蔡思貝
蔡思貝

蔡思貝回應多緋聞指控 自揭港姐入行辛酸史 委屈爆喊:冇人會估到女一住喺二百呎地方

影視娛樂

廣告

林盛斌和江美儀主持的《Mean Talk》請來情同姊妹的蔡思貝、賴慰玲和何雁詩,蔡思貝獲選13年港姐亞軍而入行,緋聞無停過,蔡思貝親自回應姣精指控,更驚爆忽然富貴背後的真相,好姊妹護航爆出蔡思貝的不為人知艱苦,只是表面風光﹗

文:東方新地|圖:《Mean Talk》節目截圖、蔡思貝IG

何雁詩指蔡思貝外表硬朗,內在好似棉花糖一樣,平時只是死撐﹗(圖片來源:MeanTalk截圖)
何雁詩指蔡思貝外表硬朗,內在好似棉花糖一樣,平時只是死撐﹗(圖片來源:Mean Talk截圖)

蔡思貝入行多緋聞認係自己問題

《Mean Talk》周二(22日) 嘉賓蔡思貝,入行後緋聞冇停過,主持林盛斌直指她有人肉發電機稱號,蔡思貝承認是自己問題,因為性格唔修飾:「一向覺得男女搭膊頭冇問題,可能被標籤為鬼妹仔性格,入行後繼續係咁,冇諗到要顧及形象,原來呢個職業唔可以咁做,咁會有好多緋聞﹗」

蔡思貝指入行後緋聞冇停過,同自己性格唔修飾有關﹗(圖片來源:Meantalk截圖)
蔡思貝指入行後緋聞冇停過,同自己性格唔修飾有關﹗(圖片來源:Mean Talk截圖)

蔡思貝十五個緋聞男友嚇親江美儀

主持江美儀指蔡思貝緋聞多達十五單,有十五個緋聞男友,好誇張,阿Bob即問蔡思貝被人咁話會唔會嬲?蔡思貝話:「我唔開心嘅,因為始終唔係讚美,但係知道係有原因,因為自己入行頭幾年冇理到,處理得唔好,所以可以話經一事長一智。」

江美儀指蔡思貝有十五個緋聞男友,好誇張,阿Bob問蔡思貝有冇嬲?(圖片來源:Mean Talk截圖)
江美儀指蔡思貝有十五個緋聞男友,好誇張,阿Bob問蔡思貝有冇嬲?(圖片來源:Mean Talk截圖)

蔡思貝指忽然富貴是因慳儉

江美儀又指蔡思貝18年買樓及後又買車位,被指忽然富貴,會惹人誤會被人包,蔡思貝解釋:「好奇怪,好似人哋所指嘅『突然』就一定有事,但一路富貴又同家境冇關嘅,係唔會有人過問,好似我咁,其實我入咗行差不多十年,大家並唔知道我背後生活係點?就話我突然富貴,話會同工作唔成正比﹗」

何雁詩爆蔡思貝居住環境陝窄,要瞓碌架床上層,下層放滿雜物﹗(圖片來源:Meantalk截圖)
何雁詩爆蔡思貝居住環境差、好陝窄,要瞓碌架床上層,下層則放滿雜物﹗(圖片來源:Mean Talk截圖)

阿Bob力證蔡思貝慳儉:佢架車拎去劏唔知有冇三、四千

何雁詩立即護友:「做呢行要光鮮見人,唔通乞衣咁見人,但冇人知佢屋企,係瞓碌架床上層,下面堆滿雜物,間屋好細,好亂好多雜物﹗」賴慰玲幫口:「佢要慳錢去儲錢做按揭,其實香港地買樓唔係咩咁大件事,點解就覺得佢突然富貴﹗」阿Bob親證蔡思貝好慳家:「佢架車,拎去廢車場劏都唔知有冇三、四千,我話蔡思貝你貴為港姐亞軍,可唔可以揸架好少少嘅車,佢真係好慳,同佢表面畀人嘅印象係好唔同﹗」

阿Bob林盛斌親證蔡思貝好慳儉,揸了殘車好多年﹗(圖片來源:Mean Talk截圖)
阿Bob林盛斌親證蔡思貝好慳儉,揸架殘車好多年﹗(圖片來源:Mean Talk截圖)

蔡思貝話:「因為我一直以嚟,唔係嗰種拍戲整親,患病呀會公諸於世嘅人,我唔係呢種人,我係要懶有骨氣﹗」講到呢度蔡思貝掩臉而哭:「都係唔好講呢啲﹗」兩位好姊妹即安慰她。

蔡思貝講出入行辛酸,掩臉痛哭﹗(圖片來源:Mean Talk截圖)
蔡思貝講出入行辛酸史,掩臉痛哭﹗(圖片來源:Mean Talk截圖)

賴慰玲跟住蔡思貝一齊喊

賴慰玲指蔡思貝好艱苦,大爆蔡思貝居住環境陝小,並不是外界認為富貴:「 我上過佢屋企,要打側身入去,得二百呎,有一晚佢坐喺地下,我喺梳化望住佢,佢痛到喺度喊,喊咗好耐,佢話平時就係咁,返到嚟就咁喺度喊﹗」賴慰玲邊講邊喊﹗

蔡思貝聽到賴慰玲和何雁詩爆她的生活艱苦,當場爆喊﹗(圖片來源:Mean Talk截圖)
蔡思貝聽到賴慰玲和何雁詩爆她的生活艱苦,當場爆喊﹗(圖片來源:Mean Talk截圖)
賴慰玲戥蔡思貝委屈,跟住喊埋一份﹗(圖片來源:Mean Talk截圖)
賴慰玲戥蔡思貝委屈,跟住喊埋一份﹗(圖片來源:Mean Talk截圖)

蔡思貝委屈爆喊:冇人會知女一住喺二百呎屋

蔡思貝哽咽話:「所以不論傳媒點講, 大家可以翻查紀錄,我一次都冇喺社交平台去澄清自己﹗我一路都focus喺工作度,冇人會知一個女一,會喺一間二百呎地方度住、瞓碌架床,冇人會知道﹗」

蔡思貝喊到收唔到聲﹗(圖片來源:Mean Talk截圖)
蔡思貝喊到收唔到聲﹗(圖片來源:Mean Talk截圖)

江美儀狠辣追問蔡思貝:點解你唔避忌啲?

江美儀繼續追問:「作為女藝人,好似你咁,咁辛苦去建立事業,點解有啲嘢唔避忌啲,唔好等啲人無限放大呢?」蔡思貝話:「其實我係被動,總之有男性器官嘅都同我有關嘅,我冇得控制,唔係我控制範圍,例如我同余德丞friend啦,又被人講﹗」

蔡思貝被問到有人肉發電機、姣精、姣思貝等稱號,蔡思貝指:「總之有男性器官都同我有關﹗」(圖片來源:Mean Talk截圖)
蔡思貝被問到有人肉發電機、姣精、姣思貝等稱號,蔡思貝無奈指:「總之有男性器官都同我有關﹗」(圖片來源:Mean Talk截圖)

蔡思貝:我有小強性格先堅持到

林盛斌話冇人會估到女一係會咁窮,蔡思貝話:「我唔會話自己好窮,因為已經被好多人好,我會感恩所有,但我嘅生活的確同表現風光係一定有個距離,不過我有小強性格,呢日我喺呢個圈度仲健在都係因為呢個性格,如果唔係堅持唔到﹗」

蔡思貝曾被問價二百萬公開短訊內容截圖 親自開出心動價:幾千萬唔得﹗
冇人知蔡思貝背後的辛酸﹗(圖片來源:Mean Talk截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地