臨近34歲生日葉蒨文鬱躁出po趕客 斥責CP fans過度慰問
怒斥網民缺乏邊界感 GM留言撐女友
面對網民的熱情慰問與質疑，意想不到的是Sophie竟然極度反感，更親自現身火爆反擊。她發文怒斥網民管得太寬，直言：「對於網絡上那些『沒有邊界感』的鍵盤法官，我只有一句想講：我做善事多過你讚人」字裡行間充滿刺骨意味。這句反擊一出，瞬間點燃了網民的怒火，留言區頓時演變成大型戰場。GM亦留言支持女友：「我覺得ok，唔post 我ok，有post 我ok，你IG淨係post我唔post你自己我都ok，反正我ok你」
網民質疑態度與氣量 狂刪負評遭質疑自造「誇誇群」
有網民直斥她的態度大有問題，留言嘲諷：「做公眾人物做到你咁都幾肉酸」、「你既氣仲小過你既知名度」，更有網民語帶譏諷地表示：「『做善事多過你讚人』樓主示範一句說話將陰德全數轉換為功德」。就連原本支持他們的CP粉絲也感到無辜，無奈表示：「人地都係講下點解兩個人拍拖紀念唔放張合照，你地 CP fans 都係想睇呢 d，突然間起曬鋼都唔知你做乜，嗰個人完全冇踩過你，學下唔好心胸好似貴公司咁狹窄。」隨著戰火蔓延，有眼尖網民更發現 Sophie 懷疑暗中手動「淨化」留言區，大量批評與質疑留言相繼「被消失」。留言區隨即被提提醒她「狂刪不利留言」，諷刺她隱藏負評後，將留言區硬生生塑造成一面倒的支持者「誇誇群」。
死忠粉絲出面護航 呼籲保持禮貌尊重自由
不過，在濾走負評後的留言區中，Sophie依然有一批死忠粉絲全力護航，反擊批評者：「公眾人物就應份被指指點點？係咪公眾人物就要接受網絡冷嘲熱諷」、「做網民做到你咁，仲肉酸啦，周圍去酸人哋踩人哋，其實你，唔鍾意人哋，可以選擇唔睇」。有粉絲更撰寫長文力挺，表示CP粉絲其實很尊重偶像，想發布甚麼照片是他們的自由，並強調：「每個個人嘅時間都好寶貴，唔想睇可以選擇唔睇，保持邊界感係最基本嘅禮貌。我哋只會將時間留界真正值得嘅人物 Sophie 安心做自己，我哋永遠支持你！」
專注自我不求討好所有人 公眾人物言行仍備受關注
看到有鐵粉撐場，Sophie亦隨即回覆該名粉絲取暖：「冇錯，所以從來冇諗住討好所有人，只要專注做自己，自然會吸引到同道中人。」在經歷一輪網絡大戰後，葉蒨文似乎想為事件降溫並抒發心聲，隨後在社交平台上載了一段影片，大談其「闖關哲學」。她在片中以「果斷，源於對自己嘅極度了解」為題，向粉絲剖白內心世界：「其實每個人都有優缺點，我都唔例外。但點解面對未知嘅時候可以咁果斷？因為清楚了解自己，就係幫人生做最精準嘅投資。知道自己手上有咩牌，做選擇自然快狠準。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
