。(圖片來源:Facebook@安品‧生活Urban Mar)
裕美表示每個月都會畀5位數字以上的家用林作,網民讚佢唔洗男人錢有性格。(圖片來源:Facebook@安品‧生活Urban Mar)

林作:邊個係哥斯拉?邊個係金剛?佢哋自己揀

林作的媽媽王莉妮和他的女友裕美關係一向水火不容,早前林作上七仙羽師傅主持的ViuTV節目《七救星》做嘉賓,嘗試為兩人去修補彼此關係。但結果破冰飯局失敗,裕美更委屈爆喊。夾在中間的林作不但無調解,更講出2014年電影《哥斯拉》(Godzilla)入面的經典金句:「Let them fight!」

七師傅沒有參與對話,但雙手合十不停唸經。(圖片來源:ViuTV)
裕美和林母一向水火不容,林媽媽嫌失婚裕美的背景複雜,深信她與林作拍拖只因貪錢,所以就算住在同一大廈,二人都不相往來。(圖片來源:ViuTV《七救星》截圖)
裕美自言感到委屈,忍不住掩面流淚。(圖片來源:ViuTV)
早前在節目《七救星》中,七師傅與林媽媽初次會面十分投契,林媽媽更叫七師傅考慮當她的新抱,但面對裕美時,林媽媽卻即時變臉。(圖片來源:ViuTV《七救星》截圖)
平時好硬淨的裕美竟然喊到鼻都紅埋!(圖片來源:ViuTV)
平時好硬淨的裕美自言感到委屈,喊到鼻都紅埋,奪門而去。(圖片來源:ViuTV《七救星》截圖)
林作在預告片中講咗句:「Let them fight!」(圖片來源:《七救星》預告片截圖)
林作無調解更講咗句:「Let them fight!」,一副事不關己的樣子。(圖片來源:ViuTV《七救星》截圖)

林作夾中間當睇戲

林作近日接受傳媒專訪,指自己在事後有為裕美而同媽媽嗌過交,亦有向媽媽解釋裕美係女強人,能夠賺好多錢,無使過他任何錢,反而有分錢給他使,令林媽條氣順番。他笑言自己夾在中間就當睇戲,好似睇《哥斯拉對金剛》(《Godzilla vs. Kong》),名句係「Let them fight」,至於邊個係哥斯拉?邊個係金剛?林作話畀佢哋自己揀,因為兩個都唔吸引。

林作和阿媽及女友裕美的世紀合照,要靠P圖才能出現。(圖片來源:ViuTV《七救星》截圖)
林作和阿媽及女友裕美的世紀合照,要靠P圖才能出現。(圖片來源:ViuTV《七救星》截圖)

林鍾大戰獎金已使約20萬

林作又主動提出林媽媽和裕美來場「大戰」,若真係要打,就搵金主鍾培生贊助,但這個提議不被裕美睇好。此外提到早前「林鍾大戰」過後,林作收到鍾培生94萬多元獎金,他表示主要花在維修兩部車和家中的浴室、冷氣上,共計使了約20萬,又分了88,800元給拳賽教練,攞個好意頭。

(圖片來源:大會提供)
林作早前雖然打輸了和鍾培生的拳賽,但獲得94萬多元獎金。(圖片來源:大會提供圖片)
林作想搵金主鍾培生贊助女友和阿媽的拳賽,但裕美就唔睇好。(圖片來源:裕美IG)
林作想搵金主鍾培生贊助女友和阿媽的拳賽,但裕美就唔睇好。(圖片來源:IG@wadahiromi)

林媽媽望林作與七師傅培養感情

林媽媽對與裕美上擂台一戰的提議,表示願意參與,但她直言唔想再提林作和裕美兩個人,最緊要係自己每一日都過得開心。林媽表示始終想要七師傅做新抱,因為覺得對方有學歷又叻女和孝順,並指現在已和七師傅結拜,希望畀多啲時間她和林作培養感情,相信只要林作願意,兩人未來仍然有機會發展。

林作媽在節目中送了名牌裙及首飾給七師傅,仲認她做契妹。(圖片來源:七師傅IG)
林作媽在節目中送了名牌裙及首飾給七師傅,仲認她做契妹,之後七師傅亦送了個LV袋給林作媽做生日禮物。(圖片來源:IG@master_qi_xian_yu)
林媽認為林作和七師傅未來仍然有發展機會。(圖片來源:林作IG)
林媽認為林作和七師傅未來仍然有發展機會。(圖片來源:IG@jolamchok)

裕美擔心被指無風度

而裕美則表示在節目播出後已事隔兩個月,但兩人關係不但無緩和,反而變得更差,不過她擔心和一個媽媽級打擂台,會讓人覺得她「蝦」對方。裕美表示若上台她一定會贏,事關她平時打林作都好大力,但她不想讓人覺得她無風度,因為對方始終是長輩。裕美又指鍾培生不可能贊助兩人上擂台,因為他之前贊助也只是想自己成名,而贊助她和林媽對戰,於鍾培生沒有任何好處。

裕美指上次拍完節目後,她覺得好委屈和難受,情緒變得好低落,足足失眠了三日。(圖片來源:裕美IG)
裕美指上次拍完節目後,她覺得好委屈和難受,情緒變得好低落,足足失眠了三日。(圖片來源:IG@wadahiromi)
裕美直言是林作鍾意她多過她鍾意林作,她亦不靠林作生活,因此即使將來林作離開,她也無所謂。(圖片來源:裕美IG)
裕美直言是林作鍾意她多過她鍾意林作,她亦不靠他生活,因此即使將來林作離開,她也無所謂。(圖片來源:IG@wadahiromi)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
裕美林作
資料或影片來源:原文刊於東方新地