Super Tiger
Super Tiger

Super Tiger抄MIRROR惹負評《愛回家》蔥頭丘梓謙被爆粗問候 高EQ回應顯修養

影視娛樂

廣告

近年香港特別興男團女團,除ViuTV《全民造星》誕生的MIRROR、P1X3L以及COLLAR之外,TVB都有《聲夢傳奇》四位學員組成的「After Class」,以及在農歷新年期間,精挑細選組成「期間限定」的「Super Tiger」。成員之一的丘梓謙在《愛回家》中飾演「蔥頭」一角,人氣較高,因角色疑影射MIRROR人氣王姜濤而收到不少負評,組成男團「Super Tiger」後更遭受人身攻擊,被網民用粗口問候。

丘梓謙被指影射姜濤

丘梓謙在《愛回家》中飾演「蔥頭」一角,因此為觀眾熟悉,有指他的角色刻意影射姜濤,收到不少網民負評。早前無綫組成期間限定的「Super TIger」,丘梓謙是成員之一,再次成為網民的攻擊對象。

Super Tiger 丘梓謙最近在社交網每次出po都受到網民狙擊,但他都一一正面回應。
丘梓謙最近在社交網每次出po都受到網民狙擊,但他都一一正面回應。(圖片來源:[email protected]
Super Tiger 丘梓謙在《愛回家》中的「蔥頭」一角被指抄姜濤。
丘梓謙在《愛回家》中的「蔥頭」一角被指抄姜濤。(圖片來源:[email protected]

網上被惡言攻擊

最近丘梓謙在社交網每次出po都惹來網民攻擊,不少都是惡意攻擊,日前他上載了與某網民的對話截圖,該網民留言:「唔好扮MIRROR啦,X你老母」、「X頭」、「祝你早日冚家X」,只見丘梓謙非常克制並回覆:「我哋會長命百歲」、「我哋冚家做地產就發啦」,又有人叫他返大灣區,鬧他不知所謂,他對留言處之泰然,仲以「Thank You」來回應,盡顯高EQ。

Super Tiger
(圖片來源:[email protected]
Super Tiger
(圖片來源:[email protected]
Super Tiger
(圖片來源:[email protected]

蔥頭已畀人鬧足一年

其實之前《東張西望》及《TVB娛樂新聞台》都分別訪問「Super Tiger」,對於外界的抨擊,「大師兄」羅天宇表示入娛樂圈前已想組男團,希望得到大家認同,「蔥頭」丘梓謙就說︰「已經畀人鬧足一年……來來去去都係嗰啲,所以無咩太大感覺,都係睇完之後笑下囉!」Super Tiger 十子更對住鏡頭大叫︰「希望可以正式出道!唔係唔畀機會我哋呀嘛?」

Super Tiger 丘梓謙表示已習慣了被負評。
丘梓謙表示已習慣了被負評。(圖片來源:[email protected]
Super Tiger 「蔥頭」是《愛回家》受歡迎角色之一。
「蔥頭」是《愛回家》受歡迎角色之一。(圖片來源:[email protected]

支持者表態

丘梓謙與一眾「Super Tiger」雖然在網上被攻擊,但他亦有不少支持者,甚至少被大讚處理負評非常得體。

Super Tiger
(圖片來源:[email protected]
Super Tiger
(圖片來源:[email protected]
Super Tiger 成員包括:
成員包括有羅天宇、許俊豪(Lincoln)、「蔥頭」丘梓謙、「賈明昇」鄒兆霆、曾展望(GM)、林俊其、魏柏豪、劉展霆(Eden)、李紹堅,以及宋懿芳。(圖片來源:TVB影片截圖)

事不宜遲,即欣賞咗佢哋嘅表演先:

評價好壞參半

據知,「Super Tiger」嘅排舞時間就只有4日半,當日他們在賀歲節目《恭喜發財好運來》壓軸登場,分別唱跳表演了《青春有你》的主題曲《青春有你》以及《喜氣洋洋》。「Super Tiger」的舞步到底能否稱得上賞心悅目,就要睇個人喜好,不過好明顯舞步不齊整,加上全程咪嘴演出,場面的確有點尷尬。然而,「Super Tiger」在事後獲得不少討論道,尤其TVB將他們表演的片段放在YouTube後,網民的留言尤其激烈,當中不乏帶點取笑較嘲諷留味,例如「你不覺得尷尬,尷尬的就是別人」、「心情唔好,有朋友介紹我入嚟睇,佢話我睇完包笑到反艇」等等,當然亦都有唔少網民表示支持,認為很有新意、顏值夠高等等十分正面。

Super Tiger
(圖片來源:YouTube截圖)
Super Tiger
(圖片來源:YouTube截圖)
Super Tiger
(圖片來源:YouTube截圖)

期間限定突然變長做長有?

