萬千星輝頒獎典禮2023｜丁子朗擔大旗做司儀評價兩極 小紅書網民喪插呢樣嘢
丁子朗背晒稿對答如流獲讚
《萬千星輝頒獎典禮》歷史上，只有2屆由一位司儀主持整個騷，分別是2006年的Do姐鄭裕玲及2022年的周奕瑋，丁子朗則成為第3人！雖然第一次自己一支公做大騷，但丁子朗都表現的毫不怯場，更沒有甩漏或食螺絲的情況出現，不少網民都覺得表現幾好：「一句都無甩漏，重要唔洗睇稿」、「又要超星練歌練舞，同時仲要做埋頒獎禮司儀背哂成份稿」、「其實佢都幾努力」、「一個人咁大個場合，算係咁啦」、「節目 1 man 主持絕不容易，重要又唱又跳，非常厲害」。
丁子朗慘被內地網民狠批
雖然丁子朗近期因參加《亞洲超星團》在內地累積不少人氣，但卻被內地觀眾狠踩未夠班自己一個人做主持：「星期一至五《妳不是她》，到周末《亞洲超星團》，連星期日《萬千星輝頒獎典禮》都是他一個做主持」、「好油膩」、「化妝起來好似鬼咁，面同頸兩截色」、「真的未夠班」、「塊面化得太白」、「真的不要寵他到太出面」、「他不帥，也沒星味」、「主持功力差，想炒氣氛，結果整場尷尬」。另外，亦有內地網民表示更加喜歡奪「最佳男主持」的周奕瑋，以及旁白主持許文軒：「周奕瑋做司儀更加穩」、「覺得另一個做旁白的主持做得更好」。
丁子朗承認表現「未算完美」
可能見到網上有不少負評，丁子朗在IG發文承認自己「未算完美」，並公開與幕後工作人員的合照，總經理曾志偉更畀足面給2隻手指公：「不可能挑戰不可能，未算完美，仍需努力，感激你們每一位，加油。」
連登仔大鬧TVB將累死丁子朗 變林峯2.0
近年丁子朗出場率極高，有連登仔以當年TVB捧林峯做例子，指當時林峯靚仔又識拍戲唱歌又勁點知因為當年有高層堅持頒發「亞太區最受歡迎男歌手獎」一事，搞到林峯被捧死咗，明明Package非常好。鬧爆TVB再咁樣捧丁子朗反而係反效果！先指出丁子朗其實明明幾靚仔幾唔錯，但係仲未太有個人特色以及賣點，就不斷日日捧佢出嚟，日見夜見搞到有反效果！
丁子朗被批做司儀扮叱咤林海峰
亦有連登仔表示，丁子朗在《萬千星輝頒獎典禮2023》的表現似扮叱咤林海峰，但係又扮唔足，搞到睇落相當老尷！又話其實最衰係將丁子朗搞到成個偽韓星咁：「一啲主角相都無」、「走健康路線正常啲，扮韓星跳舞 真係胃都返埋出嚟」、「佢個樣只能夠做司儀，仲要被人的咗去做咩新星… 好似玩x佢咁」、「做司儀做到好尷尬」、「搵佢做好似睇微電影YouTube level」。
丁子朗大騷經驗十足
其實丁子朗過去已經有不少大騷經驗，作為《2016年度香港先生選舉》亞軍的他，當年一加入TVB就已經有機會擔任《萬千星輝賀台慶2016》，隨後更獲欽點擔任TVB年度盛事的主持之一，包括《萬千星輝頒獎典禮2019》、《萬千星輝賀台慶2020》及《2021香港小姐競選決賽》等等，不過他次次都孖實Do姐、汪明荃及陳貝兒等大前輩一同主持。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