當初講到明是「期間限定」,相信有不少人都認為「Super Tiger」的組成主要屬於娛賓,過埋農曆新年之後似乎就會面臨「解散」嘅命運,但豈料觀眾反應熱烈,TVB於是「添食」,近日還派出《東張西望》主持去做專訪,仲講到明話會「復活」,似乎TVB男團,真係有得諗!

佢哋一齊講:「大家好,我哋係Super Tiger」嘅時候,幾有氣勢,連團隊專屬嘅手勢都有埋!
佢哋一齊講:「大家好,我哋係Super Tiger」嘅時候,幾有氣勢,連團隊專屬嘅手勢都有埋!(圖片來源:YouTube截圖)
Super Tiger 羅天宇企正C位。
羅天宇企正C位。(圖片來源:YouTube截圖)

C位羅天宇實現夢想

由始至於都企「Super Tiger」C位嘅羅天宇,有「女神收割機」之稱嘅佢當然不乏顏值,但原來近年靠演戲上位,啱啱仲拎埋「飛躍進步男藝員」嘅佢一直都有男團夢:「自己係入行前已經想成為男團,估唔到14年之後我有呢個機會。」而另一方面,前男團天堂鳥成員許俊豪就好大方咁話因為前組合解散咗,可以名正言順入新團咁話喎!

Super Tiger 許俊豪,身高185cm㗎!
許俊豪,身高185cm㗎!(圖片來源:YouTube截圖)
Super Tiger MIRROR有Edan呂爵安,SuperTiger有Eden劉展霆。
MIRROR有Edan呂爵安,SuperTiger有Eden劉展霆。(圖片來源:YouTube截圖)

有網民認為佢哋可以仿效ERROR嘅做法,主要係帶「歡樂」畀觀眾:

睇埋10名成員嘅資料:

Super Tiger 34歲嘅羅天宇有「女神收剖機」之稱,2008年參選《香港先生選舉》以少年組冠軍入行。
34歲嘅羅天宇有「女神收剖機」之稱,2008年參選《香港先生選舉》以少年組冠軍入行。(圖片來源:TVBUSA YouTube截圖)
Super Tiger 許俊豪係組合天堂鳥BOP)成員之一,早前憑《愛上我的衰神》飾演變態美術老師竇哲人而為人所認識。
許俊豪係組合天堂鳥(BOP)成員之一,早前憑《愛上我的衰神》飾演變態美術老師竇哲人而為人所認識。(圖片來源:TVBUSA YouTube截圖)
Super Tiger 林俊其身高183cm,樣貌及聲線都好似王浩信,亦都多次做佢替身,所以有A貨王浩信之稱。
林俊其身高183cm,樣貌及聲線都好似王浩信,亦都多次做佢替身,所以有A貨王浩信之稱。(圖片來源:TVBUSA YouTube截圖)
Super Tiger 丘梓謙因為喺《愛‧回家之愛心速遞》扮演「蔥頭」受到關注。
丘梓謙因為喺《愛‧回家之愛心速遞》扮演「蔥頭」受到關注。(圖片來源:TVBUSA YouTube截圖)
Super Tiger 鄒兆霆係第29期TVB電視藝員訓練班出身,於《愛.回家之開心速遞》飾演富家子弟「賈明昇」為人熟悉。
鄒兆霆係第29期TVB電視藝員訓練班出身,於《愛.回家之開心速遞》飾演富家子弟「賈明昇」為人熟悉。(圖片來源:TVBUSA YouTube截圖)
Super Tiger 李紹堅畢業於2019年第30期無綫電視藝員訓練班,亦參加過《盛•舞者》和參演《青春本我》。
李紹堅畢業於2019年第30期無綫電視藝員訓練班,亦參加過《盛•舞者》和參演《青春本我》。(圖片來源:TVBUSA YouTube截圖)
Super Tiger 曾展望為《#後生仔傾吓偈》「後生仔」成員之一。
曾展望為《#後生仔傾吓偈》「後生仔」成員之一。(圖片來源:TVBUSA YouTube截圖)
Super Tiger 劉展霆於2021年參加《盛•舞者》加入TVB,有份演出《青春本我》。
劉展霆於2021年參加《盛•舞者》加入TVB,有份演出《青春本我》。(圖片來源:TVBUSA YouTube截圖)
Super Tiger 魏柏豪因為參加《衝上雲霄大選》加入TVB,近日加入了《東張西望》。
魏柏豪因為參加《衝上雲霄大選》加入TVB,近日加入了《東張西望》。(圖片來源:TVBUSA YouTube截圖)
Super Tiger 宋懿芳係應屆藝員訓練班畢業生,聽講佢之前係一個300磅嘅肥仔,果然係肥仔都係潛力股呀!
宋懿芳係應屆藝員訓練班畢業生,聽講佢之前係一個300磅嘅肥仔,果然係肥仔都係潛力股呀!(圖片來源:TVBUSA YouTube截圖)

撰文:東方新地圖片來源:YouTube截圖資料或影片來源:TVB USA Official

最新吃喝玩樂資訊